Roma 4
4
Abraham tà ghabamntù
1Ndùlala bag nsi tshob à ndùke num Abraham mbwe tà be num mat mbàb wul à? 2A be ze Abraham na' mbe mèn netsin à num mfa' mi là, mb'a ku'ni neta' nsoṅe, là ke b'a mbwe Nsi. 3Ṅwa'ni #Net. 15.6; Gal. 3.6Nsi num ntshob ndùke? Abraham lo bam Nsi, Nsi siaṅte yen nà mba nunetsin nà. 4Là mèn z'a fa' fa' là, mba bo ke siaṅte nkàbfa' à mba ju kondèn nà, là mba ju z'a ku'ni nekwé là. 5Mèn z'a ke' fa' fa', là mbam mèn z'a be ngù nga wag Nsi tù' mèn netsin nà, 6be ndaṅndaṅ, a mba David num ntshob fen mèn ze Nsi siaṅte nunetsin mfà yi ke b'a num mfa' là, ntshob ndù:
7Ghafen #Yobk. 32.1-2b'a ben tse Nsi lagte mfànnu mube,
mbèn nkabte nukebwô tshob là!
8Mènfen b'a mèn ze Tshùaben
ke' siaṅte nukebwô i là.
9Sen fen nà b'a num mèn z'a si ket là ké, k'a b'a mba num z'a ke' si kel à? Nummbe bag num ntshob ndù: Nsi lo siaṅte bamntù Abraham mba nunetsin nà. 10Nsi na' nsiaṅte yen n'a ndùke? Ngelaṅ z'a si ket ke ngelaṅ z'a ke' ke si kel à? A ke b'a ngelaṅ z'a si ket là, là ngelaṅ z'a be ke yoṅ nsi ket là. 11A #Net. 17.10lo kwé lèn nu nesi ket mba sitam nunetsin ze bamntù i fà yi ngelaṅ z'a be ke yoṅ nsi ket là, ndùlala ndù a be tà njoṅ ghabam fa tse bo be netèt ben tse bo ke' si ket là, ndùlala ndù Nsi siaṅte nunetsin mfà bo, 12mba ndù Abraham be tà ben tse bo si ket là, ke b'a ben tse bo kwé à nda' nu nesi ket là, là ben tse bo be nzin njam bamntù ze tà be Abraham na' ngù ngelaṅ z'a be ke yoṅ nsi ket là.
13Nummbe #Net. 17.4-6; 22.17-18; Gal. 3.29Nsi lo ka' Abraham ke nzwil i lo ndù njù nsi be ju ntsi' i, ke b'a num ntshù' là num nunetsin ze bamntù num mfà là. 14A #Gal. 3.18be ze ntshù' bèn ngù kà bo jù ntsi' là, mba bamntù b'a banban, mba nka'ni bi. 15Nummbe ntshù' be njam yantù, là dù' ze ntshù' ke' be là, nefàn ntshù' ke be bwe. 16A #Gal. 3.7ndùlala bamntù bèn ngù kà bo njù ntsi'i, a b'a ju kondèn, ndùlala ndù nka'ni ghô num njoṅ nzwit fa, ke b'a z'a b'a nda' njam ntshù' là, là mba z'a b'a njam bamntù Abraham, z'a be tà njoṅ be fa, 17ndaṅndaṅ #Net. 17.5mba bo kite ndù: Me yab o tà nzwit benntùn yàm nà. A b'a tà be mbwe Nsi, a bam Nsi z'a num mfà yôg fe ben, mbèn ntsiaṅ tshu ts'a ke' be là mba bo num bwe là. 18Abraham #Net. 15.5bam, nywinte, mba mba nenywinte na' mbe ke bèn nebe là, ndù a nsi tù' tà nzwit benntùn yàme, ndaṅndaṅ mba bo na' ntshob yi ndù: A b'a ndaṅndaṅ mba nzwil o nsi be là. 19A #Net. 17.17lôte wul i z'a tù' nekwù là nummbe a lo ghù nguan ngu'njù nkù, mbèn ndôte bam Sara s'a kwù là, là ke bot ntùm bamntù i, 20a lo ke magte nka'ni Nsi ntùm nebe ke bam, là, a lo be mèn neta ntùm bamntù, nke mfà ghamte Nsi. 21A lo lèn kua' mebwô ndù ju ze Nsi ka' là, a ku'ni neghù a bumte. 22A ndùlala Nsi lo siaṅte yen nà yi mba nunetsin nà. 23Là bo lo ke kit'a num i ndù: Nsi lo siaṅ yen nà, 24là mba num be, Nsi nsi siaṅte yen nà mba ben tse be bam mèn z'a na' mbam Tshùaben be num vù là, 25yi #Es. 53.4-5ze bo na' mfà i num mfànnu be, yi z'a na' mbam num vù neghù be tù' ben netsin nà.
Currently Selected:
Roma 4: BMa
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Roma 4
4
Abraham tà ghabamntù
1Ndùlala bag nsi tshob à ndùke num Abraham mbwe tà be num mat mbàb wul à? 2A be ze Abraham na' mbe mèn netsin à num mfa' mi là, mb'a ku'ni neta' nsoṅe, là ke b'a mbwe Nsi. 3Ṅwa'ni #Net. 15.6; Gal. 3.6Nsi num ntshob ndùke? Abraham lo bam Nsi, Nsi siaṅte yen nà mba nunetsin nà. 4Là mèn z'a fa' fa' là, mba bo ke siaṅte nkàbfa' à mba ju kondèn nà, là mba ju z'a ku'ni nekwé là. 5Mèn z'a ke' fa' fa', là mbam mèn z'a be ngù nga wag Nsi tù' mèn netsin nà, 6be ndaṅndaṅ, a mba David num ntshob fen mèn ze Nsi siaṅte nunetsin mfà yi ke b'a num mfa' là, ntshob ndù:
7Ghafen #Yobk. 32.1-2b'a ben tse Nsi lagte mfànnu mube,
mbèn nkabte nukebwô tshob là!
8Mènfen b'a mèn ze Tshùaben
ke' siaṅte nukebwô i là.
9Sen fen nà b'a num mèn z'a si ket là ké, k'a b'a mba num z'a ke' si kel à? Nummbe bag num ntshob ndù: Nsi lo siaṅte bamntù Abraham mba nunetsin nà. 10Nsi na' nsiaṅte yen n'a ndùke? Ngelaṅ z'a si ket ke ngelaṅ z'a ke' ke si kel à? A ke b'a ngelaṅ z'a si ket là, là ngelaṅ z'a be ke yoṅ nsi ket là. 11A #Net. 17.10lo kwé lèn nu nesi ket mba sitam nunetsin ze bamntù i fà yi ngelaṅ z'a be ke yoṅ nsi ket là, ndùlala ndù a be tà njoṅ ghabam fa tse bo be netèt ben tse bo ke' si ket là, ndùlala ndù Nsi siaṅte nunetsin mfà bo, 12mba ndù Abraham be tà ben tse bo si ket là, ke b'a ben tse bo kwé à nda' nu nesi ket là, là ben tse bo be nzin njam bamntù ze tà be Abraham na' ngù ngelaṅ z'a be ke yoṅ nsi ket là.
13Nummbe #Net. 17.4-6; 22.17-18; Gal. 3.29Nsi lo ka' Abraham ke nzwil i lo ndù njù nsi be ju ntsi' i, ke b'a num ntshù' là num nunetsin ze bamntù num mfà là. 14A #Gal. 3.18be ze ntshù' bèn ngù kà bo jù ntsi' là, mba bamntù b'a banban, mba nka'ni bi. 15Nummbe ntshù' be njam yantù, là dù' ze ntshù' ke' be là, nefàn ntshù' ke be bwe. 16A #Gal. 3.7ndùlala bamntù bèn ngù kà bo njù ntsi'i, a b'a ju kondèn, ndùlala ndù nka'ni ghô num njoṅ nzwit fa, ke b'a z'a b'a nda' njam ntshù' là, là mba z'a b'a njam bamntù Abraham, z'a be tà njoṅ be fa, 17ndaṅndaṅ #Net. 17.5mba bo kite ndù: Me yab o tà nzwit benntùn yàm nà. A b'a tà be mbwe Nsi, a bam Nsi z'a num mfà yôg fe ben, mbèn ntsiaṅ tshu ts'a ke' be là mba bo num bwe là. 18Abraham #Net. 15.5bam, nywinte, mba mba nenywinte na' mbe ke bèn nebe là, ndù a nsi tù' tà nzwit benntùn yàme, ndaṅndaṅ mba bo na' ntshob yi ndù: A b'a ndaṅndaṅ mba nzwil o nsi be là. 19A #Net. 17.17lôte wul i z'a tù' nekwù là nummbe a lo ghù nguan ngu'njù nkù, mbèn ndôte bam Sara s'a kwù là, là ke bot ntùm bamntù i, 20a lo ke magte nka'ni Nsi ntùm nebe ke bam, là, a lo be mèn neta ntùm bamntù, nke mfà ghamte Nsi. 21A lo lèn kua' mebwô ndù ju ze Nsi ka' là, a ku'ni neghù a bumte. 22A ndùlala Nsi lo siaṅte yen nà yi mba nunetsin nà. 23Là bo lo ke kit'a num i ndù: Nsi lo siaṅ yen nà, 24là mba num be, Nsi nsi siaṅte yen nà mba ben tse be bam mèn z'a na' mbam Tshùaben be num vù là, 25yi #Es. 53.4-5ze bo na' mfà i num mfànnu be, yi z'a na' mbam num vù neghù be tù' ben netsin nà.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.