Rm 11
11
Zambe a nji bene bôte bé
(1 Sam 12:23-25; 1Bb 19:9-18; Eza 6:9-13; Rm 9:31-3)
1Me nga sili ñhe na, ye Zambe a nga bene bôte bé? Teke bebé! Mamien me ne Israél mvô'ô Abraham, ayoñe Bényamin. 2Zambe a nji ben ayoñe dé a nga taté yem. A na, ye mi nji yem ane ntilan wo jô, vôme Elie a soman Israél e be Zambe na: 3a Nti, be nga wôé bekulu mejô bôé, a tyame meta'a metuna'a môé. Ma étam me nga li'i, a ba jeñ ényiñe jam. 4Ve Zambe a yalane nye aya? Me nga ba'ale mfa'a wom mamien, befame toyini zamgbwa, e ba be nga bo te kute meboñe si asu Baal. 5Nalé fe melu ma, *mebuka'a m'éziñ me ne fe, aval ane fili ntobane ya *mvam é né. 6Nge e ne amu *mvam, wôna, a nji bo ajô mimboone mi mam. Amu nge nalé, wôna *mvam é nji fe bo *mvam. 7Nde bi ne jô aya? E jôme Israél a jeñ, a nji bi je. Ve mintobane mi bôt mi nga bi je. Ve mfa'a ba bevok, be nga boban ayete minlem,
8aval ane e ne ntilane na:
Zambe a nga ve be Nsisim ô ne ékôkôt,
a mise na, be bo te yen,
a melo na, be bo te wôk,
a zu kui môse wu.
9David a jô fe na:
e tawôlô wop a bo'o ôlam a avot,
a jôme ya kolé ôbak a *melep me ne *zôsôô!
10E mise map me bo'o dibi akekui ma ku ndim.
Bo'o be éyoñ ése na,
be vite memvuse map e si.
Fe'e Zambe mfa'a Beyude a bikuu
(1 Ko 4:7; 10:11-12; Za 1:17; 8:13)
11Nde ma sili na: Ye be nga kolé ôba'a na ba ye ku nkuane nkuan? Teke bebé! Amu nkuane wop, nde bikul bi nyiibaneya. Ajô te, ba ye soñelô *aban, e nleme Israél été. 12Amu nge nkuane wop ô nga bo afok mfa'a *si nyô, a nsuubane si wop, afo'o ya e be bikuu, abim avé nyoñane ngabe wop e nyian wo ye dañe soo mvaé.
13Nde ma kobô mia bikuu, amu mamien me ne *nlôman e be bikuu. Ma liti étôto'o ya ésaé jam, 14a ndi nleme jame na, ma ye soñelô *aban e minleme ya ba bia be be bi ne mbialan a nyii bevok. 15Nge e ne na, ntebane wop e fefe, ô nga bo élat mfa'a *si nyô, e nyian été wop wo ye bo jé, ke ve ntulan awu a kui ényiñ'
16Amu nge *bembômô be ne étyi, wôna ngum ébase fe ô ne étyi. A nge ndi ô ne étyi, mintyaé mi ne fe avale da. 17Ve nge mintyaé miziñ mi nga tyi'iban, ve wo, ôlivié ya fé, ô nga bemban e mintyaé mivo'o mi nga li'i ôlivié ya nlame na, wo fe ô nyoñe ngap afo'o ndi ya nya ôlivié. 18Te bo mebun ézezañe mintyaé. O ne bo ngunguan, ve sa wo ô be'e mindi, ve ndi ñwô ô be'e wo. 19Yaa, wo ye fo'o jô na, mintyaé mi nga tyi'iban amu na me bemban été. 20E ne été nalé. Mi nga tyi'iban amu bijabô biap, ve wo ô ne été amu mbunan. Te bo mebun, ve viane ko woñ. 21Amu nge Zambe a nga bo te kamane benya mintyaé, avale da a ye bo te kamane wo. 22Ajô te, semé'é mvame Zambe a ayo'o dé bibaane; ayo'o dé mfa'a ya ba be nga ku, a mvame jé mfa'a wôé. Ve nné ane wô wo tabe e mvame te été, nalé momo, wo fe wo ye tyi'iban. 23A be, nge be nji langan e te buni wob été, be fe ba ye bemban. Amu Zambe a bili ngule ya beta beme be. 24Nge wo ô nga vas, ôlivié ya fé, nye ate ô nga too amu abialé, ô nga viane bembane nya ôlivié, nye ate ô nji bo, amu abialé dôé, kô fé be ba ye bemban ôlivié wop be nga beme été amu mbialane wop.
Nyian Israél ase
(Yer 31:31-40; Ez 36:23-38; 37:13-14; Oz 3:3-5; Eza 54:7-10)
25A bobejañ, me nji kômbô mi dimi ndimba jame nyô, a za bo na mia ye nyoñe miabebien ane mimfefek. Ayete nleme bevo'o ya Israél, da ye tabe akekui bôte ya bikule bese be maneya nyiin.
26Nalé Israél ase a ye nyiiban aval ane e ne ntilan na:
*nkôté bôt a ye so Sioñ.
A ye vaa mam me nji bo mam me Zambe e mvô'ô Yakob été.
27Elate te,
nje bia be be bia ye bo,
éyoñe ma ye vaa mam *abé map.
28Mfa'a Mbamba Foé, be ne besiñ amu mia. Ve mfa'a ntoban, be ne minkpwek, amu beésa bap. 29Nalé amu mimvean a nloone Zambe bi se ngule ya bo momo. 30E ne été na, e melu mvus, mi nga bo Zambe melo. Ve éyoñe ji, amu melo map, mi nga koban éngôngol. 31Avale te fe be boya melo éyoñe ji, nde nkoon éngôngol ô nga zu e be mia, wo ye fe zu e be be éyoñe jap. 32Amu Zambe a feteya bôte bese e melo si, asu ya liti bese e mvame jé. 33Aka'a édo'o abui afo'o ya fek a ñyemane Zambe bi né. Mintyi'ane mié mi ne teke afasé, a mezene mé me ne ayaé ya yemelan. 34Ane mintilan mia jô na: Za fo'o a nga yem ôsimesane Nti'
35Nge na za a mbe mbôndé mefe'e wé'
36A fe na, za a nga taté ve nye jôm éziñ nde a ye nyoñe ma'an mvus éte'
37Amu biôme bise bia so be nye, bi too ve amu nye, a bi ne émbié. Duma e bo'o be nye nnôm éto! Amen.
Currently Selected:
Rm 11: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Rm 11
11
Zambe a nji bene bôte bé
(1 Sam 12:23-25; 1Bb 19:9-18; Eza 6:9-13; Rm 9:31-3)
1Me nga sili ñhe na, ye Zambe a nga bene bôte bé? Teke bebé! Mamien me ne Israél mvô'ô Abraham, ayoñe Bényamin. 2Zambe a nji ben ayoñe dé a nga taté yem. A na, ye mi nji yem ane ntilan wo jô, vôme Elie a soman Israél e be Zambe na: 3a Nti, be nga wôé bekulu mejô bôé, a tyame meta'a metuna'a môé. Ma étam me nga li'i, a ba jeñ ényiñe jam. 4Ve Zambe a yalane nye aya? Me nga ba'ale mfa'a wom mamien, befame toyini zamgbwa, e ba be nga bo te kute meboñe si asu Baal. 5Nalé fe melu ma, *mebuka'a m'éziñ me ne fe, aval ane fili ntobane ya *mvam é né. 6Nge e ne amu *mvam, wôna, a nji bo ajô mimboone mi mam. Amu nge nalé, wôna *mvam é nji fe bo *mvam. 7Nde bi ne jô aya? E jôme Israél a jeñ, a nji bi je. Ve mintobane mi bôt mi nga bi je. Ve mfa'a ba bevok, be nga boban ayete minlem,
8aval ane e ne ntilane na:
Zambe a nga ve be Nsisim ô ne ékôkôt,
a mise na, be bo te yen,
a melo na, be bo te wôk,
a zu kui môse wu.
9David a jô fe na:
e tawôlô wop a bo'o ôlam a avot,
a jôme ya kolé ôbak a *melep me ne *zôsôô!
10E mise map me bo'o dibi akekui ma ku ndim.
Bo'o be éyoñ ése na,
be vite memvuse map e si.
Fe'e Zambe mfa'a Beyude a bikuu
(1 Ko 4:7; 10:11-12; Za 1:17; 8:13)
11Nde ma sili na: Ye be nga kolé ôba'a na ba ye ku nkuane nkuan? Teke bebé! Amu nkuane wop, nde bikul bi nyiibaneya. Ajô te, ba ye soñelô *aban, e nleme Israél été. 12Amu nge nkuane wop ô nga bo afok mfa'a *si nyô, a nsuubane si wop, afo'o ya e be bikuu, abim avé nyoñane ngabe wop e nyian wo ye dañe soo mvaé.
13Nde ma kobô mia bikuu, amu mamien me ne *nlôman e be bikuu. Ma liti étôto'o ya ésaé jam, 14a ndi nleme jame na, ma ye soñelô *aban e minleme ya ba bia be be bi ne mbialan a nyii bevok. 15Nge e ne na, ntebane wop e fefe, ô nga bo élat mfa'a *si nyô, e nyian été wop wo ye bo jé, ke ve ntulan awu a kui ényiñ'
16Amu nge *bembômô be ne étyi, wôna ngum ébase fe ô ne étyi. A nge ndi ô ne étyi, mintyaé mi ne fe avale da. 17Ve nge mintyaé miziñ mi nga tyi'iban, ve wo, ôlivié ya fé, ô nga bemban e mintyaé mivo'o mi nga li'i ôlivié ya nlame na, wo fe ô nyoñe ngap afo'o ndi ya nya ôlivié. 18Te bo mebun ézezañe mintyaé. O ne bo ngunguan, ve sa wo ô be'e mindi, ve ndi ñwô ô be'e wo. 19Yaa, wo ye fo'o jô na, mintyaé mi nga tyi'iban amu na me bemban été. 20E ne été nalé. Mi nga tyi'iban amu bijabô biap, ve wo ô ne été amu mbunan. Te bo mebun, ve viane ko woñ. 21Amu nge Zambe a nga bo te kamane benya mintyaé, avale da a ye bo te kamane wo. 22Ajô te, semé'é mvame Zambe a ayo'o dé bibaane; ayo'o dé mfa'a ya ba be nga ku, a mvame jé mfa'a wôé. Ve nné ane wô wo tabe e mvame te été, nalé momo, wo fe wo ye tyi'iban. 23A be, nge be nji langan e te buni wob été, be fe ba ye bemban. Amu Zambe a bili ngule ya beta beme be. 24Nge wo ô nga vas, ôlivié ya fé, nye ate ô nga too amu abialé, ô nga viane bembane nya ôlivié, nye ate ô nji bo, amu abialé dôé, kô fé be ba ye bemban ôlivié wop be nga beme été amu mbialane wop.
Nyian Israél ase
(Yer 31:31-40; Ez 36:23-38; 37:13-14; Oz 3:3-5; Eza 54:7-10)
25A bobejañ, me nji kômbô mi dimi ndimba jame nyô, a za bo na mia ye nyoñe miabebien ane mimfefek. Ayete nleme bevo'o ya Israél, da ye tabe akekui bôte ya bikule bese be maneya nyiin.
26Nalé Israél ase a ye nyiiban aval ane e ne ntilan na:
*nkôté bôt a ye so Sioñ.
A ye vaa mam me nji bo mam me Zambe e mvô'ô Yakob été.
27Elate te,
nje bia be be bia ye bo,
éyoñe ma ye vaa mam *abé map.
28Mfa'a Mbamba Foé, be ne besiñ amu mia. Ve mfa'a ntoban, be ne minkpwek, amu beésa bap. 29Nalé amu mimvean a nloone Zambe bi se ngule ya bo momo. 30E ne été na, e melu mvus, mi nga bo Zambe melo. Ve éyoñe ji, amu melo map, mi nga koban éngôngol. 31Avale te fe be boya melo éyoñe ji, nde nkoon éngôngol ô nga zu e be mia, wo ye fe zu e be be éyoñe jap. 32Amu Zambe a feteya bôte bese e melo si, asu ya liti bese e mvame jé. 33Aka'a édo'o abui afo'o ya fek a ñyemane Zambe bi né. Mintyi'ane mié mi ne teke afasé, a mezene mé me ne ayaé ya yemelan. 34Ane mintilan mia jô na: Za fo'o a nga yem ôsimesane Nti'
35Nge na za a mbe mbôndé mefe'e wé'
36A fe na, za a nga taté ve nye jôm éziñ nde a ye nyoñe ma'an mvus éte'
37Amu biôme bise bia so be nye, bi too ve amu nye, a bi ne émbié. Duma e bo'o be nye nnôm éto! Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.