Nlb 15
15
Minye'elan asu mimvean avut a mimbon
(Nlb 28:3-14)
1Ane Nti a nga kobô Môze a jô na: 2Kobô'ô bone b'Israél, a jô be na: Éyoñe mia ye kui e si ma ve mia na mi lôñe bitaba'a bienan, 3a mia ye ve Nti mimvean mia di'ibane nduan, mi too mimvean mia di'ibane ngumba, nge mimvean ba ve asu ya tôé *atiñ, nge mvean ane *nlem wo kômbô, nge na e mebô'ô menan été, asu ya kulu jôm é ne mbamba menyum e be Nti, é so'o e beta mimbam nge bone mimbame biyeme bienan été, 4môt a bo Nti mimveane mié, a ye fe zuu kili avut éla, mfu'an a lita mbone jia a étun, 5a lita woone jia a étun asu mone ntômba ase a veban e mimvean mi ne ngumba, nge mimvean asu nlatane ngbwa. 6Nge étyi'a é ne nnôme ntômba, ba ye zuu fe kili avut ésaman, mfu'an a lita mbon ébaé, 7a lita woon ébaé; ma ye nye'e mbamba ényume ya ôtita y'été. 8Nge nnôme nyak nye ba ve asu mimvean mi ne ngumba, nge mimvean asu nlatane ngbwa, asu ya tôé *atiñ, nge asu ya te ngume jam, 9ba ye zuu fe kili avut ébu, mfu'an a lita mbon éla, 10a lita woon éla: ma ye nye'e mbamba ényume ya ôtita y'été.
11Avale te da yiane boban éyoñ étyi'a é ne nnôme nyak, nnôme ntômba, étoñe ntômba nge étoñ ékela. 12E tañe betit ése mia ye ve, mia ye baman tit ése y'été a mimvean avut mi ne njôan. 13Bone b'Israél bese ba ye tôñe minjôane mite éyoñ ba ye ve ma mimvean mi ôtita ô ne mbamba menyum. 14Beyeñ be too be mia nté éziñ e si jenan, nge ba menda me bôte map me tabeya miaé miaé, mia be be bese mia ye tôñ avale minjôane da nge ba kômbô ve ma mimvean mi ôtita ô ne mbamba menyum. 15Miñye'elan mia ye bo avale da asu bôte bese, asu mia bone b'Israél a asu beyeñ, a miaé mise mia ye bo miñye'elane mite ésaé. Ma Nti, ma belane bone b'Israél avale da fe ane beyeñ: 16metiñ a miñye'elan bi ne avale da asu denan a asu dap.
17Ane Nti a nga jô Môze na: 18A kalane bone b'Israél minjôane mi: éyoñ mia ye nyiin e si ma kee mia 19a di bidi ya vôm ate, mia ye vaa ngab éziñ a ve me je. 20Mia ye yame mon éwôlé ya mimvean a ébañ avut be ndôme mane fuk, mia ye zuu ma je ane ba zuu mveane mefes, éyoñ be ndôme mane tya'a nlisi. 21Ajô te mia ye ve ma éwôlé ôsu mia ye taté yam. Nye'elane wu ô ne fe asu miaé mise mia zu.
22Nge mia kop e mfu'an a bo te ba'ale mebendé mete mese mme Nti a nga ve Môze, 23mam mese Nti a nga bendé mia a Môze, ataté môse Nti a nga ve Môze mebendé, a kui miaé mienan mi nga tôñe mvus; 24nge mbia mboon a nga yené e mfu'an, bôte bese te yeme mboone te; ékôane bôt ése ja ye ve étoñe nnôme nyak asu mve'an ô ne ngumba, ô too mbamba menyum e be Nti, mbunda'an a mvean avut a mbon avale nye'elan y'été ô né; a ye fe ve nnôm ékela asu metuna'a me *njaman abé. 25Ntuni a ye bulu nsem asu ékôane bôt ése ya bone b'Israél, wôna ba ye nyoñe *njaman: amu ékobe te é ne fu'an, a be soya mvean wo di'ibane nduan asu be Nti; be soya fe étyi'a asu be Nti mfa'a *njaman abé amu fu'an ékobe wop. 26Ekôane bôt ése y'Israél ja ye nyoñe *njaman nalé fe *ntabe a too e zañe jap, asu bôte bese, amu ékobe te é ne fu'an.
27Nge môte wua nye a te bo *abé e fu'an, a ye ve ngal ékela a ntoo mbu wua ane metuna'a asu *njaman abé. 28Ntuni a ye bulu nsem asu be Nti ajô môt a nji vañe bo abé; éyoñ a maneya bulu nsem asu dé, a ye nyoñe *njaman. 29Eyoñe môt a nji vañe bo jam, atiñe da da ye bo ésaé mfa'a bialébialé a mfa'a *ntabe a too e zañe jap. 30V'éyoñe bialébialé nge *ntabe a vañe bo jam, a taya Nti; ba ye vaa môt ate e zañe bôte bé. 31A biaséya mejô me Nti a a tyameya atiñe dé: ba ye vaa môt ate a a ye be'e adite ya ékobe jé.
Melebe ma tôñ e môt a tyame sabat
(Dt 6:6-9; Mt 23:5)
32Valé bone b'Israél be ngenan e *nkôte si, nde be nga koone môt a tyaa nja'a e môse *sabat. 33Bôt be nga koone nye a tyaa nja'a be nga zuu nye be Môze, Aron a ékôane bôt ése. 34Nde be nga kôme ba'ale nye amu jam be nga yiane bo nye e nji ke kateban. 35Ane Nti a nga jô Môze na: Môt ate a yiane wôéban; bôte bese ba ye lume nye *mekok e minkan atan. 36Ane bôte bese be nga kee nye e minkan atan a lume nye *mekok, nde a nga wu avale Nti a nga bendé Môze.
37Ane Nti a nga jô Môze na: 38Kobô'ô bone b'Israél na: E miaé ôse été, ba ye bo meze'ele e ñwôndé ya mengômesane map. 39Meze'ele mete me ne asu ya simesane mebendé me Nti a bo me; mia ye bo te tôñe minkômbane ya minleme mienan nge mi me mise menan, mi za dutu mia na mi bo bijabô. 40Avale di mia ye simesane mebendé mam, a mia ye bo me, éyoñe te mia ye bo étyi asu e Zambe wônan. 41Ma me ne Nti, e Zambe wônan, nyô a nga soo mia Ejipte na a bo e Zambe wônan. Me ne Nti, e Zambe wônan.
Currently Selected:
Nlb 15: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nlb 15
15
Minye'elan asu mimvean avut a mimbon
(Nlb 28:3-14)
1Ane Nti a nga kobô Môze a jô na: 2Kobô'ô bone b'Israél, a jô be na: Éyoñe mia ye kui e si ma ve mia na mi lôñe bitaba'a bienan, 3a mia ye ve Nti mimvean mia di'ibane nduan, mi too mimvean mia di'ibane ngumba, nge mimvean ba ve asu ya tôé *atiñ, nge mvean ane *nlem wo kômbô, nge na e mebô'ô menan été, asu ya kulu jôm é ne mbamba menyum e be Nti, é so'o e beta mimbam nge bone mimbame biyeme bienan été, 4môt a bo Nti mimveane mié, a ye fe zuu kili avut éla, mfu'an a lita mbone jia a étun, 5a lita woone jia a étun asu mone ntômba ase a veban e mimvean mi ne ngumba, nge mimvean asu nlatane ngbwa. 6Nge étyi'a é ne nnôme ntômba, ba ye zuu fe kili avut ésaman, mfu'an a lita mbon ébaé, 7a lita woon ébaé; ma ye nye'e mbamba ényume ya ôtita y'été. 8Nge nnôme nyak nye ba ve asu mimvean mi ne ngumba, nge mimvean asu nlatane ngbwa, asu ya tôé *atiñ, nge asu ya te ngume jam, 9ba ye zuu fe kili avut ébu, mfu'an a lita mbon éla, 10a lita woon éla: ma ye nye'e mbamba ényume ya ôtita y'été.
11Avale te da yiane boban éyoñ étyi'a é ne nnôme nyak, nnôme ntômba, étoñe ntômba nge étoñ ékela. 12E tañe betit ése mia ye ve, mia ye baman tit ése y'été a mimvean avut mi ne njôan. 13Bone b'Israél bese ba ye tôñe minjôane mite éyoñ ba ye ve ma mimvean mi ôtita ô ne mbamba menyum. 14Beyeñ be too be mia nté éziñ e si jenan, nge ba menda me bôte map me tabeya miaé miaé, mia be be bese mia ye tôñ avale minjôane da nge ba kômbô ve ma mimvean mi ôtita ô ne mbamba menyum. 15Miñye'elan mia ye bo avale da asu bôte bese, asu mia bone b'Israél a asu beyeñ, a miaé mise mia ye bo miñye'elane mite ésaé. Ma Nti, ma belane bone b'Israél avale da fe ane beyeñ: 16metiñ a miñye'elan bi ne avale da asu denan a asu dap.
17Ane Nti a nga jô Môze na: 18A kalane bone b'Israél minjôane mi: éyoñ mia ye nyiin e si ma kee mia 19a di bidi ya vôm ate, mia ye vaa ngab éziñ a ve me je. 20Mia ye yame mon éwôlé ya mimvean a ébañ avut be ndôme mane fuk, mia ye zuu ma je ane ba zuu mveane mefes, éyoñ be ndôme mane tya'a nlisi. 21Ajô te mia ye ve ma éwôlé ôsu mia ye taté yam. Nye'elane wu ô ne fe asu miaé mise mia zu.
22Nge mia kop e mfu'an a bo te ba'ale mebendé mete mese mme Nti a nga ve Môze, 23mam mese Nti a nga bendé mia a Môze, ataté môse Nti a nga ve Môze mebendé, a kui miaé mienan mi nga tôñe mvus; 24nge mbia mboon a nga yené e mfu'an, bôte bese te yeme mboone te; ékôane bôt ése ja ye ve étoñe nnôme nyak asu mve'an ô ne ngumba, ô too mbamba menyum e be Nti, mbunda'an a mvean avut a mbon avale nye'elan y'été ô né; a ye fe ve nnôm ékela asu metuna'a me *njaman abé. 25Ntuni a ye bulu nsem asu ékôane bôt ése ya bone b'Israél, wôna ba ye nyoñe *njaman: amu ékobe te é ne fu'an, a be soya mvean wo di'ibane nduan asu be Nti; be soya fe étyi'a asu be Nti mfa'a *njaman abé amu fu'an ékobe wop. 26Ekôane bôt ése y'Israél ja ye nyoñe *njaman nalé fe *ntabe a too e zañe jap, asu bôte bese, amu ékobe te é ne fu'an.
27Nge môte wua nye a te bo *abé e fu'an, a ye ve ngal ékela a ntoo mbu wua ane metuna'a asu *njaman abé. 28Ntuni a ye bulu nsem asu be Nti ajô môt a nji vañe bo abé; éyoñ a maneya bulu nsem asu dé, a ye nyoñe *njaman. 29Eyoñe môt a nji vañe bo jam, atiñe da da ye bo ésaé mfa'a bialébialé a mfa'a *ntabe a too e zañe jap. 30V'éyoñe bialébialé nge *ntabe a vañe bo jam, a taya Nti; ba ye vaa môt ate e zañe bôte bé. 31A biaséya mejô me Nti a a tyameya atiñe dé: ba ye vaa môt ate a a ye be'e adite ya ékobe jé.
Melebe ma tôñ e môt a tyame sabat
(Dt 6:6-9; Mt 23:5)
32Valé bone b'Israél be ngenan e *nkôte si, nde be nga koone môt a tyaa nja'a e môse *sabat. 33Bôt be nga koone nye a tyaa nja'a be nga zuu nye be Môze, Aron a ékôane bôt ése. 34Nde be nga kôme ba'ale nye amu jam be nga yiane bo nye e nji ke kateban. 35Ane Nti a nga jô Môze na: Môt ate a yiane wôéban; bôte bese ba ye lume nye *mekok e minkan atan. 36Ane bôte bese be nga kee nye e minkan atan a lume nye *mekok, nde a nga wu avale Nti a nga bendé Môze.
37Ane Nti a nga jô Môze na: 38Kobô'ô bone b'Israél na: E miaé ôse été, ba ye bo meze'ele e ñwôndé ya mengômesane map. 39Meze'ele mete me ne asu ya simesane mebendé me Nti a bo me; mia ye bo te tôñe minkômbane ya minleme mienan nge mi me mise menan, mi za dutu mia na mi bo bijabô. 40Avale di mia ye simesane mebendé mam, a mia ye bo me, éyoñe te mia ye bo étyi asu e Zambe wônan. 41Ma me ne Nti, e Zambe wônan, nyô a nga soo mia Ejipte na a bo e Zambe wônan. Me ne Nti, e Zambe wônan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.