Nesiaṅe 33
33
Bon ndaṅnze netsin bwe fe netum Egipto
1Tshù ba dù' netsin bwe ze Mosé bo Aron na' nsô ba Israél mà Egipto, bo zin bwe boa ntshu ntsho yub li. 2Mosé nke nkite njoṅ dù' fa ze bo ke ntsin bwe, ndo' mba Tshùaben ke nda'te yi là. Tshù dù' netsin bwe mba mbàn yub li.
3Bo lo Ramsès num lé'njù ntshob tàn gham num yen mbwe maṅwù là. A lo be num lé'njù z'a batte Pasa là, ba Israél tum yub tu, ba Egipto nke njene. 4A na' mb'a ngelaṅ ze ba Egipto na' nke ntshoṅ tuswe tshob ze Tshùaben na' ngù bo kwùte, ndo' ma' tuswe yi tu ba nsi tshob là. 5Bo lo Ramsès ntsin Sukkot. 6Ndo Sukkot nte mbàn yub Etam, z'a be ndù bo kônkwa là. 7Bo lo Etam mbèn Pi-Hariot, mbwe ngô Baal-Séfon nte mbàn yub mbwe ngô Migdol. 8Bo lo mbwe Pi-Hariot ndut dibantse nzin lé'njù tat nkum num kônkwa Etam nte mbàn yub Mara. 9Bo lo Mara nkum Elim, dù' ze tumnsi ntse na' mbe bwe ntshob bàa gham ngù ntene ṅam sammbàa là. Bo te bwe. 10Bo lo Elim, nte mbàn yub mbaṅ ku dibantse Na'nko. 11Bo lo num yen ku dibantse Na'nko là nte mbàn yub num kônkwa Sin. 12Bo lo num kônkwa Sin nte mbàn yub Dofka. 13Ndo Dofka nte Alus. 14Ndo Alus nte Refidim, dù' ze benntùn na' mbwoṅ ntse là. 15Ndo Refidim nte num kônkwa Sinaï. 16Ndo num kônkwa Sinaï nte Kibrot-Tava. 17Ndo Kibrot-Tava nte mbàn yub Hatserot. 18Ndo Hatserot nte Ritma. 19Ndo Ritma nte Rimmon-Péréts. 20Ndo Rimmon-Péréts nte Lifua. 21Ndo Rifua nte Risa. 22Ndo Risa nte Ketala. 23Ndo Ketala, nte Séfar. 24Ndo Séfar nte Harada. 25Ndo Harada nte Makehélot. 26Ndo Makehélot nte Tahat. 27Ndo Tahat nte Téra. 28Ndo Téra, nte Mitka. 29Ndo Mitka nte Hasmona. 30Ndo Hasmona nte Maserot. 31Ndo Maserot nte Béné-Yakan 32Ndo Béné-Yakan nte Hor-Guitgad. 33Ndo Hor-Guitgad nte Yotbata; 34ndo Yotbata nte Abrona; 35ndo Abrona nte Esion-Gueva; 36ndo Esion-Gueva nte num kônkwa Sin, yen nà la't'a ndù Kadèsh; 37ndo Kadèsh mbat Hor, ndùngô Edom.
38A #Nes. 20.22-28; Neb. 10.6; 32.50na' mb'a bwe là ze Tshùaben na' ntsiaṅ Aron, ngale'te, a kwù là; 39ndù a tswe ngu'njù ṅam nkuà mba ba Israél tum mà Egipto là, num maṅwù tàn, num mbwe lé'njù ntùm maṅwù. Aron lo be kwù num mbat Hor, ndù a tswe ngu'njù ntshob tat bon bàa nkù. 40Ba #Nes. 21.1Kanaan, mfen Arad lo nke ntswe Negéf, ntùm ngô Kanaan, ju' ndù bon ba Israél se'e. 41Bo lo num mbat Hor nte Salmona, 42ndo Salmona nte Punon; 43ndo Punon nte Obot; 44ndo Obot nte Iyé-Avarim; ndùngô Moab; 45ndo Iyim nte Dibon-Gad; 46ndo Dibon-Gad nte Almon-Diblataim, 47ndo Almon-Diblataim nte num mbat Avarim, mbwe Nébo, 48ndo num mbat Avarim nte tômbo' Moab, kaṅntse Yordan. Yériko be mo' yoṅ ntse; 49bo te kaṅntse Yordan neto' Yesimot tà nèn nkum Avel-Sittim, tômbo'o Moab.
Ju ze Nsi tshob num neghabte Kanaan nà
50Tshùaben tshob Mosé tômbo' Moab, kaṅntse Yordan, Yériko be mo' yoṅ ntse ndù: 51Tshob bon ba Israél ndù: Ngelaṅ ze bin dut ntse Yordan, ntsho ntùm ngô Kanaan nà, 52bin yoṅ njoṅ ba tswe ntùm ngô fa, bin bagte neto tse bo lo' à ndoṅ kà nabte yi là, mbagte tshob neto nekom ntùn fa, mbèn nsate tshob dù'nsi fa. 53Bin nsi lo' ngô fa ke tswe bwe, nummbe me fà yen ngô là bin, bin a' lo'. Bin nsi tam tô kà ghabte ngô yi tunndà tunndà. Nse' num tunndà z'a zi là, bin fà ze a yàm, nse' num z'a kag là, bin fà ze metsili. 54Mba #Nes. 26.54-56we lo nsi ghù ze bag i dù' z'a jù tô bwe là. Bin nsi ghabte be num tunndà ba tà. 55Bin nyà ke yoṅ benntùn tse bin tèt yub nsi là fa, mba tse bin faṅ yub nsi là, nsi be à mba sôge se bo ma' miag bin nà, mba njô tun nku min nà, nke njoṅ zin be neyoṅe ntùm ngô ze bin tswe bwe là. 56Mba ju ze me ke nkwate neghù num bo là, mba me tù' ghù à num bin.
Currently Selected:
Nesiaṅe 33: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
