Nesiaṅe 7
7
Bo fà tshu neket tshu yi ndà Nsi
1Ngelaṅ ze Mosé na' miagte nete ndà Tshùaben tù là, a yo' i mfèt, ndànt'é boa njoṅ tshundà mba tômbwôg neton tshu le'te bwe, boa tse tshu, a yo' i mbèn ndànt'é. 2Mba zit mèn no num ghatô tunndà lo' tse tshu bwôntù. A b'a ghatô tunndà tse bo na' nke ntshagte nesiaṅ benntùn nà. 3Bo lo' tshob tshu bwôntù nse' yi mbwe Tshùaben. A na' mb'a nkalig ntôge ndù bo kabte num tse nyàmna' ntshob bàa gham, ta' kalig num ghatô tunndà bàa, ta' nyàmna' num ta' mèn. Bo tènte nte mbwe ndà Nsi. 4Tshùaben tshob Mosé ndù: 5Kwé tshen tshu tse bo se' mfà wù là bo nsi lo' tshen nà ke fa' yi num ndà mbumte. O nsi fà tshen tshu là bon Lévi, mfà mba we lo be mba ze ntshu fa' tshwèt nke ndiag là. 6Mosé kwé nkalig mba nyàmna' mfà ntô Lévi. 7A fà nkalig mbàa ngù nyàmna' kuà nshumnshum Gerson, be mba yub ntshu fa' ke ndiag là. 8Mfà tsemo' nkalig nkuà bo nyàmna' fome Itamar, nshum Aron ndù a fà nshumnshum Méhari, mba yub ntshu fa' nke ndiag là. 9A ke fà sàm ju nshumnshum Kéhat nummbe sub fa' na' mb'a neket tshu tse bo lànte là nkembe' bo.
Bo fà nda' num jùa ndà Nsi
10Ghatô tunndà lo' tshu mfà num neyo' tômbwôge, nse' yi num lé'njù ze bo nke njo' tômbwôg là. Ghatô tunndà lo' tshob tshu nefa' nse' yi mbwe tômbwôge. 11Tshùaben tshob Mosé ndù: A bwô ndù ghatô tunndà ke nse' be ntshù' ntshù', ta' mèn num ta' lé'njù num nejag tômbwôge.
12A na' mb'a Nason, nshum Aminadab, num tunndà Yuda, na' mbèn nto' nelo' tse tshu nse' yi num mbwe lé'njù. 13Ze ju nefà na' mb'a: Ta' ka silba, nket ndô nkàb 130, nka nesôg ju, be ta' ka silba, nke ndo' ze ndô nkàb 70. Ndô nkab dù'nsi ndù bo tébte mbab bàn mfèt, naṅ labinda ntùm bwe k'a dun. 14Ta' ntu' gol z'a ket ndô nkàb 10, ndù labinda dun ntùm bwe. 15Ta' ndu mfô, ta' kekomnjù, ta' mèn njùmbwe z'a tswe tamngu' là, nton a kù kà bo nde'te Nsi yi. 16Ta' fot mbwe num nelagte nukebwô. 17Num nele'te ndù fite be, bo ghù nyàmna' bàa, nkekomnjù tàn, fot mbwe tàn ngù bon njùmbwe tamngu' tàn. Tshù ju ze Nason nshum Aminadab na' mfà là.
18Num lé'njù bàa, Nétanél, nshum Suar ngatô tunndà Isakar se' ze ju. 19A na' mb'a ta' ka silba nket ndô nkàb 130, ta' ka silba num nesôg ju yi, a nke nket ze ndô nkàb 70 num ndô nkàb dù'nsi, ndù bo lo' mfèt ntshwibte mbab bàn, naṅ bwe, bàa fa a dun, num nefà ju ghamte yi. 20Ta' ntu' gol nke nket ndô nkàb 10 ndù labinda dun bwe. 21Ta' ndu mfô, ta' kekomnjù, ngù mén njùmbwe tamngu' num neton a kù kà bo nde'te Nsi yi. 22Ta' fot mbwe num nelagte nukebwô. 23Num nele'te ndù fite be, bo ghù nyàmna' bàa, nkekomnjù tàn, fot mbwe tàn, ngù bon njùmbwe tamngu' tàn. Tshù ju nefà ze Nétanél, nshum Suar na' mfà là.
24Num lé'njù tat, a b'a ngatô tunndà Zabulon, Ehaf, nshum Hélon. 25Ze ju nefà na' mb'a, ta' ka silba, a nke nket ndô nkàb 130, ta' ka silba num nesôg ju yi, a nke nket ndô nkàb 70, ndù bo tshwibt'é mbab bàn mfèt naṅ bwe bàa fa kà dun, num nefà ju ghamte yi Nsi. 26Ta' ntu' gol nke nket nkab 10, ndù labinda dun bwe. 27Ta' ndu mfô, ta' kekomnjù, ta' mén njùmbwe tamngu' num neton a kù kà bo ngamte Nsi yi. 28Ngù ta' fot mbwe num nelagte nukebwô. 29Num nele'te ndù fite be: Nyàmna' bàa, nkekomnjù ntàn, fot mbwe tàn, bon njùmbwe tamngu' tàn. Tshù ju ze Eliaf, nshum Hélon na' mfà là.
30Num lé'njù kuà, a b'a ngatô tunndà nshumnshum Rubèn: Elisur, nshum Shedéur. 31Ze ju neghù na' mb'a ta' ka silba, a nke nket ndô nkàb 130, ta' ka silba num nesôg ju te mbab bàn naṅ bwe kà dun mbàa fa. 32Ta' ntu' gol, nke nket ndô nkàb 10, ndù labinda dun bwe. 33Ta' ndu mfô, ta' kekomnjù, ta' mén njùmbwe tamngu', num neton a kù kà bo nde'te Nsi yi. 34Ta' fot mbwe nelagte nukebwô. 35Num nele'te ndù fite be: Nyàmna' bàa, nkekomnjù tàn, fot mbwe tàn, bon njùmbwe tamngu' tàn. Tshù ju ze Elisur, nshum Shedéur na' mfà là.
36Num lé'njù tàn, a b'a ngatô tunndà Siméon, Shédunél, nshum Surisadai. 37Ze ju nefà na' mb'a: Ta' ka silba, a nke nket ndô nkàb 130, ta' ka silba num nesôg ju, num ndô nkàb dù'nsi, ndù bo tshwibte mbab bàn mfèt naṅ bwe mbàa fa kà dun. 38Ta' ntu' gol, a nke nket nkab 10 ndù labinda dun bwe. 39Ta' ndu mfô, ta' kekomnjù, ta' mén njùmbwe tamngu', num neton a kù kà bo nde'te Nsi yi. 40Ta' fot mbwe num nelagte nukebwô. 41Nele'te ndù fite be. Nyàmna' bàa, nkekomnjù tàn, fot mbwe tàn, bon njùmbwe tamngu' tàn. Tshù ju ze Shédunél nshum Suri na' mfà là.
42Num lé'njù ntôge, a b'a ngatô tunndà Gad, Eliasaf nshum Deul, 43ze ju nefà, ta' ka silba, a nke nket ndô nkàb 130, ta' ka silba num nesôg ju, a nke nket ndô nkàb 70, num ndô nkàb dù'nsi, ndù bo tshwibte mbab bàn mfèt, naṅ bwe mbàa fa k'a dun. 44Ta' ntu' gol, a nke nket ndô nkàb ndù labinda dun bwe. 45Ta' ndu mfô, ta' kekomnjù, ta' mén njùmbwe tamngu', neton a kù kà bo nde'te Nsi yi. 46Ta' fot mbwe num nelagte nukebwô.
47Num nele'te ndù fite be, nyàmna' bàa, kekomnjù tàn, fot mbwe tàn, bon njùmbwe tamngu' tàn, tshen ni b'a tshu tse Eliasaf nshum Deul na' mfà là.
48Num lé'njù sammbàa, a b'a ngatô tunndà Benjamin, Elishama nshum Amihud. 49Ze ju nefà na' mb'a: Ta' ka silba, nke nket ndô nkàb 130, ta' ka silba num nesôg ju, a nke nket ndô nkàb 70, num nkàb dù'nsi, ndù bo tshwibte mbab bàn mfèt naṅ bwe fa a dun, num nele'te Nsi yi. 50Ta' ntu' gol, nke nket ndô nkàb 10, ndù labinda dun bwe. 51Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi, 52ta' fot mbwe num nelagte nukebwô. 53Num nele'te ndù fite be: Nyàmna' bàa, kekomnjù tàn, fot mbwe tàn, ngù bon njùmbwe tamngu' tàn. Tshù ju nefà tse Elishama, nshum Amihud na' mfà là.
54Num lé'njù fome, a b'a ngatô tunndà Manasé, Gamliél, nshum Pédatsur. 55Ze ju nefà na' mb'a: Ta' ka silba, nke nket ndô nkàb 130, ta' ka silba num nesôg ju, a nke nket ndô nkàb 70, num nkàb dù'nsi, ndù bo tshwibte mbab bàn mfèt naṅ bwe mbàa fa kà dun, num neghamte Nsi yi. 56Ta' ntu' gol, nke nket ndô nkàb 10, ndù labinda dun bwe. 57Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi. 58Ta' fot mbwe num nelagte nukebwô. 59Num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn, tshù ju nefà ze Gamliél nshum Pédatsur na' mfà là.
60Num lé'njù bwe'e, a b'a ngatô tunndà Benjamin, Avidan, nshum Guédoni. 61Ze ju nefà b'a ta' ka silba, nke nket ndô nkàb 130, ta' ka silba num nesôg ju, nke nket silba 70, num ndô nkàb dù'nsi, ndù bo tshwibte mbab bàn mfèt naṅ bwe mbàa fa kà dun. 62Ta' ntu' gol, nke nket ndô nkàb 10, ndù labinda dun bwe. 63Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi. 64Ta' fot mbwe num nelagte nukebwô. 65Num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn. Tshù ju ze Avidan, nshum Guédoni na' mfà là.
66Num lé'njù gham, a b'a ngatô tunndà Dan, Ahizar, nshum Amishadaï. 67Ze ju nefà na' mb'a: Ta' ka silba nke nket ndô nkàb 130, ta' ka ndô nkàb num nesôg ju nke nket ndô nkàb 70, num nkab dù'nsi, ndù bo tshwibte mbab bàn mfèt naṅ bwe mbàa fa a dun num neghamte Nsi yi. 68Ta' ntu' gol, nke nket ndô nkàb 10, ndù labinda dun bwe. 69Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi, 70ta' fot mbwe num nelagte nukebwô, 71num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn, tshù ju ze Ahizar, nshum Amishadaï na' mfà là.
72Num lé'njù ntshob ntshù' gham a b'a ngatô tunndà Aser, Pagiel, nshum Okran. 73Ze ju nefà na' mb'a ta' ka silba, nke nket ndô nkàb 130, ta' ka silba num nesôg ju, nke nket ndô nkàb 70, num ndô nkàb dù'nsi, ndù bo tshwibte mbab bàn mfèt naṅ bwe mbàa fa a dun. 74Ta' ntu' gol, nke nket ndô nkàb 10, ndù labinda dun bwe. 75Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi. 76Ta' fot mbwe num nelagte nukebwô. 77Num nele'te Nsi ndù fite be: Nyàmna' bàa, kekomnjù tàn, bon njùmbwe tamngu' tàn. Tshù ju ze Pagiel, nshum Okran na' mfà là.
78Num lé'njù ntshob bà gham, a b'a ngatô tunndà Néftali, Ahira nshum Einam. 79Ze ju nefà na' mb'a: Ta' ka silba, nke nket ndô nkàb 130, ta' ka silba num nesôg ju, nke nket ndô nkàb 70, num ndô nkàb dù'nsi, ndù bo tshwibte mbab bàn mfèt naṅ bwe mbàa fa a dun, 80ngù ntu' gol, nke nket ndô nkàb 10, ndù labinda dun bwe. 81Ta' ndu mfô, ta' kekomnjù, ta' mén njùmbwe tamngu' num neton a kù kà bo nde'te Nsi yi. 82Ta' fot mbwe num nelagte nukebwô. 83Num nele'te ndù fite be: Nyàmna' bàa, kekomnjù tàn, fot mbwe tàn, bon njùmbwe tamngu' tàn, tshù ju ze Ahira, nshum Einam na' mfà là.
84Tshù tshu nefà tse ghatô tunndà ba Israél na' mfà num neton fà num tômbwôge, mba neyo' tômbwôg là. A na' mb'a nka silba gham, nka silba nesôg ju ntshob bàa gham, ntu' gol ntshob bàa gham. 85Mba zit ka silba lo nke nket ndô nkàb 130, mba zit ka nesôg ju lo nke nket ndô nkàb 70. Tshen tshu là tamte fa ntum nkàb 2400, num ndô nkàb dù'nsi. 86Ntu' gol tse bo nke naṅ labinda bwe là lo nke ndo' ta' i, ndô nkàb 10, num ndô nkàb dù'nsi. Tshen ntu' là tamte fa mbe ndô nkàb gol 120, 87nyàm tse ndùbndùb tse bo se' yi num neton a kù kà bo nde'te Nsi yi là na' mb'a: Ndu mfô ntshob bàa gham, kekomnjù ntshob bàa gham, bon njùmbwe tamngu' ntshob bàa gham, kà ngù tshu nele'te Nsi yi z'a na' njà be là, ngù fot mbwe ntshob bàa gham num nelagte nukebwô. 88Njoṅ nyàm ndùbndùb fa tse bo na' mfà num nele'te Nsi ndù fite be là, na' mb'a nyàmna' ntshob kuà ṅam mbàa, nkekomnjù ṅam ntôge, fot mbwe ṅam ntôge, bon njùmbwe tamngu' ṅam ntôge. Tshù ju ze bo na' mfà num neton fà num tômbwôge bo nelo' njo' tômbwôg là.
89Ngelaṅ ze Mosé na' ntsho ndà mbumte netshob nu bo Tshùaben nà, a ju' nze mèn ntshob tù, dù' nebiagte nukebwô, tu Koṅ ntshù', netèt ba kérubin bàa. A nke ntshob nu yi.
Currently Selected:
Nesiaṅe 7: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
