Yililu 5
5
Ananiya naSafwira
1Ilaŋa kwadiŋi iyala wumu, ijina dindi Ananiya, naŋodindi Safwira, hiyakulandisha iheta dawu.
2Hakunonahu chibalu chawuseya, iŋodindi nawa niyena nachiluki, hakuleta chibalu chimu, hakuchitulila kunyendu yawapostolu.
3Petulu hakwila nindi, Eyi Ananiya, Satana nenzelidi mumuchima weyi, mwaka wutwambi kudi Spiritu Wajila, wusweki chibalu chawuseya weheta deyi?
4Hadiŋi iheta kanda wudilandishi, hidadiŋi deyuku? Hela mali wunadilandishi dehi, hiyadiŋi eyeyi aweni akwila nachu mwejima muwunakeŋuku? Muchima weyi wunatoŋojokelidi mwenimu? Hiwunatwambi kudi antuku, wunatwambi kudi Nzambi.
5Ananiya hakutiya mazu awa, adimbuka niheseki, yofwa nikufwa. Woma waweni wukwata niantu ejima anachitiyi.
6Anyikwenzi hiyakunyamuka, hiyakumujiŋajiŋa, hiyakumutwala hanzi, hiyakumutembeka nakumujiika.
7Chikuneli munahiti dehi kwiji mpinji jisatu, iŋodindi niyena hakwiŋilamu, chakadi kwiluka chuma chinasoŋi.
8Petulu hakumwihula nindi, Nleji, wuseya wumwalandisha iheta wowenowu, tahindi? Yena nindi, Eŋa, wowenowu.
9Petulu hakumwila nindi, Munatiyaŋenidi kumweseka Spiritu waMWANTA? Tiya nshindu janyendu yawantu anajiiki mfumweyi oju jikwinza kuchisu oju, nineyi nawa akukutwala hanzi.
10Hohenohu hakudimbukila kunyendu yindi, hakufwa. Anyikwenzi hiyakwiŋilamu, kumuwana wafwa dehi, hiyakumutwala hanzi nakumujiikila hamu namfumwindi.
11Chipompelu chejima chitiya niwoma waweni, niantu ejima atiyili yumiyi.
Apostolu hiyakukoŋa yihayamisha
12Apostolu hiyakukoŋa namakasawu niyinjikijilu niyihayamisha mukachi kawantu. Hiyakupompaŋa wejima wawu namuchima wumu hohu mwikeki daSolomoni.
13Anashali hiyakutiya woma wakudibomba nawu; ilaŋa hiyakuyilemesha kudi antu.
14Akwakukuhwelela asweja nikusweja kuvula, #2:47adibombeli kudi Mwanta, mazaza aweni amayala nawambanda.
15Hiyakweleka ákata hanzi nakuyisha munyikwakwa, nakuyikamika hela hatudidi hela hayikaŋa, kulonda chakuhitayi Petulu, hela kwamwevulu windi hohu wuyilewukili.
16Hikukupompa izaza dafumini munyikala yadiŋi kwakwihi naYerusalema niniku niniku kwi-ndo; hiyakuleta antu awu akata, niejima adiŋi nawaspiritu azonda, hiyakukola wejima wawu.
Kukabisha apostolu
17Henohu kapristu muneni niejima adiŋiyi nawu, wowu achaaku #4:1chawaSadusi, hiyakusaŋumoka, anatiyi dehi ichima mbe.
18Hiyakukwata apostolu, hiyakuyisha #4:3mukaleya mwashilaŋawu antu ejima.
19Ilaŋa #8:26; Kutach 16:7; Mat 1:20; Yow 20:12kaŋelu kaMWANTA hakwinza nawufuku nakwenzulula yenzelu yakaleya, hakuyiidisha hanzi,
20nindi, Yenu mwimani muTembeli, muleji antu mazu ejima awumi wunu.
21Chanachitiyuwu, hiyakwiŋila muTembeli hankunku yakucha, hiyakutaŋisha. Ilaŋa kapristu muneni hakuya, ninawa ekalayi nawu; hakupompesha chota, nichota chawaIsarela chikwawu chalema chejima; hiyakutemesha anhembi kukaleya ayileti.
22Ilaŋa chayiluwu anhembi, hiyakuwana mukaleya mwosi, hiyakufunta nakushimuna,
23nawu, Kaleya chalala twawana kakupata chakola, nianhembi saŋa emenawu kuyenzelu; ilaŋa chitwela netu twenzululuku, kuwana mukachi nimuntu mwosi.
24Mukulumpi wamashidika akuTembeli, niakulumpi jawatupristu, chatiyiluwu mazu awa, hiyakujinoka nankashi mukuya yumiyi.
25Hikukwinza muntu nakuyileja nindi, Tiyenu, awa amayala mwasha mukaleya anemani muTembeli nakutaŋisha antu.
26Mukulumpi wamashidika nawanhembi hiyakuya nakuyileta chakadi ndombu. Muloŋa hiyakutiya woma wawantu, nawu akenda katwasa malola.
27Chanayiletuwu, hiyakuyimika muchota.
28Kapristu muneni hakuyila nindi, Twayilejeli chakola, netu bayi mutaŋisha #4:18mwijiniduku. Tiyenu ntahi, muYerusalema mwejima mwawanina dehi kutaŋisha kwenu hohu; munatoŋojoki nenu mutwinki #2:23, 36muloŋa #Mat 27; 25wamashi aniwu muntu.
29Ilaŋa aPetulu nawapostolu hiyakwakula nawu, Chiŋa #4:19; Kwi 1:17twovwahila Nzambi, bayi antuku.
30Nzambi #3:13yawankakulula jetu wamusaŋwili Yesu mudi afu, mwájahilenu nakumukudika #10:39; Ŋal 3:13; 1 Pet 2:24hamutondu.
31Yenowu anamutúmbakeshi dehi kudi Nzambi nachikasa chindi chachidiilu, ekali Mwanta niChamwinu, kulonda aleti kudi Isarela #Luk 24:47jakubalumuka munyichima, nikuyanakena nshidi.
32Etu yetu ayinsahu yayumiyi; #Yow 15:26; Rom 8:16niSpiritu Wajila nawa anenkiyi Nzambi akwakumwovwahila.
33Wena chanachitiyuwu, #2:37chiyifutwisha nikunyichima, hiyakutoŋojoka nawu ayijahi.
34Muchota himukwimana kaFwarisewu wumu, ijina dindi Gamaleli, nkuluŋaŋa wanshimbi, amuhameka kudi antu ejima; hakuyileja nindi ayiidishi awa apostolu kampinji kanti.
35Hakuyila nindi, Enu amayala aIsarela, babalenu chimukukeŋa kuyila awa amayala.
36Muloŋa mafuku adiŋuku, Teyudasa wanyamukili nakudisama nindi nalema; yena hakudibomba nawamayala amakwawu, kwiji nkulakaji jiwana (400). Amujahili, niantu ejima amwovwahilili ayipalaŋesheli; akaŋanya nipukwa.
37Kulondela hadi yeniwu, hasonekesheluwu antu, Yudasi wakuŊaliliya niyena nawa, hakwambula antu amakwawu, nindi adikumi nayena. Yena nawa wanoŋa dehi, niamakwawu ejima amwovwahilili ayipalaŋesha dehi ndu-ndu.
38Ichi dinu nukuyileja nami yambulukenu amayalawa, yilekenu kwawu. Muloŋa neyi mpúŋiyi hela mudimu iwu wawantu, wukwikala wamukunkulwayi.
39Ilaŋa neyi himudimu waNzambi, himwakatwesha kuyifwomona awa antuku, mwakenda kela mudi #2 Kush 13:12nakulwisha naNzambi yomweni.
40Hiyakwiteja mwanahoshiyi. Chanatambikuwu apostolu, #Mat 10:17hiyakuyivupola, hiyakuyileja naŋovu nawu, Bayi muhosha mwijina daYesuku. Ayumbaku nikuyumbaku.
41Dichi hiyakufuma muchota nakuzaŋalala, nanochu chanayifuukwiluwu kutela #1 Pet 4:14, 16kusawuka nakukoola Ijina.
42Hiyalekeli kutaŋisha hefuku hefuku muTembeli nikumatalawuku, nakushimuna #8:35; 11:20; 17:18Yesu nawu diyi Kristu.
Currently Selected:
Yililu 5: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
