Lévitiko 3
3
Tshule'te tse fite
1Ndùse mèn tshwèt mfà ta' jule'te z'a tshwèt nda'te ndù mèn tamte bo Tshùaben nà, a be z'a b'a nyàm ndùb, ndu i ke nzwi i lo là, mb'a bwô ndù a fà à nyàm ke lo' mbwe Tshùaben. 2A nsi yab bu i num tu nyàm nà, wal i ntshundà ndà mbumte. Ghafà tshule'te tse nshum Aron nsi naṅ lem tse num tômbwôg diaṅ bume. 3Num yen jule'te z'a tshwèt nda'te ndù mèn tamte bo Tshùaben nà, ju z'a nsi lo' bwe ton mbwe Tshùaben mba jule'te là, b'a nzit mi a num nkut tshu bam tse là, mba mi a ntaṅte num tshu bam tse là; 4mba #Netu. 29.13zwe' mi mbàa boa nzit mi a be mbe num mbat mi là, nzit nkal i, mi bo nsi kiagte num mba zwe' mi là. 5Tse nshum Aron nsi ton tshen nà fa num tômbwôge, yab à num nyàm z'a tshwèt nkù num ntshwèn ze bo yab mbwôg là. A b'a jule'te ze bo ton mbwôge, njwèt mi nke ndamte Tshùaben kua' mebwô là.
6A be z'a ke mfà à nyàm nke'e, ndu i ke nzwi i lo num jule'te z'a tshwèt nda'te ndù mèn tamte bo Tshùaben nà, mb'a bwô ndù a b'a nyàm z'a ke' ghù lo' là. 7A be ze jule'te b'a ta' mén njùmbwe là, mb'a' nèn yi mbwe Tshùaben. 8A nsi yab bu i num tu nyàm nà, wal i mbwe ntshundà ndà mbumte. Tse nshum Aron nsi naṅ lem tse num tômbwôg diaṅ bume. 9Num yen jule'te z'a tshwèt nda'te ndù mèn tamte bo Tshùaben nà, ju z'a nsi lo' bwe ton mbwe Tshùaben mba jule'te là b'a nzile, nkun i fa, z'a nsi keb tà num tun i là, nzit mi a be mbe num tshu bam tse là boa nzit mi a be mbe num mbat mi là. 10Mba zwe' mi mbàa, nzit mi a be nkabt'é là; nzit nkal i, mi bo nsi kiagte num mba zwe' mi là. 11Ngafà #Lev. 21.8tshule'te nsi ton tshen tshu là num tômbwôge. A b'a jujù jule'te ze bo ton mbwe Tshùaben nà.
12A be ze ju bwôntù i b'a ta' mbwe là, mb'a nsi fà i mbwe Tshùaben. 13A nsi yab bu i num tu nyàm nà, wal i mbwe ndà mbumte. Tse nshum Aron nsi naṅ lem tse num tômbwôg diaṅ bume. 14Num nyàm z'a wat là, ju z'a nsi lo' bwe ton mbwe Tshùaben mba jule'te là, nzit mi a be mbe num tshu bam tse là, boa mi nzit mi a be mbe num bwe là, 15mba zwe' mi mbàa boa nzit mi a be nkabt'é là, mi a be num mbat mi là, nzit nkal i, mi bo nsi kiagte num mba zwe' mi là. 16Ngafà tshule'te nsi ton tshen tshu là num tômbwôge.
Njoṅ nzit fa b'a jujù, ta' jule'te ze bo tone, njwèt mi nke ndamte Tshùaben kua' mebwô là. 17A b'a ta' ntshù' num njoṅ bon tsin fa, mba yà lo dù' ze bin nsi tswe là, ndù bin ke nsi fèt nzit ke lem no.
Currently Selected:
Lévitiko 3: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
