Rm 15
15
Jeñane mvaé bôte befe saa v'énjenan étam
(Rm 14:13-23; Fil 2:1-5)
1Ve e ne ajô dangan bia mingungul e mbunane na, bi be'e mimbe'e ya ba be ne atek, a bo te jeñe ve mvaé jangan. 2Môt ase ya be bia, a jeñe na a bo mam me ne mvaé e be môt a ne nye bebé, asu ya kômôtô nye. 3Mfa'a Krist a nji jeñe mvaé jé émien, ve aval ane e ne ntilane na:
meta ya ba be nga ta wo,
me nga viane jimbi ma.
4Amu mam mese me nga tilibane melu kôa, me nga tiliban asu ya nye'elane wongan. Nde amu njiban a mvolane minlem mbie bia so mejô me Zambe été, bia ye bi ndi *nlem. 5Nde Zambe ya njiban a mvolane minlem a bo'o mia na, ñwôka'ane a bo e zañe jenan, aval ane nkômbane Yésus Krist ô né, 6nde mia ye ve Zambe duma, Esaa Nti wongan Yésus Krist, mi to nleme wua a tyiñe jia.
Yésus, mbo ésaé bôte bese
(Mm 3:25-26; Ef 2:11-19)
7Aval ane Krist a nga nyoñe mia, nyoñane fe mia mia nalé, amu duma Zambe. 8Ma yemete de na, amu ntôéane mejô Zambe, nde Krist a nga bobane mbo ésaé ya ba be ne mintyi'ane metye, mfa'a ya jalé mengaka'a a nga ka'a bemvamba. 9Ve mfa'a bikuu, bia wumu Zambe amu mvame jé, aval ane e ne ntilane na:
ajô te ma ye wumulu wo,
ézezañe meyoñe bikuu,
a ma ye yia jôé dôé bia.
10A beta fe jô na:
a *meyoñ, va'ane fufulu a bôte bé.
11A na:
a meyoñe mese,
wumula'ane Nti,
a bôte bese be kute nye mefas.
12Ezayi a jô fe na:
éfa'alé Yesé ja ye so,
nyô a zu tebe a jôô *meyoñ.
A ma ye telé ndi nleme jap e be nye.
13Nde Zambe bi too nye ndi *nlem, a jalé'é mia a mevak, a *mvo'é e mbunan été, nde mia ye jaé ne lut e ndi *nlem amu ngule Mfufube Nsisim!
Esaé Paul e be bikuu
(1 Ko 15:10; 2 Ko 12:12; 10:13-18)
14Wôna, mfa'a wônan, a bobejañe bam, ma buni na miabebien mi ne nkôman, njalan a nya ñyemane, a nguleya leban mia mia. 15Ve akôsa bo nalé, asu ya vumelan asimesane denan, me nga tili mia mevôme m'éziñ a ayo'o ese, aval ane *mvam Zambe é nga vebane be ma é né na, 16me bo mbo ésaé Yésus Krist e be bikuu, ntelan étyi asu Mbamba Foé Zambe, nde bikuu bia ye bo mvean, ñwô ôte, a ntunane Mfufube Nsisim, wo ye yené mvaé e mise me Zambe. 17Ajô te ma yiane bo mebun e be Yésus Krist ajô ésaé Zambe. 18Amu me mbe te ngule ya kobô jam, vengevenge ve di Krist a nga belane ma de na, me dutu meyoñe bikuu me bo mewôk, 19a zene ya kobô, a mimboon, mendem a bitua bi mam, a ngule Mfufube Nsisim. Nde ataté Yérusalém, mefôla me nga bôman, a kui Iliri, me nga tu'a kate Mbamba Foé Krist 20Ve me nga tyi'i na, me kate Mbamba Foé ve vôme jôé Krist e ngenane te kateban, amu me za lôñ e mbôka'a môte mfe a nga bô'ô yôp,
21a bo ane ntilan wo jô na:
e ba Foé é nji katebane be be,
ba ye yen,
a ba be nji tame wô'ô je ba ye yem.
Mimvañan mi Paul
(Rm 1:9-15; 2 Ko 8 a 9)
22A jame te ebien nde e nga kamane ma biyoñ abui na, me bo te zu e be mia. 23Nde éyoñe ji, amu me nto te vôme ya bo ésaé mefôla ma, a na, aso mimbu abui, me bili beta nkômbane ya zu e be mia, 24éyoñe ma ye ke Panya, me too ndi na, ma ye yene mia éyoñe ma ye lôt a nyoñe mvolane wônan. Eyoñe te ma ye bi ma'a ya tabe ja'ane abe melu bia be mia. 25Ve éyoñe ji, ma ke Yérusalém ajô ésaé mimfufup. 26Amu Masédôan a Akayi be nga tyi'i na, ba ye liti mfulane minlem, a zene ya volô mimfufube ya Yérusalém mi ne azoé été. 27Yaa, bebiene be nga tyi'i nalé, a be nga yiane bo nalé. Amu nge bikuu bi nga bo benyoñe ngabe ya mame mabe ya Nsisim, wôna ba yiane fe volô be a biôme ya minsôn. 28Eyoñe ma ye mane kôme jame te, a kalane be mimveane mite, éyoñe te ma ye lôte be mia a ke Panya. 29A ma yeme na, éyoñe ma ye zu be mia, ma ye zu njalan a bibotane bi Krist. 30Ve ma ye'elane mia a bobejañ, amu Yésus Krist Nti wongan, a nye'ane ya Nsisim na, 31me bo te ku e mo me ba be ne te buni Yudé, a na, mvolane ma kee wô Yérusalém ô nyoñebane *mvo'é e be mimfufup. 32Nalé a ye bo me na, me kui e be mia a mevak, amu nkômbane Zambe na, me bi awo'on bia be mia. 33Nde Zambe ya *mvo'é a tabe'e be mia bese. Amen.
Currently Selected:
Rm 15: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Rm 15
15
Jeñane mvaé bôte befe saa v'énjenan étam
(Rm 14:13-23; Fil 2:1-5)
1Ve e ne ajô dangan bia mingungul e mbunane na, bi be'e mimbe'e ya ba be ne atek, a bo te jeñe ve mvaé jangan. 2Môt ase ya be bia, a jeñe na a bo mam me ne mvaé e be môt a ne nye bebé, asu ya kômôtô nye. 3Mfa'a Krist a nji jeñe mvaé jé émien, ve aval ane e ne ntilane na:
meta ya ba be nga ta wo,
me nga viane jimbi ma.
4Amu mam mese me nga tilibane melu kôa, me nga tiliban asu ya nye'elane wongan. Nde amu njiban a mvolane minlem mbie bia so mejô me Zambe été, bia ye bi ndi *nlem. 5Nde Zambe ya njiban a mvolane minlem a bo'o mia na, ñwôka'ane a bo e zañe jenan, aval ane nkômbane Yésus Krist ô né, 6nde mia ye ve Zambe duma, Esaa Nti wongan Yésus Krist, mi to nleme wua a tyiñe jia.
Yésus, mbo ésaé bôte bese
(Mm 3:25-26; Ef 2:11-19)
7Aval ane Krist a nga nyoñe mia, nyoñane fe mia mia nalé, amu duma Zambe. 8Ma yemete de na, amu ntôéane mejô Zambe, nde Krist a nga bobane mbo ésaé ya ba be ne mintyi'ane metye, mfa'a ya jalé mengaka'a a nga ka'a bemvamba. 9Ve mfa'a bikuu, bia wumu Zambe amu mvame jé, aval ane e ne ntilane na:
ajô te ma ye wumulu wo,
ézezañe meyoñe bikuu,
a ma ye yia jôé dôé bia.
10A beta fe jô na:
a *meyoñ, va'ane fufulu a bôte bé.
11A na:
a meyoñe mese,
wumula'ane Nti,
a bôte bese be kute nye mefas.
12Ezayi a jô fe na:
éfa'alé Yesé ja ye so,
nyô a zu tebe a jôô *meyoñ.
A ma ye telé ndi nleme jap e be nye.
13Nde Zambe bi too nye ndi *nlem, a jalé'é mia a mevak, a *mvo'é e mbunan été, nde mia ye jaé ne lut e ndi *nlem amu ngule Mfufube Nsisim!
Esaé Paul e be bikuu
(1 Ko 15:10; 2 Ko 12:12; 10:13-18)
14Wôna, mfa'a wônan, a bobejañe bam, ma buni na miabebien mi ne nkôman, njalan a nya ñyemane, a nguleya leban mia mia. 15Ve akôsa bo nalé, asu ya vumelan asimesane denan, me nga tili mia mevôme m'éziñ a ayo'o ese, aval ane *mvam Zambe é nga vebane be ma é né na, 16me bo mbo ésaé Yésus Krist e be bikuu, ntelan étyi asu Mbamba Foé Zambe, nde bikuu bia ye bo mvean, ñwô ôte, a ntunane Mfufube Nsisim, wo ye yené mvaé e mise me Zambe. 17Ajô te ma yiane bo mebun e be Yésus Krist ajô ésaé Zambe. 18Amu me mbe te ngule ya kobô jam, vengevenge ve di Krist a nga belane ma de na, me dutu meyoñe bikuu me bo mewôk, 19a zene ya kobô, a mimboon, mendem a bitua bi mam, a ngule Mfufube Nsisim. Nde ataté Yérusalém, mefôla me nga bôman, a kui Iliri, me nga tu'a kate Mbamba Foé Krist 20Ve me nga tyi'i na, me kate Mbamba Foé ve vôme jôé Krist e ngenane te kateban, amu me za lôñ e mbôka'a môte mfe a nga bô'ô yôp,
21a bo ane ntilan wo jô na:
e ba Foé é nji katebane be be,
ba ye yen,
a ba be nji tame wô'ô je ba ye yem.
Mimvañan mi Paul
(Rm 1:9-15; 2 Ko 8 a 9)
22A jame te ebien nde e nga kamane ma biyoñ abui na, me bo te zu e be mia. 23Nde éyoñe ji, amu me nto te vôme ya bo ésaé mefôla ma, a na, aso mimbu abui, me bili beta nkômbane ya zu e be mia, 24éyoñe ma ye ke Panya, me too ndi na, ma ye yene mia éyoñe ma ye lôt a nyoñe mvolane wônan. Eyoñe te ma ye bi ma'a ya tabe ja'ane abe melu bia be mia. 25Ve éyoñe ji, ma ke Yérusalém ajô ésaé mimfufup. 26Amu Masédôan a Akayi be nga tyi'i na, ba ye liti mfulane minlem, a zene ya volô mimfufube ya Yérusalém mi ne azoé été. 27Yaa, bebiene be nga tyi'i nalé, a be nga yiane bo nalé. Amu nge bikuu bi nga bo benyoñe ngabe ya mame mabe ya Nsisim, wôna ba yiane fe volô be a biôme ya minsôn. 28Eyoñe ma ye mane kôme jame te, a kalane be mimveane mite, éyoñe te ma ye lôte be mia a ke Panya. 29A ma yeme na, éyoñe ma ye zu be mia, ma ye zu njalan a bibotane bi Krist. 30Ve ma ye'elane mia a bobejañ, amu Yésus Krist Nti wongan, a nye'ane ya Nsisim na, 31me bo te ku e mo me ba be ne te buni Yudé, a na, mvolane ma kee wô Yérusalém ô nyoñebane *mvo'é e be mimfufup. 32Nalé a ye bo me na, me kui e be mia a mevak, amu nkômbane Zambe na, me bi awo'on bia be mia. 33Nde Zambe ya *mvo'é a tabe'e be mia bese. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.