Kutachika 8
8
1Nzambi #19:29; 30:22; Kwi 2:24; 1 Sam 1:11, 19; Luk 1:54, 72waanukili Nowa, niyuma yayumi yejima, niyimuna yejima yadiŋiyi nayu muwatu. Nzambi wakunkishili mpepela hamaseki, nimenji hiyakunyekumuka.
2Nituseloki twamukaluŋalwiji, niyenzelu yamenji amwiwulu yijika nikujika, ninvula ayiketwishili mwiwulu.
3Menji hiyakunyekumuka nakuuma hamaseki, awa akuya awa, awa akuuma awa; chimwahitili mafuku nkulakaji namakumi atanu (150) menji anyekumuka nikunyekumuka.
4Hakakweji kamuchitanu nachiyedi (7), hefuku dekumi nakatanu nakayedi (17) dakakweji, watu wakuŋameneni hampidi jaArarati.
5Menji awa akuya awa, awa akunyekumuka awa, nichaalukiliyi kakweji kamwikumi; hakakweji kamwikumi, hefuku dakusambila dakakweji, nyitu yamapidi yamwekeni.
6Chimwahitili mafuku makumi awana (40) Nowa wenzulwili kunjanina yawatu watuŋiliyi,
7hakutuukisha ikololu, wedikili hakuya nakukimbuka, niniku niniku, nichominuwu menji hamaseki.
8Watuukishili nawa nikatela, nindi atali neyi menji ananyekumuki dehi hamaseki.
9Hakwinza katela hikamweni hakudatila nyendu yakuku, hikakufunta kudi yena muwatu, muloŋa menji achidiŋi mwejima mwahita iseki; wedishili chikasa chindi, wamukwatili, wamwiŋijili cheŋi muwatu mwadiŋiyi Nowa.
10Wajiŋili mafuku amakwawu atanu nayedi, wamwidishili cheŋi katela muwatu.
11Hamelela katela kafuntili cheŋi mwadiŋiyi yena; kutala kumuvumbu waku kudi ifu dakuhobola kumuolive. Nowa welukili nindi menji ananyekumuki dehi hamaseki.
12Wajiŋili cheŋi mafuku amakwawu atanu nayedi, hakutuukisha cheŋi nikatela; hikafuntili cheŋi kudi Nowaku.
13Hamwaka waNowa wankulakaji jitanu nayimu namwaka wumu (601), hakakweji kakusambila, hefuku dakusambila dakakweji, menji omini hamaseki; Nowa wajikwili chijiku chawatu, hakutala komana hamaseki hanomi dehi.
14Hakakweji kamuchiyedi, hefuku damakumi ayedi nadamuchitanu nachiyedi (27), iseki domini.
15Nzambi wamwilili Nowa,
16nindi, Idikaku muwatu, nineyi, niŋodeyi, nianyaneyi, niaŋodijawu hamu.
17Idishilaku hamu neyi yuma yayumi yejima yiwudi nayu yikweti nyijimba yejima, niatuda, niayimuna, niyuma yazalalaŋa hamaseki; kulonda akasemununi nankashi hamaseki, akasemununi, #1:22akavuli hamaseki.
18Nowa wedikilumu, niŋodindi hamu nianyanindi, niaŋodijawu.
19Anyama ejima, niyuma yazalalaŋa hamaseki yejima, niatuda ejima, yoyuma yejima yendaŋa hamaseki, hanyichidi yawu hanyichidi yawu, yedikili muwatu.
20Nowa #12:7-8; 22:9; 33:20; Kwi 17:15; 24:4wamutuŋilili Yehova kameŋa kakulambwila; hadi anyama ejima akadi majilu, nihadi atuda ejima akadi majilu, wakwatiluhu amakwawu, wayilambwili hakameŋa kakulambwila, hinyilambu yakushita.
21Yehova watiyili #Kwi 29:18; 2 Kor 2:15ivumbodu dadiwahi; Yehova wahosheli mumuchima windi, nindi, Hinakashiŋa cheŋi iseki hansaŋu yamuntuku, muloŋa kufuukula #Mat 15:18-19; Rom 1:21kwamumuchima wamuntu kwatama hohu kufumisha kuwansi windi; hinaketa nawa cheŋi yuma yayumi yejima neyi ichi chineluku.
22Saŋa adiyi iseki,
Nimwaka wakutumba nimwaka #Yer 5:24wakwaŋula,
Nimashika ninkanza,
Nimwaka wanvula nimwaka wanoŋa,
Nimwaana niwufuku,
Yumiyi, hiyamba kaketukaku.
Currently Selected:
Kutachika 8: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.