Nesiaṅe 25
25
Israél ghamte ba neto
1Israél tswe Kittim, benntùn fà wut tshob num nekale boa ngonngon Moab. 2Bo soṅte yube, boa bo nèn nke ngamte ba nsi neto tshobe, njù jujù bwe mbèn ngwù nsi mbwe bo. 3Ba Israél tsho kuan Baal ntùm ngô Béor, ndùlala Tshùaben ya ntù yi. 4Tshùaben tshob Mosé ndù: Tshùb njoṅ benntùn ndùbndùb fa, ntaṅ yub tù mbwe Tshùaben njag-nyam, ndù yantù ze Tshùaben ghù num Israél là kôgte. 5Mosé tshob ghatsho'te ntsha ba Israél ndù: Mba we lo zwi mènntùn ze bo yen i, a vù nsi mbwe Baal mà Béor là.
6Bo be yene, mo' mén Israél lo' ngon Madian nse' yi netèt fèt tse, mbwe Mosé boa ntse'te bon Israél, ngelaṅ ze njoṅ yub fa na' ntse'te mbwe nzendà mbumte nke nkua' là. 7Bo be yen ndùlala, ngale'te Finéas, nshum Eléazar, nshum Aron lo nsi netèt benntùn, ndo' ta' kô, 8ntam njam yen mén nà, tà nèn nkum bam ntshundà, ntam yub kô ben bàa fa, mén Israél mba mènnzwi, ntam mènnzwi tun bam se, a tshùa ndùlala nge' mi netèt bon Israél. 9Benntùn tse bo na' nkwù njam yen nge' là lo kum benntùn 24 000.
10Tshùaben tshob Mosé ndù: 11Ngale'te Finéas, nshum Eléazar, nshum Aron fite ntù àm, num yantù z'a be netèt ba Israél mba yàm tu wut là, ndùlala bèn ngù kà me ke biagte ba Israél fa yoṅ ntshù'. 12A tshùa njam yen nu là, ntshob ndù: Me ghù bwôntù, mbam ndù bag yi wat kàn ndù fite be. 13Sen kàn nà b'a num i mba num tunndà i. Sen kàn nà nsi ghù a tù' ngale'te njoṅ ngelaṅ fa, ke ghù ndù i, nummbe a yab ntù num nu Tshùaben, ngù mat nebiagte nukebwô bon Israél.
14Mén Israél ze bo na' nzwi i bo ngon Madian nà na' mb'a Zimri, nshum Salu, ngalôte nzwit Siméon. 15Lén ménngon ze bo na' nzwi i bo yi là na' mb'a Kozbi, ngon Tsur, ngalôte mo' tunndà, ndùlala b'a mbe tunndà Kozbi ba Madian.
16Tshùaben tshob Mosé ndù: 17Lo' ba Madian mba ghakeban nà, nzwite yube. 18Nummbe bo la'te wut tshob mba ghakeban tsin nà, ndo' lamte mfùte zin yi ntùm nu Béor, mba ntùm nu Kozbi, ngon ngalôte benntùn mà Madian, mba nu mfèl i ze mènnzwi ze bo na' nzwi ze num nu ntsha Béor là.
Currently Selected:
Nesiaṅe 25: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Nesiaṅe 25
25
Israél ghamte ba neto
1Israél tswe Kittim, benntùn fà wut tshob num nekale boa ngonngon Moab. 2Bo soṅte yube, boa bo nèn nke ngamte ba nsi neto tshobe, njù jujù bwe mbèn ngwù nsi mbwe bo. 3Ba Israél tsho kuan Baal ntùm ngô Béor, ndùlala Tshùaben ya ntù yi. 4Tshùaben tshob Mosé ndù: Tshùb njoṅ benntùn ndùbndùb fa, ntaṅ yub tù mbwe Tshùaben njag-nyam, ndù yantù ze Tshùaben ghù num Israél là kôgte. 5Mosé tshob ghatsho'te ntsha ba Israél ndù: Mba we lo zwi mènntùn ze bo yen i, a vù nsi mbwe Baal mà Béor là.
6Bo be yene, mo' mén Israél lo' ngon Madian nse' yi netèt fèt tse, mbwe Mosé boa ntse'te bon Israél, ngelaṅ ze njoṅ yub fa na' ntse'te mbwe nzendà mbumte nke nkua' là. 7Bo be yen ndùlala, ngale'te Finéas, nshum Eléazar, nshum Aron lo nsi netèt benntùn, ndo' ta' kô, 8ntam njam yen mén nà, tà nèn nkum bam ntshundà, ntam yub kô ben bàa fa, mén Israél mba mènnzwi, ntam mènnzwi tun bam se, a tshùa ndùlala nge' mi netèt bon Israél. 9Benntùn tse bo na' nkwù njam yen nge' là lo kum benntùn 24 000.
10Tshùaben tshob Mosé ndù: 11Ngale'te Finéas, nshum Eléazar, nshum Aron fite ntù àm, num yantù z'a be netèt ba Israél mba yàm tu wut là, ndùlala bèn ngù kà me ke biagte ba Israél fa yoṅ ntshù'. 12A tshùa njam yen nu là, ntshob ndù: Me ghù bwôntù, mbam ndù bag yi wat kàn ndù fite be. 13Sen kàn nà b'a num i mba num tunndà i. Sen kàn nà nsi ghù a tù' ngale'te njoṅ ngelaṅ fa, ke ghù ndù i, nummbe a yab ntù num nu Tshùaben, ngù mat nebiagte nukebwô bon Israél.
14Mén Israél ze bo na' nzwi i bo ngon Madian nà na' mb'a Zimri, nshum Salu, ngalôte nzwit Siméon. 15Lén ménngon ze bo na' nzwi i bo yi là na' mb'a Kozbi, ngon Tsur, ngalôte mo' tunndà, ndùlala b'a mbe tunndà Kozbi ba Madian.
16Tshùaben tshob Mosé ndù: 17Lo' ba Madian mba ghakeban nà, nzwite yube. 18Nummbe bo la'te wut tshob mba ghakeban tsin nà, ndo' lamte mfùte zin yi ntùm nu Béor, mba ntùm nu Kozbi, ngon ngalôte benntùn mà Madian, mba nu mfèl i ze mènnzwi ze bo na' nzwi ze num nu ntsha Béor là.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.