Roma 3
3
Ju ze ba Yuda tshùa tsemo' ben yi là
1Ke ze ze Yuda ghù ntshùat'à? Nesi ket ywimt'a ke? 2A yàm num njoṅ manze fa, mbwe i b'a ndù: Nsi lo lem ntshob mi à bo. 3Yen nà b'a ke? A be ze tsemo' ben be ke bam nà, mba yub nebe kebam nsi biagte bamntù Nsi ké? A nsi ghù bwôntù Nsi bèn njam ké? 4Nga, #Yobk. 51.6a ke b'a ndùlala. A bwô be lèn ndù Nsi b'a nenùne, njoṅ benntùn fa be ghatatte, mba bo kite là ndù: A bwô ndù nu o tsin ntùm ntshob mu, mba ndù k'o vù ntsha ngelaṅ bo nsi tsho't'o là.
5Là, a be ze ze be nuketsin num nda'te nunetsin Nsi là, mba be nsi tshob à ndùke? Nsi b'a mèn ketsin ngelaṅ z'a se' ntùm yantù là ké? (Me tshob à mba mènntùn nyiaṅtu là). 6Nga, a ke b'a ndùlala. A be z'a be ndùlala là, mba Nsi nsi tsho'te njù à ndùke? 7A be yàm tatte bù'te nunenùn Nsi, nkuni mi tswite wul i ntùm bwe là, mba bo nsi bèn tsho't'àm mba mèn kebwô à ndùke? 8Ndùlala numke be ke ghù nukebwô ndù numebwô tum bwe à? A b'a ju ze ghatshabte be be ntshob ndù be tshob là. Tshen ben nà ku'ni ghavù ntsha.
Njoṅ benntùn fa b'a ghaghù nukebwô
9A bèn mba ndùke? Be tshùa yub ké? Ṅ, là nga, ke b'a num njoṅ i fa. Nummbe be lo à nabte ndù: Ba Yuda mba ba Grikia, njoṅ yub fa b'a kuan bu nukebwô,
10ndaṅndaṅ #Yobk. 14.1-3; 53.2-4mba bo kite ndù:
Mèn netsin ke bwe, mba nda' ntshù'.
11Ngazenu ke bwe,
ngadiag Nsi ke bwe.
12Njoṅ yub fa fàn manze,
bo ke' bèn njwimte sàm ju,
ngaghù numebwô ke bwe, mba ta' i ntshù',
13Nzetô #Yobk. 5.10; 140.4yub b'a fi s'a te nge là
bo be ndo' lém sob mfùte benntùn yi,
14ntshu #Yobk. 10.7yub dun ndon mba nezwe,
15nku #Es. 59.7-8mub num mfùag num nefètte lem,
16Nebagte mba nge' num num manze yub,
17bo ke' lèn manze fite.
18Nebwôg #Yobk. 36.2Nsi ke' be num miag mube.
19Là be lèn ndù njoṅ tshu fa tse ntshù' num ntshob là, a ke ntshob à ben tse bo be ntùm ntshù' là, ndùlala ndù njoṅ ntshu fa meme, mba ndù njoṅ njù fa be ghavù ntsha mbwe Nsi. 20Nummbe #Yobk. 143.2; Gal. 2.16sàm mèn ke nsi be mèn netsin mbwe i ntshùa njam mfa' ntshù', nummbe a num ntshùa njam ntshù' mèn lèn nukebwô tse.
Bamntù num Yésu Kristô num mfà yôg
21Là ndonni nunetsin Nsi tswite wul i ke bèn mb'a num nu ntshù', ntshù' mba ghatshob ntshob Nsi lo kwé nta mi; 22a #Gal. 2.16b'a nunetsin Nsi ntshùa njam bamntù num Yésu Kristô, num njoṅ benntùn fa tse bo num mbam nà, nummbe netôte ke' bèn mbe. 23Nummbe njoṅ benntùn fa lo ghù nukebwô, ke ghù nkuni Nsi. 24Nsi lo ghù bo tù' ben netsin banban ntùm kondèn i, ntshùa njam netshu' z'a be num Yésu Kristô là. 25Nsi lo yab Kristô Yésu mba manze z'a tshùa bwe kà ko ndèn ben tse bo bam lem tse là, ndùlala ndù a tswite nunetsin i, nummbe a lo fènte nukebwô benntùn ghù fe mbwe, 26ngelaṅ ghub ntù Nsi là, mba ndù a be mèn netsine, ngù mèn z'a bam Yésu là tù' mèn netsine.
27Ndùlala nu nta'nsoṅ b'a yà? Bo sô i. Mit ntshù' a? Ntshù' mfa' ké? Nga, là ntshù' bamntù bèn nsô i! 28Nummbe bag kwate ndù mènntùn be mèn netsin à num bamntù, ke b'a num mfa' ntshù'. 29Nsi b'a nda' Nsi ba Yuda ké? A ke b'a mba Nsi ghakelèn Nsi ké? Ṅ, a b'a mba Nsi ghakelèn Nsi. 30Nsi #Neb. 6.4; Gal. 3.20b'a nda' ntshù', ndùlala a nsi ghù ben tse bo si ket là be ben netsin num bamntù, mbèn ngù ben tse bo ke' si ket là be ben netsin ntshùa njam bamntù. 31Ndùlala bag num ndo' bamntù mbiagte ntshù' yi ké? Nga, a ke b'a ndùlala, là bag ke neghù ndù a tsin tù.
Currently Selected:
Roma 3: BMa
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Roma 3
3
Ju ze ba Yuda tshùa tsemo' ben yi là
1Ke ze ze Yuda ghù ntshùat'à? Nesi ket ywimt'a ke? 2A yàm num njoṅ manze fa, mbwe i b'a ndù: Nsi lo lem ntshob mi à bo. 3Yen nà b'a ke? A be ze tsemo' ben be ke bam nà, mba yub nebe kebam nsi biagte bamntù Nsi ké? A nsi ghù bwôntù Nsi bèn njam ké? 4Nga, #Yobk. 51.6a ke b'a ndùlala. A bwô be lèn ndù Nsi b'a nenùne, njoṅ benntùn fa be ghatatte, mba bo kite là ndù: A bwô ndù nu o tsin ntùm ntshob mu, mba ndù k'o vù ntsha ngelaṅ bo nsi tsho't'o là.
5Là, a be ze ze be nuketsin num nda'te nunetsin Nsi là, mba be nsi tshob à ndùke? Nsi b'a mèn ketsin ngelaṅ z'a se' ntùm yantù là ké? (Me tshob à mba mènntùn nyiaṅtu là). 6Nga, a ke b'a ndùlala. A be z'a be ndùlala là, mba Nsi nsi tsho'te njù à ndùke? 7A be yàm tatte bù'te nunenùn Nsi, nkuni mi tswite wul i ntùm bwe là, mba bo nsi bèn tsho't'àm mba mèn kebwô à ndùke? 8Ndùlala numke be ke ghù nukebwô ndù numebwô tum bwe à? A b'a ju ze ghatshabte be be ntshob ndù be tshob là. Tshen ben nà ku'ni ghavù ntsha.
Njoṅ benntùn fa b'a ghaghù nukebwô
9A bèn mba ndùke? Be tshùa yub ké? Ṅ, là nga, ke b'a num njoṅ i fa. Nummbe be lo à nabte ndù: Ba Yuda mba ba Grikia, njoṅ yub fa b'a kuan bu nukebwô,
10ndaṅndaṅ #Yobk. 14.1-3; 53.2-4mba bo kite ndù:
Mèn netsin ke bwe, mba nda' ntshù'.
11Ngazenu ke bwe,
ngadiag Nsi ke bwe.
12Njoṅ yub fa fàn manze,
bo ke' bèn njwimte sàm ju,
ngaghù numebwô ke bwe, mba ta' i ntshù',
13Nzetô #Yobk. 5.10; 140.4yub b'a fi s'a te nge là
bo be ndo' lém sob mfùte benntùn yi,
14ntshu #Yobk. 10.7yub dun ndon mba nezwe,
15nku #Es. 59.7-8mub num mfùag num nefètte lem,
16Nebagte mba nge' num num manze yub,
17bo ke' lèn manze fite.
18Nebwôg #Yobk. 36.2Nsi ke' be num miag mube.
19Là be lèn ndù njoṅ tshu fa tse ntshù' num ntshob là, a ke ntshob à ben tse bo be ntùm ntshù' là, ndùlala ndù njoṅ ntshu fa meme, mba ndù njoṅ njù fa be ghavù ntsha mbwe Nsi. 20Nummbe #Yobk. 143.2; Gal. 2.16sàm mèn ke nsi be mèn netsin mbwe i ntshùa njam mfa' ntshù', nummbe a num ntshùa njam ntshù' mèn lèn nukebwô tse.
Bamntù num Yésu Kristô num mfà yôg
21Là ndonni nunetsin Nsi tswite wul i ke bèn mb'a num nu ntshù', ntshù' mba ghatshob ntshob Nsi lo kwé nta mi; 22a #Gal. 2.16b'a nunetsin Nsi ntshùa njam bamntù num Yésu Kristô, num njoṅ benntùn fa tse bo num mbam nà, nummbe netôte ke' bèn mbe. 23Nummbe njoṅ benntùn fa lo ghù nukebwô, ke ghù nkuni Nsi. 24Nsi lo ghù bo tù' ben netsin banban ntùm kondèn i, ntshùa njam netshu' z'a be num Yésu Kristô là. 25Nsi lo yab Kristô Yésu mba manze z'a tshùa bwe kà ko ndèn ben tse bo bam lem tse là, ndùlala ndù a tswite nunetsin i, nummbe a lo fènte nukebwô benntùn ghù fe mbwe, 26ngelaṅ ghub ntù Nsi là, mba ndù a be mèn netsine, ngù mèn z'a bam Yésu là tù' mèn netsine.
27Ndùlala nu nta'nsoṅ b'a yà? Bo sô i. Mit ntshù' a? Ntshù' mfa' ké? Nga, là ntshù' bamntù bèn nsô i! 28Nummbe bag kwate ndù mènntùn be mèn netsin à num bamntù, ke b'a num mfa' ntshù'. 29Nsi b'a nda' Nsi ba Yuda ké? A ke b'a mba Nsi ghakelèn Nsi ké? Ṅ, a b'a mba Nsi ghakelèn Nsi. 30Nsi #Neb. 6.4; Gal. 3.20b'a nda' ntshù', ndùlala a nsi ghù ben tse bo si ket là be ben netsin num bamntù, mbèn ngù ben tse bo ke' si ket là be ben netsin ntshùa njam bamntù. 31Ndùlala bag num ndo' bamntù mbiagte ntshù' yi ké? Nga, a ke b'a ndùlala, là bag ke neghù ndù a tsin tù.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.