Lévitiko 23
23
Kuzin ndé'njù jùa ntùm ngô Israél
1Tshùaben tshob Mosé ndù: 2Tshob bon Israél ndù: Tshù ba jùa Tshùaben mi bin nsi tsiaṅ mbumte tse nelàn bwe li. Men nà nsi b'a màm njùa.
3Mba #Netu. 20.8-10; 23.12; 31.15; 34.21; 35.2; Neb. 5.12-14we lo nsi fa' num lé'njù ntôge; là mbatte lé'njù sammbàa be lé' Sabbat, lé' fite se bo nsi tsiaṅ mbumte nelàn bwe là. Ndùlala bin ke nsi fa' sàm ju sen lé' là. A b'a lé'njù fite ze bo yab num lén Tshùaben nà. Yen nà ke mbe njoṅ dù' fa bin nsi tswe bwe là.
4Tshù njùa Tshùaben, mbumte nelàn tse bin nsi ke tsiaṅ kua' num ngelaṅ i li.
Pasa bo jùa bàn ke ko'
(Nes. 28.16-25)
5Pasa #Netu. 12.1-13; Neb. 16.1-2Tshùaben a' ghù mbe mfetnjù num mbatte lé'njù ntshob kuà gham ntùm mbwe maṅwù.
6A #Netu. 12.14-20; 23.15; 34.18; Neb. 16.3-8be num mbatte lé' ntshob tàn gham ntùm yen ṅwù là jùa bàn ke te ywibte se be num lén Tshùaben. Bin nsi jù bàn ke te ywibte se num lé'njù sammbàa. 7Bin nsi ghù mbumte nelàn num mbwe lé'njù, ke fa' sàm fa' mbu sen lé' là. 8Bin nsi ke ton tshule'te Tshùaben num lé'njù sammbàa. A nsi be num mbatte lé'njù sammbàa mbumte nelàn be, bin ke fa' sàm fa' mbu sen lé' là.
Jùa mbwe tshu netsho' tshwèt
9Tshùaben tshob Mosé ndù: 10Tshob bon Israél ndù: Ngelaṅ bin nsi tsho ntùm ngô ze me fà bin, ywit tshu kà tsho' là, bin nsi lo' tsha ju nèn fà ngale'te, a be mbwe tshu tsine. 11Ngale'te nsi bù' tsha ju là tù mbwe Tshùaben, ndùlala ndù a tam ntse bin nsi. A nsi tshag ndamnjù kà ngale'te lo' nèn yi mbwe Tshùaben lé' Sabbat. 12Bin nsi ton mén njùmbwe z'a tamngu', ke ghù lo' là Tshùaben num lé' se bin nsi bù' tsha ju zin mbwe i là. 13Bin nsi ghabte kesoṅ mbab bàn nze gham, lo' nze bàa tébte mfèt tamte mbaṅ mén njùmbwe ton Tshùaben, njwèt mi lamt'é kua' mebwô. Bin nsi ghabte ntu' ndu' nze kuà naṅ nze ntshù' Tshùaben nsi: 14Bin ke nsi jù bàn, ke fèt miag ju neka, ke fèt mi fi, ke be ndù bin bwôgmbwe mfà zin ju bwôntù Nsi zin. Yen nà b'a ntshù' z'a nsi ghô matmat netèt nzwit zin njoṅ dù' fa bin nsi tswe là.
Jùa mbwe tshu
(Nes. 28.26-31)
15Ndùse #Netu. 23.16; 34.22; Neb. 16.9-12Sabbat tôge, ndù bin yà lo' tsha ju kà mbù' mbwe Tshùaben nà, njù nsi làn bin to' nesiaṅ ngabnjù sammbàa. 16Bin nsi siaṅ lé'njù ṅam ntàn tà nèn nkum mbatte Sabbat sammbàa; yen nà mbe tôg bin fà mo' ju bwôntù nswe Tshùaben. 17Bin nsi lo' ntu' bàn bàa fe yi à tà ndà bin, se' bo bù' tù mbwe Tshùaben, mba ju bwôntù là. Mba sit tu' bàn no nsi be ndù bo lo' à mbe' bàn mbàa num mi gham na yi, mbe na nte ywibte se. A b'a mbwe tshu tse bo fà Tshùaben nà. 18Bin nsi bèn yab tshu njam tshen bàn nà kà ton Tshùaben. Tshen tshu là b'a: Bon njùmbwe sammbàa tse tamngu', tse bo ke' ghù lo' là, ta' metshab fot mfô boa nkomnjù mbàa. Tshen tshu li nsi be njam ju bwôntù mba ndu' bo ma' nsi là. Yen nà nsi b'a jule'te ze netone, ze njwèt mi lamte Tshùaben kua' mebwô là. 19Bin nsi fà mba ta' fot mbwe num jule'te ze tamte fa, mfà bon njùmbwe tse tamngu' num jule'te z'a tshwèt nda'te ndù mèn tamte bo Tshùaben nà. 20Ngale'te nsi bù' yen bàn mbwe tshu là tù mbwe Tshùaben num ju bwôntù boa bon njùmbwe bàa. Tshen tshu là b'a tse bo fà Tshùaben nà, yen nà nsi be tôg tshu tù' tse ngale'te. 21Bin nsi tswi nkùn jùa sen lé'njù là, ghù mbumte nelàne. Bin ke nsi fa' sàm fa' mbu sen lé'njù là. Yen nà b'a ta' ntshù' z'a ghô matmat là num njoṅ nzwit zin fa. Bin a' ke ngù ndùlala mba yà lo bin nsi tswe là.
22Ndùs'o #Lev. 19.9-10; Neb. 24.19-22nsi tsho' tshu ntùm ngô o là, o ke nsi tsho' tshu kà nèn kum lag tsha'a, ke bèn ntswitte ntsha' bén fa. A bwô ndù bin faṅ yen ntsha' là mbwoṅ bo ngùn. Me b'a Tshùaben Nsi zin.
Lé'njù nekwimte, mbu' ngoṅ
(Nes. 29.1-6)
23Tshùaben tshob Mosé ndù: 24Tshob bon Israél ndù: A nsi ke be ntùm mbatte ṅwù sammbàa, num mbwe lé'njù ntùm ṅwù, bin ghù lé'njù fite. Bo nsi lo' à nta tswi nkùn sen lé'njù là yi; mbumte nelàn nsi be sen lé' là. 25Bin ke nsi fa' sàm fa' mbu sen lé' là, fà tshule'te tse bin ton nà Tshùaben.
Lé'njù nelagte ze ndùb
(Nes. 29.7-11)
26Tshùaben #Lev. 16.29-34tshob Mosé ndù: 27A nsi ke be ntùm lé' gham ntùm mbatte ṅwù sammbàa a b'a lé' tamte fa. Bin nsi ghù mbumte nelàne. Bin nsi tswe nziku'u, fà tshule'te tse bin ton nà Tshùaben. 28Bin ke nsi fa' sàm fa' sen lé'njù là, nummb'a b'a lé' tamte fa, tshen lé' là bo num ntamte fa num tu bin mbwe Tshùaben Nsi zin. 29Mba we lo z'a ke mom wul i ndèn mfànnu mi sen lé'njù là là, bo nsi sô i netèt ze nzwit mèn. 30Mèn z'a fa' num sen lé'njù là là, me nsi sô ng'é netèt ze nzwit mèn. 31Ndùlala bin ke nsi fa' sàm fa'. Yen nà b'a ntshù' z'a ghô matmat là ntùm zin nzwit. Bin nsi ke ghù ndùlala mba yà lo bin nsi tswe bwe là. 32Yen nà b'a ta' Sabbat bin, mbe lé' fite, bin nsi mom ntù tsine neto' mfetnjù mbatte lé'njù bwe'e tà nkum mfetnjù lé' gham. Bin nsi jù fite Sabbat zin.
Lé' jùa ntàb
(Nes. 29.12-39)
33Tshùaben #Neb. 16.13-15tshob Mosé ndù: 34Tshob bon Israél ndù: A nsi ke be ntùm lé' ntshob tàn gham ntùm mbatte ṅwù sammbàa bin jù jùa ntàb num lé'njù sammbàa, ndo' nyàmte Tshùaben yi. 35Mbumte nelàn nsi be mbwe lé'njù. Bin ke nsi fa' sàm fa' mbu sen lé' là. 36Num lé'njù sammbàa bin nsi ke fà tshule'te tse bin ton nà Tshùaben. Yen nà b'a mbumte njùa, mbe ndù bin ke nsi fa' sàm fa' mbu sen lé'njù là.
37Tshù ba njùa mi bin nsi ke tswi nkùn i, ghù mbumte nelàn bwe num lén Tshùaben nà. Bin nsi ke fà tshule'te tse bin ton nà Tshùaben, nyàm tse bin ton nà, ba nyàm, ba tse bin zwite là boa nema' ndu' nsi; ngù njoṅ i fa mba bo nabte njab num sen lé'njù là là. 38Bo ke' tùnte ba Sabbat Tshùaben, tshu bwôntù tsin, tsin nda' tse nebiagte nu ke tse nemi mfà lo, tse bin nsi ke fà num lén Tshùaben nà.
39A nsi be num lé' ntshob tàn gham ntùm mbatte ṅwù sammbàa, ndùse bin tsho' tshu nsi là, bin ghù ta' jùa Tshùaben num lé'njù sammbàa. Mbwe lé' nsi b'a lé' fite, ndaṅndaṅ mba mbatte lé' fom nà. 40Num mbwe lé'njù bin nsi lo' ntàm mbwô ntù, ba tsha tene, ntshùa ntù mi a te' mebwô là boa nkewakob, ke nyaṅ yi mbwe Tshùaben Nsi zin num lé'njù sammbàa. 41Mba zit ngu'njù lo bin nsi ke jù sen jùa là num lén Tshùaben. Yen nà b'a ntshù' z'a ghô matmat là num nzwit zin. Bin a' ke njù sen jùa là mba zit ṅwù sammbàa lo. 42Bin nsi tswe ntùm ntàb num lé'njù sammbàa. Njoṅ benntùn fa tse bo bwe yub ngô Israél là nsi tswe ntùm ntàb. 43A nsi tshùa ndùlala nzwit zin lèn ndù me lo ghù ba Israél tswe ntùm ntàb ndùse me na' nsô yub mà Egipto là. Me b'a Tshùaben Nsi zin.
44Tshù mba Mosé na' nda'te mi njùa Tshùaben bon Israél là.
Currently Selected:
Lévitiko 23: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Lévitiko 23
23
Kuzin ndé'njù jùa ntùm ngô Israél
1Tshùaben tshob Mosé ndù: 2Tshob bon Israél ndù: Tshù ba jùa Tshùaben mi bin nsi tsiaṅ mbumte tse nelàn bwe li. Men nà nsi b'a màm njùa.
3Mba #Netu. 20.8-10; 23.12; 31.15; 34.21; 35.2; Neb. 5.12-14we lo nsi fa' num lé'njù ntôge; là mbatte lé'njù sammbàa be lé' Sabbat, lé' fite se bo nsi tsiaṅ mbumte nelàn bwe là. Ndùlala bin ke nsi fa' sàm ju sen lé' là. A b'a lé'njù fite ze bo yab num lén Tshùaben nà. Yen nà ke mbe njoṅ dù' fa bin nsi tswe bwe là.
4Tshù njùa Tshùaben, mbumte nelàn tse bin nsi ke tsiaṅ kua' num ngelaṅ i li.
Pasa bo jùa bàn ke ko'
(Nes. 28.16-25)
5Pasa #Netu. 12.1-13; Neb. 16.1-2Tshùaben a' ghù mbe mfetnjù num mbatte lé'njù ntshob kuà gham ntùm mbwe maṅwù.
6A #Netu. 12.14-20; 23.15; 34.18; Neb. 16.3-8be num mbatte lé' ntshob tàn gham ntùm yen ṅwù là jùa bàn ke te ywibte se be num lén Tshùaben. Bin nsi jù bàn ke te ywibte se num lé'njù sammbàa. 7Bin nsi ghù mbumte nelàn num mbwe lé'njù, ke fa' sàm fa' mbu sen lé' là. 8Bin nsi ke ton tshule'te Tshùaben num lé'njù sammbàa. A nsi be num mbatte lé'njù sammbàa mbumte nelàn be, bin ke fa' sàm fa' mbu sen lé' là.
Jùa mbwe tshu netsho' tshwèt
9Tshùaben tshob Mosé ndù: 10Tshob bon Israél ndù: Ngelaṅ bin nsi tsho ntùm ngô ze me fà bin, ywit tshu kà tsho' là, bin nsi lo' tsha ju nèn fà ngale'te, a be mbwe tshu tsine. 11Ngale'te nsi bù' tsha ju là tù mbwe Tshùaben, ndùlala ndù a tam ntse bin nsi. A nsi tshag ndamnjù kà ngale'te lo' nèn yi mbwe Tshùaben lé' Sabbat. 12Bin nsi ton mén njùmbwe z'a tamngu', ke ghù lo' là Tshùaben num lé' se bin nsi bù' tsha ju zin mbwe i là. 13Bin nsi ghabte kesoṅ mbab bàn nze gham, lo' nze bàa tébte mfèt tamte mbaṅ mén njùmbwe ton Tshùaben, njwèt mi lamt'é kua' mebwô. Bin nsi ghabte ntu' ndu' nze kuà naṅ nze ntshù' Tshùaben nsi: 14Bin ke nsi jù bàn, ke fèt miag ju neka, ke fèt mi fi, ke be ndù bin bwôgmbwe mfà zin ju bwôntù Nsi zin. Yen nà b'a ntshù' z'a nsi ghô matmat netèt nzwit zin njoṅ dù' fa bin nsi tswe là.
Jùa mbwe tshu
(Nes. 28.26-31)
15Ndùse #Netu. 23.16; 34.22; Neb. 16.9-12Sabbat tôge, ndù bin yà lo' tsha ju kà mbù' mbwe Tshùaben nà, njù nsi làn bin to' nesiaṅ ngabnjù sammbàa. 16Bin nsi siaṅ lé'njù ṅam ntàn tà nèn nkum mbatte Sabbat sammbàa; yen nà mbe tôg bin fà mo' ju bwôntù nswe Tshùaben. 17Bin nsi lo' ntu' bàn bàa fe yi à tà ndà bin, se' bo bù' tù mbwe Tshùaben, mba ju bwôntù là. Mba sit tu' bàn no nsi be ndù bo lo' à mbe' bàn mbàa num mi gham na yi, mbe na nte ywibte se. A b'a mbwe tshu tse bo fà Tshùaben nà. 18Bin nsi bèn yab tshu njam tshen bàn nà kà ton Tshùaben. Tshen tshu là b'a: Bon njùmbwe sammbàa tse tamngu', tse bo ke' ghù lo' là, ta' metshab fot mfô boa nkomnjù mbàa. Tshen tshu li nsi be njam ju bwôntù mba ndu' bo ma' nsi là. Yen nà nsi b'a jule'te ze netone, ze njwèt mi lamte Tshùaben kua' mebwô là. 19Bin nsi fà mba ta' fot mbwe num jule'te ze tamte fa, mfà bon njùmbwe tse tamngu' num jule'te z'a tshwèt nda'te ndù mèn tamte bo Tshùaben nà. 20Ngale'te nsi bù' yen bàn mbwe tshu là tù mbwe Tshùaben num ju bwôntù boa bon njùmbwe bàa. Tshen tshu là b'a tse bo fà Tshùaben nà, yen nà nsi be tôg tshu tù' tse ngale'te. 21Bin nsi tswi nkùn jùa sen lé'njù là, ghù mbumte nelàne. Bin ke nsi fa' sàm fa' mbu sen lé'njù là. Yen nà b'a ta' ntshù' z'a ghô matmat là num njoṅ nzwit zin fa. Bin a' ke ngù ndùlala mba yà lo bin nsi tswe là.
22Ndùs'o #Lev. 19.9-10; Neb. 24.19-22nsi tsho' tshu ntùm ngô o là, o ke nsi tsho' tshu kà nèn kum lag tsha'a, ke bèn ntswitte ntsha' bén fa. A bwô ndù bin faṅ yen ntsha' là mbwoṅ bo ngùn. Me b'a Tshùaben Nsi zin.
Lé'njù nekwimte, mbu' ngoṅ
(Nes. 29.1-6)
23Tshùaben tshob Mosé ndù: 24Tshob bon Israél ndù: A nsi ke be ntùm mbatte ṅwù sammbàa, num mbwe lé'njù ntùm ṅwù, bin ghù lé'njù fite. Bo nsi lo' à nta tswi nkùn sen lé'njù là yi; mbumte nelàn nsi be sen lé' là. 25Bin ke nsi fa' sàm fa' mbu sen lé' là, fà tshule'te tse bin ton nà Tshùaben.
Lé'njù nelagte ze ndùb
(Nes. 29.7-11)
26Tshùaben #Lev. 16.29-34tshob Mosé ndù: 27A nsi ke be ntùm lé' gham ntùm mbatte ṅwù sammbàa a b'a lé' tamte fa. Bin nsi ghù mbumte nelàne. Bin nsi tswe nziku'u, fà tshule'te tse bin ton nà Tshùaben. 28Bin ke nsi fa' sàm fa' sen lé'njù là, nummb'a b'a lé' tamte fa, tshen lé' là bo num ntamte fa num tu bin mbwe Tshùaben Nsi zin. 29Mba we lo z'a ke mom wul i ndèn mfànnu mi sen lé'njù là là, bo nsi sô i netèt ze nzwit mèn. 30Mèn z'a fa' num sen lé'njù là là, me nsi sô ng'é netèt ze nzwit mèn. 31Ndùlala bin ke nsi fa' sàm fa'. Yen nà b'a ntshù' z'a ghô matmat là ntùm zin nzwit. Bin nsi ke ghù ndùlala mba yà lo bin nsi tswe bwe là. 32Yen nà b'a ta' Sabbat bin, mbe lé' fite, bin nsi mom ntù tsine neto' mfetnjù mbatte lé'njù bwe'e tà nkum mfetnjù lé' gham. Bin nsi jù fite Sabbat zin.
Lé' jùa ntàb
(Nes. 29.12-39)
33Tshùaben #Neb. 16.13-15tshob Mosé ndù: 34Tshob bon Israél ndù: A nsi ke be ntùm lé' ntshob tàn gham ntùm mbatte ṅwù sammbàa bin jù jùa ntàb num lé'njù sammbàa, ndo' nyàmte Tshùaben yi. 35Mbumte nelàn nsi be mbwe lé'njù. Bin ke nsi fa' sàm fa' mbu sen lé' là. 36Num lé'njù sammbàa bin nsi ke fà tshule'te tse bin ton nà Tshùaben. Yen nà b'a mbumte njùa, mbe ndù bin ke nsi fa' sàm fa' mbu sen lé'njù là.
37Tshù ba njùa mi bin nsi ke tswi nkùn i, ghù mbumte nelàn bwe num lén Tshùaben nà. Bin nsi ke fà tshule'te tse bin ton nà Tshùaben, nyàm tse bin ton nà, ba nyàm, ba tse bin zwite là boa nema' ndu' nsi; ngù njoṅ i fa mba bo nabte njab num sen lé'njù là là. 38Bo ke' tùnte ba Sabbat Tshùaben, tshu bwôntù tsin, tsin nda' tse nebiagte nu ke tse nemi mfà lo, tse bin nsi ke fà num lén Tshùaben nà.
39A nsi be num lé' ntshob tàn gham ntùm mbatte ṅwù sammbàa, ndùse bin tsho' tshu nsi là, bin ghù ta' jùa Tshùaben num lé'njù sammbàa. Mbwe lé' nsi b'a lé' fite, ndaṅndaṅ mba mbatte lé' fom nà. 40Num mbwe lé'njù bin nsi lo' ntàm mbwô ntù, ba tsha tene, ntshùa ntù mi a te' mebwô là boa nkewakob, ke nyaṅ yi mbwe Tshùaben Nsi zin num lé'njù sammbàa. 41Mba zit ngu'njù lo bin nsi ke jù sen jùa là num lén Tshùaben. Yen nà b'a ntshù' z'a ghô matmat là num nzwit zin. Bin a' ke njù sen jùa là mba zit ṅwù sammbàa lo. 42Bin nsi tswe ntùm ntàb num lé'njù sammbàa. Njoṅ benntùn fa tse bo bwe yub ngô Israél là nsi tswe ntùm ntàb. 43A nsi tshùa ndùlala nzwit zin lèn ndù me lo ghù ba Israél tswe ntùm ntàb ndùse me na' nsô yub mà Egipto là. Me b'a Tshùaben Nsi zin.
44Tshù mba Mosé na' nda'te mi njùa Tshùaben bon Israél là.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.