Lévitiko 12

Nelànte màbwe

1Tshùaben tshob Mosé ndù: Tshob bon Israél ndù: 2A be ze mènnzwi jùme, mbwe ta' mén mandum nà, mb'a nsi b'a nesagte num lé'njù sammbàa, ndaṅndaṅ mb'a be mbe num ngelaṅ z'a tshwèt njen ṅwù là. 3A #Net. 17.12; Luk. 2.21mbe kum mbatte lé'njù fom bo si ket mén. 4A bwô ndù a bèn ngô be ndà num lé'njù ntshob tat ṅam ntat, num neke ndànte wul i, lem keb num i. A ke nsi kwag sàm ju nelàne, ke bèn nèn ntùm ndà le'te Nsi ke be ndù a miagte nelànte wul i. 5A be ze mènnzwi li bwe à mén mènnzwi là, mb'a nsi be nesagte num ngabnjù bàa, ndaṅndaṅ mb'a be mbe num ngelaṅ z'a tshwèt njen ṅwù là. A bwô ndù a bèn ngô be ndà num lé'njù ṅam sammbàa, num neke ndànte wul i, lem keb num i. 6Ngelaṅ ze tshen nu là nsi bumte fa num mén mandum ke ze mènnzwi lo là, mb'a bwô ndù màbwe lo' mén njùmbwe z'a tamngu' là, bwoṅtambia' bo bwoṅ saṅe, nèn mfà ngafà tshule'te ntshundà ndà mbumte, ndù a tone, mfà jule'te yi num nukebwô. 7Ngafà tshule'te nsi fà tshen tshu là mbwe Tshùaben num netamte fa yi; yen nà nsi lànte mènnzwi là num lem ts'a tum num i là. Tshù ntshù' z'a lôte mènnzwi z'a bwe mén mandum ke mén mènnzwi lo là.

8A #Luk. 2.24be z'a ke' fà bu yi neghù mén njùmbwe là, mb'a bwô ndù a lo' bwoṅ saṅ bàa ke bwoṅtambia' bàa lo. Mo' ta' i num netone, mo' be num jule'te netamte fa yi. Ngafà jule'te nsi tamte fa yi, a be nelàne.

Currently Selected:

Lévitiko 12: BMa

Highlight

Copy

Compare