Rm 12
12
Mféfé ényiñ e be Krist
(1 Ko 6:19-20; Ef 4:1-16; 1 Pi 4:10-11; 1 Pi 3:8-12; 4:7-9; Mt 5:38-48)
1Ajô te a bobejañ, ma ye'elane mia, amu nkoon éngôngole Zambe na, mi ve menyôle menan ane vevee étyi'a, étyi e ji Zambe a yene mvaé. Nalé ate a ye bo nkañane wônan wo yian. 2Te mia vu si ndôn ya melu ma. Ve bo'one mveñesan, zene ya tyendé ñyemane wônane mfa'a ya yemelan jé é ne nkômbane Zambe. Nalé nye ane mvaé a nya *mvo'é e mise mé.
3Amu *mvam é nga vebane be ma, ma jô môt ase ya be mia na: A bo te simesan émien a lôte nné, ve simesan aval ane mfefek, te bo énguñ; môt ase aval ane abime mveane Zambe a nga ve nye e né. 4Amu bi ne bibu'a abui, e nyôle jia été. A bibu'a bise bi nji bi aval ésaé da. 5Avale te bi ne abui, ve bi too nyôle jia e be Krist. Bi too bibu'a, jia a ji évok, môt ase ngabe jé. 6A bi bili mvean aval a ne *mvam é nga veban e be bia. Ye ô ne wu ya kulu mejô? Bela'ane wô a mbunan. 7Ye môte wua a bili mvean ésaé? A bo'o ésaé. Ye mfe a bili mveane ya ye'ele? A ye'ele'e. 8Aval ane mfe, e wu ya leb, a lebek! Nyô a ve a va'ak a ésôs. Nyô a jôô, a bômbô'ô évevé ya jôô. Nyô a ko bôt éngôngo, a bo'ok a mevak. 9Nye'an ô bo'o te medu'an. Mata'an *abé beta mmatan; kabeta'ane mbaa be mam. 10Nye'ane ya bobenyañ ô late mia wua a nyô mbok. Bômba'an évévé ya semane mia mia. 11Bo'one Nti bisaé ayôñ e ne tee njem été, e Nsisim wo kundi été. 12Va'an e ndi *nlem été, jiba'an e biyoñe bi ôlun, a bo mbane meye'elan été. 13Mi vola'ane mimfufup mi ne mebua été, jika'a boon anyep. 14Bota'an a te yo'an. 15Va'an a ba ba vak, yian a ba ba yi. 16Bo'on ôsimesane wua, wua a nyô mbok. Sa'alane beta binyiñ, ke'ane minleme mienan e mam me ne si. Te yenane miabebien ane mimfefek. 17Te butane môt *abé a *abé. Bômba'an évevé ya bo bôte bese mvaé. 18Nge e ne ngule ya bo, aval ane da yiane mia, taba'ane bôte bese *mvo'é. 19Te kunane miabebien a bôte ma nye'e, ve jôka'an ayaa Zambe e bo ésaé. Amu e ne ntilane na: Akuna'a e ne éndam, ma ma ye ya'ane bôt, nalé Nti a jô. 20Ve nge nsiñe wôé a wô'ô zaé, va'a nye bidi. Nge a wô'ô évé, va'a nye jôme ya nyu. Amu a mboone te, wo kutane nye ma'a me nduan e nlô yôp. 21Te jô'é na *abé e dañe wo, ve dañe *abé a mboone mvaé.
Currently Selected:
Rm 12: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Rm 12
12
Mféfé ényiñ e be Krist
(1 Ko 6:19-20; Ef 4:1-16; 1 Pi 4:10-11; 1 Pi 3:8-12; 4:7-9; Mt 5:38-48)
1Ajô te a bobejañ, ma ye'elane mia, amu nkoon éngôngole Zambe na, mi ve menyôle menan ane vevee étyi'a, étyi e ji Zambe a yene mvaé. Nalé ate a ye bo nkañane wônan wo yian. 2Te mia vu si ndôn ya melu ma. Ve bo'one mveñesan, zene ya tyendé ñyemane wônane mfa'a ya yemelan jé é ne nkômbane Zambe. Nalé nye ane mvaé a nya *mvo'é e mise mé.
3Amu *mvam é nga vebane be ma, ma jô môt ase ya be mia na: A bo te simesan émien a lôte nné, ve simesan aval ane mfefek, te bo énguñ; môt ase aval ane abime mveane Zambe a nga ve nye e né. 4Amu bi ne bibu'a abui, e nyôle jia été. A bibu'a bise bi nji bi aval ésaé da. 5Avale te bi ne abui, ve bi too nyôle jia e be Krist. Bi too bibu'a, jia a ji évok, môt ase ngabe jé. 6A bi bili mvean aval a ne *mvam é nga veban e be bia. Ye ô ne wu ya kulu mejô? Bela'ane wô a mbunan. 7Ye môte wua a bili mvean ésaé? A bo'o ésaé. Ye mfe a bili mveane ya ye'ele? A ye'ele'e. 8Aval ane mfe, e wu ya leb, a lebek! Nyô a ve a va'ak a ésôs. Nyô a jôô, a bômbô'ô évevé ya jôô. Nyô a ko bôt éngôngo, a bo'ok a mevak. 9Nye'an ô bo'o te medu'an. Mata'an *abé beta mmatan; kabeta'ane mbaa be mam. 10Nye'ane ya bobenyañ ô late mia wua a nyô mbok. Bômba'an évévé ya semane mia mia. 11Bo'one Nti bisaé ayôñ e ne tee njem été, e Nsisim wo kundi été. 12Va'an e ndi *nlem été, jiba'an e biyoñe bi ôlun, a bo mbane meye'elan été. 13Mi vola'ane mimfufup mi ne mebua été, jika'a boon anyep. 14Bota'an a te yo'an. 15Va'an a ba ba vak, yian a ba ba yi. 16Bo'on ôsimesane wua, wua a nyô mbok. Sa'alane beta binyiñ, ke'ane minleme mienan e mam me ne si. Te yenane miabebien ane mimfefek. 17Te butane môt *abé a *abé. Bômba'an évevé ya bo bôte bese mvaé. 18Nge e ne ngule ya bo, aval ane da yiane mia, taba'ane bôte bese *mvo'é. 19Te kunane miabebien a bôte ma nye'e, ve jôka'an ayaa Zambe e bo ésaé. Amu e ne ntilane na: Akuna'a e ne éndam, ma ma ye ya'ane bôt, nalé Nti a jô. 20Ve nge nsiñe wôé a wô'ô zaé, va'a nye bidi. Nge a wô'ô évé, va'a nye jôme ya nyu. Amu a mboone te, wo kutane nye ma'a me nduan e nlô yôp. 21Te jô'é na *abé e dañe wo, ve dañe *abé a mboone mvaé.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.