Lévitiko 24
24
Ndambo ndà Nsi
(Netu. 27.20-21)
1Tshùaben tshob Mosé ndù: 2Tshob bon Israél ndù bo lo' mfèt ntùn mi bo tshab là nse' mfà wù, num ndambo mi o nsi ke ghette num ju neghette ndambo bwe njoṅ ndù fa là. 3Aron tswe à njam kam nzwe kwénta, ntùm ndà mbumte kà nabte men ndambo là, ndùlala ndù bo ke nkù njoṅ ndù fa mbwe Tshùaben, neto' mfetnjù nkum nkebnjù. 4A ghette ndambo num ju neghette ndambo bwe, ndù bo lo' à gol ntùn nabte yi. Men ndambo là ke nkù mbwe Tshùaben njoṅ ndù fa.
Bàn mba jule'te là
5O #Netu. 25.30nsi lo' mbab bàn na mbu' tag yi ntshob bàa. Mba sit bu' tag lo be ndù bo ghabte kesoṅ mbab bàn nze gham ndo' nze tse bàa kà nabte yi. 6O a' yabte men mbu' tag là tse bàa, ta' tse ghù mbu' ntôge, mbwe Tshùaben, num téblé se bo lo' gol nelàn nabte yi là. 7O nsi yab ju nelamte ze ntùn num mba zit tse tag lo, yen nà b'a nelo' nkwimte nu yi, mbe ju bwôntù ze bo nsi ton mbwe Tshùaben nà. 8Mba num sit lé' Sabbat lo, bo nsi ke yabte tshen tag là mbwe Tshùaben njoṅ ndù fa, num ze tu bon Israél. Bon Israél nsi ze yen nu l'a ke kô nkô. 9Tshen #Mat. 12.4; Mark. 2.26; Luk. 6.4tag là b'a ju Aron boa nshumnshum tse, ndù bo nsi ke fèl à ntùm dù' nelàne; yen nà nsi be bo à mba ju z'a làn neshu là netèt tshu bwôntù tse bo na neghamte Tshùaben yi là. Yen nà b'a ntshù' z'a ghô matmat là.
Nge' num netshabte Nsi
10Mo' mandum ze màab be ngon Israél, tàab be ze Egipto là se' netèt bon Israél. A kum bwe nkam ntanta bo mo' mén Israél ntùm mbàn. 11Yen mandum ni ze màab be ngon Israél là tshabte lén Nsi ze nelàne. Bo lo' mandum nà nèn yi mbwe Mosé. Lén mà mandum nà na' mb'a Shelomit, mbe ngon Dibri, mèn ntùm nzwit Dan. 12Bo lem mandum nà kà nke mbéb mba Tshùaben tshob là.
13Ndùlala Tshùaben tshob Mosé ndù: 14Lo' ngatshabte ntum yi ntùm mbàn. Njoṅ benntùn fa tse bo ju' mb'a tshabte là yab bu tu i, mbumte fa tamt'é ndoṅ. 15O nsi tshob bon Israél ndù: Mba we lo z'a so ndon tu Nsi là nsi ket ze mi mfànnu. 16Mèn z'a tshabte lén Tshùaben nà mba bo a' zwi ng'é. Mbumte fa nsi tamt'é ndoṅ. A be z'a b'a ngùn ke ménla' lo là, mba bo a' zwi i, a be z'a tshabte lén Nsi là.
17Mèn #Netu. 21.12z'a lab mèn vùvù là, mba bo a' zwi ng'é. 18Mèn z'a lab nyàm z'a num ntswe ndà là vùvù là, mba ng'é a' fà mo' nyàm ndo' ntô yen nà yi: Yôg b'a bo yôg.
19A be ze mèn kag mfaṅ num ménla' là mba bo nsi bèn ghù num i z'a be ndaṅndaṅ. 20Mèn #Netu. 21.23-25; Neb. 19.21; Mat. 5.38mbe' mèn bo be' i ze, mbiag lag mèn bo biag se, ntsho' sô mèn bo tsho' se ze. Bo nsi ghù num mba we lo à mb'a ghù ze num mfèl i là.
21Mèn z'a lab nyàm vùvù là nsi lo' mo' bate yen nà yi, là, mèn z'a lab mènntùn vùvù là, bo nsi zwi ng'é.
22Yen #Nes. 15.16ntshù' li ke ndôt'a ngùn ndaṅndaṅ mba ménla' là; nummbe me b'a Tshùaben Nsi zin.
23Mosé tshob yen nu là bon Israél; bo sô ngatshabte ntùm mbàn, ntamt'é ndoṅ. Bon Israél nke nzin à ndaṅndaṅ mb'a be ntùm ntshù' ze Tshùaben na' mfà Mosé là.
Currently Selected:
Lévitiko 24: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Lévitiko 24
24
Ndambo ndà Nsi
(Netu. 27.20-21)
1Tshùaben tshob Mosé ndù: 2Tshob bon Israél ndù bo lo' mfèt ntùn mi bo tshab là nse' mfà wù, num ndambo mi o nsi ke ghette num ju neghette ndambo bwe njoṅ ndù fa là. 3Aron tswe à njam kam nzwe kwénta, ntùm ndà mbumte kà nabte men ndambo là, ndùlala ndù bo ke nkù njoṅ ndù fa mbwe Tshùaben, neto' mfetnjù nkum nkebnjù. 4A ghette ndambo num ju neghette ndambo bwe, ndù bo lo' à gol ntùn nabte yi. Men ndambo là ke nkù mbwe Tshùaben njoṅ ndù fa.
Bàn mba jule'te là
5O #Netu. 25.30nsi lo' mbab bàn na mbu' tag yi ntshob bàa. Mba sit bu' tag lo be ndù bo ghabte kesoṅ mbab bàn nze gham ndo' nze tse bàa kà nabte yi. 6O a' yabte men mbu' tag là tse bàa, ta' tse ghù mbu' ntôge, mbwe Tshùaben, num téblé se bo lo' gol nelàn nabte yi là. 7O nsi yab ju nelamte ze ntùn num mba zit tse tag lo, yen nà b'a nelo' nkwimte nu yi, mbe ju bwôntù ze bo nsi ton mbwe Tshùaben nà. 8Mba num sit lé' Sabbat lo, bo nsi ke yabte tshen tag là mbwe Tshùaben njoṅ ndù fa, num ze tu bon Israél. Bon Israél nsi ze yen nu l'a ke kô nkô. 9Tshen #Mat. 12.4; Mark. 2.26; Luk. 6.4tag là b'a ju Aron boa nshumnshum tse, ndù bo nsi ke fèl à ntùm dù' nelàne; yen nà nsi be bo à mba ju z'a làn neshu là netèt tshu bwôntù tse bo na neghamte Tshùaben yi là. Yen nà b'a ntshù' z'a ghô matmat là.
Nge' num netshabte Nsi
10Mo' mandum ze màab be ngon Israél, tàab be ze Egipto là se' netèt bon Israél. A kum bwe nkam ntanta bo mo' mén Israél ntùm mbàn. 11Yen mandum ni ze màab be ngon Israél là tshabte lén Nsi ze nelàne. Bo lo' mandum nà nèn yi mbwe Mosé. Lén mà mandum nà na' mb'a Shelomit, mbe ngon Dibri, mèn ntùm nzwit Dan. 12Bo lem mandum nà kà nke mbéb mba Tshùaben tshob là.
13Ndùlala Tshùaben tshob Mosé ndù: 14Lo' ngatshabte ntum yi ntùm mbàn. Njoṅ benntùn fa tse bo ju' mb'a tshabte là yab bu tu i, mbumte fa tamt'é ndoṅ. 15O nsi tshob bon Israél ndù: Mba we lo z'a so ndon tu Nsi là nsi ket ze mi mfànnu. 16Mèn z'a tshabte lén Tshùaben nà mba bo a' zwi ng'é. Mbumte fa nsi tamt'é ndoṅ. A be z'a b'a ngùn ke ménla' lo là, mba bo a' zwi i, a be z'a tshabte lén Nsi là.
17Mèn #Netu. 21.12z'a lab mèn vùvù là, mba bo a' zwi ng'é. 18Mèn z'a lab nyàm z'a num ntswe ndà là vùvù là, mba ng'é a' fà mo' nyàm ndo' ntô yen nà yi: Yôg b'a bo yôg.
19A be ze mèn kag mfaṅ num ménla' là mba bo nsi bèn ghù num i z'a be ndaṅndaṅ. 20Mèn #Netu. 21.23-25; Neb. 19.21; Mat. 5.38mbe' mèn bo be' i ze, mbiag lag mèn bo biag se, ntsho' sô mèn bo tsho' se ze. Bo nsi ghù num mba we lo à mb'a ghù ze num mfèl i là.
21Mèn z'a lab nyàm vùvù là nsi lo' mo' bate yen nà yi, là, mèn z'a lab mènntùn vùvù là, bo nsi zwi ng'é.
22Yen #Nes. 15.16ntshù' li ke ndôt'a ngùn ndaṅndaṅ mba ménla' là; nummbe me b'a Tshùaben Nsi zin.
23Mosé tshob yen nu là bon Israél; bo sô ngatshabte ntùm mbàn, ntamt'é ndoṅ. Bon Israél nke nzin à ndaṅndaṅ mb'a be ntùm ntshù' ze Tshùaben na' mfà Mosé là.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.