Rm 16
16
Mebendé; mebatan; minkômban
(3 Yo 5-8; 1 Ko 16:19-20; Mt 3:9-11, 2 Pi 2:1-3; Ef 3:20-21; Yd 25-26)
1Ma bendé mia ajô Febé, kale jangan, diakon ya e keké é ne Kenkréa. 2Nyoñane nye be Nti, aval ane da yiane mimfufup. Vola'ane nye mfa'a ya jam ese a ye yi na mi volô nye. Amu a nga bo ésaé ya volô bôt abui, aval ane mamien.
3Mi sila'ane me Priska ba Akilas, beébe bebo bisaé bam e be Krist. 4Be nga ve bebien asu ya kaman ényiñe jam. Saa ma étam ma ve be akéva, ve nalé fe bekeké bese ya bikuu. 5Sila'ane fe ma keké é wô'ô sulan e *nda jap. Sila'ane ma nyô ma nye'e Epayinét, mbômô ébuma ya Azi e be Krist. 6Sila'ane ma Marie nyô a nyoñe nju'u abui mfa'a wônan. 7Sila'ane ma Andrônikus ba Yunias, bivuvumane biam, mbe bia be be bi mbe nsamba minkôm. Be ne minlômane ya duma. Be mbe ma ôsu, mfa'a ya bo ba be Krist. 8Sila'ane ma Ampliatus, nyô ma dañe nye'e be Nti. 9Sila'ane ma Urbeñ, ébe mbo ésaé wongan, a nyô ma nye'e, Stakis. 10Sila'ane ma ba ya *nda Aristôbul. 11Bata'ane ma Hérôdioñ évuvumane jam. Sila'ane ma ba ya *nda Narsis ba buni Nti. 12Sila'ane ma Triféne, a Trifôze, mbe be nga ve bebiene nju'u abui e be Nti. Sila'ane ma éñwom Persis, nyô a nga jibi abui njuk e be Nti. 13Sila'ane ma Rufus, ntobane be Nti a nyia wé a ne fe nyia wom. 14Sila'ane ma Asim Krist, Flégon, Hermés, Patrôbas, Hermas a bobejañe baa be be be né. 15Mi sila'ane ma Filôlôg a Yuli, Neré a kale jé Olimpas a mimfufube mise baa be be be né. 16Mi bata'an, wua a nyô mbok, a nlatane menyu ô ne *mfuban. Bekeké bese ya Krist ba batane mia.
17Ma ye'elane mia a bobejañ na, mi sa'ale ba ba té mengam a mam ma kolé ôbak, mbe bete ba li'i ñye'elan mi nga nyoñ. Kelane be ôyap. 18Amu balé bete be nji bo Krist Nti wongan bisaé, ve mebume map mebien. Mbe bete, a élen nkobô jap ya éwono'o, ba du'u minleme mi ba be ne biyebeyebe. 19Ajô te, ma vak amu ajô denan. Ve ma yi na, mi yeme kandé mame me ne mvaé a bo *mfuban mfa'a mam me ne *abé. 20A Zambe ya *mvo'é a ye fite Satan e mebo menane si. Mvame Nti wongan Yésus é tabe'e be mia.
21Timôté, ébe mbo ésaé wom, a sili mia, nalé fe Yason a Sôsipatrôs, bivuvumane biam. 22Ma, Tertius, ntili kalate nyô, ma batane mia e be Nti. 23Gayius, nyô me too *nda, a nyô ngume keké wo sulane be nye, a batane mia. Eraste, nkale akume ya tison a sili mia, nalé fe Kartus, mojañe wongan. 24E mvame Nti wongan Yésus Krist é tabe'e e be mia bese. Amen!
Duma e be Zambe étam
25Nde e be nyô a bili ngule ya yemete mia, aval ane Mbamba Foé ma kat a né, éyoñe ma kañete Yésus Krist, aval ane nkulane *nsolane jam ô nga ba'aleban évôl été aso biyoñe ya nnôm éto ô né, 26ve éyoñe ji, ô yenébaneya a bobane na meyoñe bikuu me yeme wô a zene mintilane bekulu mejô, aval ane njôane Zambe a too nnôm éto ô né, asu ya kee be e mewô'ô ma so mbunan été, 27e be Zambe ate étam, susu'a mfefek, duma e bo'ok amu Yésus Krist, nnôm éto. Amen.
Currently Selected:
Rm 16: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Rm 16
16
Mebendé; mebatan; minkômban
(3 Yo 5-8; 1 Ko 16:19-20; Mt 3:9-11, 2 Pi 2:1-3; Ef 3:20-21; Yd 25-26)
1Ma bendé mia ajô Febé, kale jangan, diakon ya e keké é ne Kenkréa. 2Nyoñane nye be Nti, aval ane da yiane mimfufup. Vola'ane nye mfa'a ya jam ese a ye yi na mi volô nye. Amu a nga bo ésaé ya volô bôt abui, aval ane mamien.
3Mi sila'ane me Priska ba Akilas, beébe bebo bisaé bam e be Krist. 4Be nga ve bebien asu ya kaman ényiñe jam. Saa ma étam ma ve be akéva, ve nalé fe bekeké bese ya bikuu. 5Sila'ane fe ma keké é wô'ô sulan e *nda jap. Sila'ane ma nyô ma nye'e Epayinét, mbômô ébuma ya Azi e be Krist. 6Sila'ane ma Marie nyô a nyoñe nju'u abui mfa'a wônan. 7Sila'ane ma Andrônikus ba Yunias, bivuvumane biam, mbe bia be be bi mbe nsamba minkôm. Be ne minlômane ya duma. Be mbe ma ôsu, mfa'a ya bo ba be Krist. 8Sila'ane ma Ampliatus, nyô ma dañe nye'e be Nti. 9Sila'ane ma Urbeñ, ébe mbo ésaé wongan, a nyô ma nye'e, Stakis. 10Sila'ane ma ba ya *nda Aristôbul. 11Bata'ane ma Hérôdioñ évuvumane jam. Sila'ane ma ba ya *nda Narsis ba buni Nti. 12Sila'ane ma Triféne, a Trifôze, mbe be nga ve bebiene nju'u abui e be Nti. Sila'ane ma éñwom Persis, nyô a nga jibi abui njuk e be Nti. 13Sila'ane ma Rufus, ntobane be Nti a nyia wé a ne fe nyia wom. 14Sila'ane ma Asim Krist, Flégon, Hermés, Patrôbas, Hermas a bobejañe baa be be be né. 15Mi sila'ane ma Filôlôg a Yuli, Neré a kale jé Olimpas a mimfufube mise baa be be be né. 16Mi bata'an, wua a nyô mbok, a nlatane menyu ô ne *mfuban. Bekeké bese ya Krist ba batane mia.
17Ma ye'elane mia a bobejañ na, mi sa'ale ba ba té mengam a mam ma kolé ôbak, mbe bete ba li'i ñye'elan mi nga nyoñ. Kelane be ôyap. 18Amu balé bete be nji bo Krist Nti wongan bisaé, ve mebume map mebien. Mbe bete, a élen nkobô jap ya éwono'o, ba du'u minleme mi ba be ne biyebeyebe. 19Ajô te, ma vak amu ajô denan. Ve ma yi na, mi yeme kandé mame me ne mvaé a bo *mfuban mfa'a mam me ne *abé. 20A Zambe ya *mvo'é a ye fite Satan e mebo menane si. Mvame Nti wongan Yésus é tabe'e be mia.
21Timôté, ébe mbo ésaé wom, a sili mia, nalé fe Yason a Sôsipatrôs, bivuvumane biam. 22Ma, Tertius, ntili kalate nyô, ma batane mia e be Nti. 23Gayius, nyô me too *nda, a nyô ngume keké wo sulane be nye, a batane mia. Eraste, nkale akume ya tison a sili mia, nalé fe Kartus, mojañe wongan. 24E mvame Nti wongan Yésus Krist é tabe'e e be mia bese. Amen!
Duma e be Zambe étam
25Nde e be nyô a bili ngule ya yemete mia, aval ane Mbamba Foé ma kat a né, éyoñe ma kañete Yésus Krist, aval ane nkulane *nsolane jam ô nga ba'aleban évôl été aso biyoñe ya nnôm éto ô né, 26ve éyoñe ji, ô yenébaneya a bobane na meyoñe bikuu me yeme wô a zene mintilane bekulu mejô, aval ane njôane Zambe a too nnôm éto ô né, asu ya kee be e mewô'ô ma so mbunan été, 27e be Zambe ate étam, susu'a mfefek, duma e bo'ok amu Yésus Krist, nnôm éto. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.