Matio 1
1
Tunndà Yésu
(Luk. 3.23-38)
1Ṅwa'ni tunndà Yésu Kristô, mén David, mén Abraham. 2Abraham bwe Isak, Isak bwe Yakob, Yakob bwe Yuda mba fèt tse; 3Yuda bwe Farès mba Zara bo Tamar nzwi i, Farès bwe Esrom, Esrom bwe Aram; 4Aram bwe Aminadab, Aminadab bwe Nason, Nason bwe Salomon; 5Salomon bo Rahab nzwi i bwe Boaze, Boaze bo Rut nzwi i bwe Obèd, Obèd bwe Isaï; 6Isaï bwe mfen David.
David bo nzwi Uria bwe Salomon; 7Salomon bwe Roboam, Roboam bwe Abia, Abia bwe Asaf; 8Asaf bwe Yosafat, Yosafat bwe Yoram, Yoram bwe Ozias; 9Ozias bwe Yoatam, Yoatam bwe Akaz, Akaz bwe Ezékia; 10Ezékia bwe Manasé, Manasé bwe Amos, Amos bwe Yosias; 11Yosias #2 Fen. 24.14-15; 2 Kron. 36.10; Yer. 27.20bwe Yékonia mba fèt tse num ngelaṅ bo nèn ndà kuan Babilon nà.
12Fe ngelaṅ bo nèn ndà kuan Babilon nà, Yékonia bwe Salatiél, Salatiél bwe Zorobabél; 13Zorobabél bwe Aliud, Aliud bwe Eliakim, Eliakim bwe Azôr; 14Azôr bwe Sadok, Sadok bwe Akim, Akim bwe Eliud; 15Eliud bwe Eléazar, Eléazar bwe Matam, Matam bwe Yakob; 16Yakob bwe Yosèf, ndu Maria z'a bwe Yésu ze bo ke ntsiaṅ i Kristô là.
17Ndùlala neto' num Abraham nèn nkum num David ghù zwiaṅ benntùn ntshob kuà gham; neto' num David nèn nkum ngelaṅ bo nèn ndà kuan Babilon nà ghù zwiaṅ benntùn ntshob kuà gham; neto' num ngelaṅ bo nèn ndà kuan Babilon nà nèn nkum num Kristô ghù zwiaṅ benntùn ntshob kuà gham.
Mba bo bwe Yésu là
(Luk. 2.1-20)
18Tshù #Luk. 1.27mba bo bwe Yésu Kristô li: Maria màab na' mb'a nzwi Yosèf, ke bo ndu i yoṅ ntswe ndà, a be jùm ntshùa num neta Ywèt Nelàne. 19Yosèf ndu i z'a na' mbe mèn netsine, ke kô nema' tuswe tu i là, kwate nesô i njam tsham. 20Ngelaṅ z'a ke nkwate yen nu là là, mo' Angél Tshùaben ṅwag yi ntùm njem, ntshob ndù: Yosèf mén David, kà bwôg nelo' Maria, nzwi o la' o. Nummbe mén z'a lét là fe à Ywèt Nelàne. 21A #Luk. 1.31nsi bwe mén mandum, o tswi lén se ndù Yésu. Nummbe a nsi bèn yôg ben tse num nukebwô tshobe.
22Yen nà tshwèt ngù ndù men ntshob li mi ngatshob ntshob Nsi na' ntshob num ze tu Tshùaben nà bumte ndù:
23Tshù, #Es. 7.14ménngon nsi be jùm, bwe mén mandum,
bo tswi lén se ndù Emmanuél,
yen nà bagt'a ndù: Be à Nsi bèn mbe.
24Ngelaṅ Yosèf bam num miaglo là, a ghù ju ze Angél Tshùaben tshob yi là, ndo' nzwi i la' i. 25Là, #Luk. 2.21a ke lèn i tà nkum ngelaṅ z'a na' mbwe mén mandum, a tswi lén se Yésu là.
Currently Selected:
Matio 1: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.