Nlb 32
32
Meyoñ me Gad a Ruben ba nyoñe si ya Galad
(Met 13:10,12; Yas 1:12-18; Rm 12:10; Fil 2:4)
1Bone be Ruben a bone be Gad be nga bili abui beta mimbam biyem. Nde be nga yene na afôla si ya Yazer a si ya Galad bi mbe abeñ asu mba'alane biyem. 2Ajô te be nga ke yene Môze, *ntuni Eléazar a bivete ya nsamba, a jô be na: 3Bitisone bi: Atarôt, Dibôn, Yazer, Nimra, Hesboñ, Elalé, Sebam, Nébô a Béon bi ne 4bitisone ya si bone b'Israél be nga nyoñ a mvolane Nti. Afôla si te é ne mvaé asu mba'alane biyem, a bia ke bi bili mimbam biyem. 5Ajô te, a Môze, nge wo kañese ôsimesane viangan, be va'a bia afôla si te ane ngap: be bo'o te kee bia a dañe Yordan. 6Môze a nga yalane be na: Ye bobenyoñ ba ye ke wosan mia ke mi li'i mi too évôvoé été va' 7Amu jé mia kômbô ve bone b'Israél ate'e nleme ya ke e si Nti a ve be' 8B'ésoo be nga bo fe ékobe te melu mvus, éyoñe me nga lôme be be ke looé si ya Kanaan, bi too Kadés-Barnéa. 9Nde be nga ke mbi'ili Ekol, be mane looé afôla si te; e mebulan, be nga viane ve bone b'Israél ate'e minleme ya ke e si Nti a nga taté ve be, te na be kui été. #32:9 Lañe Nlb 13:17-33. 10Môs ôte Nti a nga yaa a jô na: 11Teke môte ya bôt be nga kôlô Ejipte be too mimbu mewôm mebaé nge lôte valé a ye yene si me nga ka'a Abraham, Izak a Yakob, amu be nji ke wô'ô ma ane da yian. 12Kaléb e mone Yefuné ya ndaa Kenaz baa Yasua e mone Nun, mbe ba ye nyiin été amu be nga tabe nlatan a ma. 13Nde Môze a nga kee nkobô ôsu a jô na: Ajô te Nti a nga yaa bone b'Israél a bo be na, be lôte mimbu mewôm menyin e *nkôte si, akekui e miaé bôt ôse ntabane wop ô mbe *abé e mise mé ô nga mane jañ. 14Eyoñe ji a mia, nsamba bebo *abé, mia kômbô tôñe bibô'a mebo b'ésoo a vumelan ayaa Nti Israél été! 15Nge mia mvô'ô Ruben a Gad, mi nji kômbô kabetan a Nti, a ye tindi éto bone b'Israél e *nkôte si é bo aya? A mia mia ye bo akala'a ya njañe wé.
16Nde bôte bese be nga subu Môze bebé a jô nye na: Momo! Bia ye lôñe mevôme mimbame biyeme miangan mi ne tabe, bia ye fe lôñ bitison bi bili alem asu menda me bôte mangan. 17Eyoñe te bia ye bo avôle ya nyoñe biôme mewosan a tebe e bone b'Israél bevo'o ôsu asu ya kee be e si é ne be mvean. Nté ôte ôse, menda me bôte mangan me me ntoo e bitison bi ne nlôñan alem, e vôme bôte ya afôla si di ba ye bo te fe nguleya nnambe be. 18Bia ye zu e vôme wongan v'éyoñe môt ase y'Israél a tabeya e mesi mé. 19Bia ye bo teke nyoñe ngabe si ane be, e Yordane yat nge bi a nyoñe je va, e Yordan éfase jôp da tôô. 20Ane Môze a nga jô be na a ntoo ve boon ane mia jô. Nyoñane biôme mewosane bienan mi ke wosan asu éjôé Nti. 21E bôte bese be bili biôme mewosan be ntoo ve dañe yordan avale ba kômbô; be tabe'e wé akekui Nti a maneya wôlé mesi e mo besiñe bé, 22a si ése é keya éjôé jé si. Mvus éte nje mi ntoo ngule ya bulan e vôme wônan, amu éyoñe te mia ye bo te nyoñe minkomekan e be Nti, a e be bôte bevo'o y'Israél. Eyoñe te afôla si e ne e Yordane yate nné di, da ye bo éndenan, Nti Emien a kañese'e nalé. 23Ve nge mia bo te bo nalé, mia bo Nti *abé, a mia ye tôbane minju'u y'été: yemane ñhe nalé. 24Lôñane bitison asu menda me bôte menan a lôñe fe mebemba asu mintômba a bikela bienan, ve mi bo te vuane bo avale mi maneya jô. 25Ane mvô'ô Ruben a Gad be nga yalane Môze na: Bia ye bo avale ô maneya bendé bia. 26Bia ye li'i bone bangan, binga bangan, mimbame miangan a betite bangan ba bo bisaé e bitisone ya Galad va: 27wôna biabebien bia ye nyoñe biôme mewosan a wulu e nkane bita Nti si aval ô maneya jô. 28Ane Môze a nga ve mebendé ajô dap e be *ntuni Eléazar, Yasua e mone Nun a e be bivete abui ya menda me bôte y'Israél. 29A nga jô be na: Nge mvô'ô Gad a Ruben ba nyoñe biôme mewosane biap a dañe yordan mia be be, a wulu dulu bita éjôé Nti si, nge ba volô mia mi nyoñe si, mia ye ve be si ya Galad. 30Ve nge be nji bo nalé, mia be be mia ye kabane mesi e Kanaan.
31Ane mvô'ô Gad a Ruben be nga yemete éyoñe éfe na: Bia ye bo avale Nti a maneya jô bia! 32Bia ye nyoñe biôme mewosan a nyiin e Kanaan, éjôé Nti si: nalé bia ye nyoñ e ngabe si jañgan, éfase yordan ya nné ji. 33Ane Môze a nga ve mvô'ô Gad a Ruben a éfas ayoñ Manasé, e mone Yôsep, e si Sihoñ, njôô bôte Beamorééñ a Og, njô bôte ya Basañ, ô laté a bitisone ya mesi me mbe bebé valé. 34Mvô'ô Gad be nga lôñe bitisone bi: Dibôn, Atarôt, Aroér, 35Atrôt-Kôfan, Yazer, Yogbaha, 36Bét-Nimra a Bet-Aran; be nga lôñe bie mbôma'an a alem. Be nga lôñe fe mebemba asu mimbame biyeme miap. 37Mvô'ô Ruben kik be nga lôñe: Hesboñ, Elalé, Kiriatayim, 38Nébô, Baal Méoñ a Sibma, be nga Yôlé fe bitison be nga lôñe mimfefé biyôlé.
39Mvô'ô Makir, e mone Manasé, be nga nyoñe afôla si ya Gad a wôlé de. Be nga titane Beamorééñ be nga too été. 40Ane Môze a nga ve Makir mone Manasé Galad, ane a nga tabe été. 41Mvô'ô Yahir, e mone Manasé fe, be nga wôlé minlame Beamorééñ a yôlé mie na minlame mi Yahir. 42Wôna Nôba a nga ke wôlé Kenat a minlam mi mbe nye bebé: a nga yôlé tison e jôé dé émiene na Nôba.
Currently Selected:
Nlb 32: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
