Nesiaṅe 34
34
Ndùngô Kanaan
1Tshùaben tshob Mosé ndù:
2Tshob bon ba Israél ndù: Ngelaṅ ze bin nsi tsho ntùm ngô Kanaan nà, tshù mba ngô z'a be zin ju ntsi' là li: Ngô Kanaan boa tse ndùngô. 3Zin ndù i bag mà ntèn nsi to' à num kônkwa Sin nèn nkum Edom. Bag mbinyam, zin ndù i nsi to' à ndù dibantse ngwa, 4ndù i bèn nkeb kù'kù' bag mà ntèn nko' nkum Akrabim, ntôg Sin nèn nkum mà tun Kadèsh-Barnéa, ndo bwe ntshùa Hasa-Adar nèn nkum Asmon; 5ndo Asmon, ndù i kù' kaṅntse Egipto nèn miagte mà dibantse; 6nse' num ndùngô netèt mà ntèn bo mfe tu, a' kum à num ntse diba, tshù zin ndùngô bag mbinyam nà.
7Tshù mba zin ndù i nsi be bag mfe tu li: Bin nsi tete ndù i neto't'a ntùm dibantse nèn nkum num mbat kônga Hor; 8ndo num mbat kônga Hor ndù i nèn nkum Lebot-Hamat, 9ndo bwe, ntshùa Zifron nemiagte Hasar-Enan. Tshù mba zin ndùngô nsi be bag mfe tu là.
10Mbe se' num zin ndùngô bag mbinyam, bin nsi te ndù i neto' Hasar-Enan nèn nkum Séfam; 11ndù i to'te Séfam nswe' mà Ribla, Ain be ze bag mbinyam, mbe ndù i bo yi, nswe' be ndùlala tà nèn nkum num nkônga mi a be bag mbinyam dibantse Kinnéret, 12nemiagte, a swe' tà nkum mà Yordan nèn miagte mà ntùm dibantse ngwa. Tshù mba zin ngô nsi be là boa ndù i. 13Mosé #Yosh. 14.1-5tshob bon ba Israél ndù: Tshù ngô ze bin nsi tam tô kà ghabte yi li, ngô ze Tshùaben na' ntshob ndù a' fà tunndà bwe'e mba mo' bag ngô num tunndà Manasé là. 14Tunndà Rubèn mba ze nzwit, mba tunndà bon Gad mba ze nzwit, mba mo' bag tunndà Manasé lo yà ghù yub dù' tsha'a. 15Tshen tunndà bàa là, mba mo' bag tunndà Manasé yà ghù yub ju ntsi' mo' yoṅ ntse Yordan. Bo Yériko be yoṅyoṅ, num bag ntumnyam.
Ndèn ghakwé mbwe num neghabte
16Tshùaben tshob Mosé ndù: 17Tshù ndèn benntùn tse bo nsi ghabte ngô bin ni. A b'a ngale'te Eléazar, bo Yoshua nshum Nun. 18Bin nsi lo' ta' ndùb mba num zit tunndà lo, num neghabte ngô. 19Tshù ndèn benntùn nà li: Num tunndà Yuda, bin lo' Kaléb, mén Yéfuné, 20nse' num tunndà bon Siméon, ndo' Shemuel, nshum Amihud; 21nse' num tunndà Benjamin ndo' Elidab, nshum Kislon; 22nse' num tunndà bon Dan, ndo' Buki, nshum Jogli; 23nse' num bon Yosèf num tunndà bon Manasé, ndo' Hanniél, nshum Efod; 24nse' num tunndà bon Efraim, ndo' Kemuel nshum Siftan; 25nse' num tunndà bon Zabulon, ndo' Elisafan, nshum Parnark; 26nse' num tunndà bon Isakar, ndo' Patiél, nshum Azan; 27nse' num tunndà bon Aser, ndo' Ahihud, nshum Shéloni; 28nse' num tunndà bon Néftali, ndo' Pedahél, nshum Amihud. 29Tshù benntùn tse Tshùaben na' mfà neta bo ndù bo ghabte ngô bon ba Israél ntùm ngô Kanaan nà.
Currently Selected:
Nesiaṅe 34: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
