Nlb 14
14
Bôt ba bene nyiin e Kanaan
(Nlb 13:27-33; Dt 1:25-40; Nk 32:9-14; Nlb 32:7-13; Sam 106:24-26)
1Ane bôte bese be nga bete metyiñ a yôn; be nga yône ngum alu ôte ôse. 2Bone b'Israél bese be nga kobô Môze a Aron *abé menyiñ a jô be na: Amu jé bi nji ke wu e si y'Ejipte, nge wu e *nkôte si! 3Amu jé Nti a kañese na bi nyiine si éte a wu a nkpwaté mekôn? E binga bangan, a bone bangan ba ye bo biôme ya nsa. Ye e nji bo mvaé mfa'a wongane na, bi bulan Ejipte' 4Nde môt ase a nga jô nyô mbo'o na: Ntela'an évet, bi bulan Ejipte.
5Ane Môze a Aron be nga ku mesu me butu si ôsu ékôane bôt ése ya bone b'Israél. 6Wôna Yasua e mone Nun a Kaleb e mone Yefuné, bôte ya nsamba ô nga ke looé si, be nga nyabe mengômesane map 7a kobô ékôane bôt ése na: E si bi nga wulu a looé, é ne angôndô ya étua mbamba si. 8Nge Nti a yene bia mvaé, wôna a ye bo na bi nyiine si éte a a ye ve bia je; si e vôme menyañ a wôé bia len. 9Ve da, te kôlan e ngame Nti, nalé fe te koone bôte ya si éte woñ; amu be ne bia aval'ane bidi, jôme ya kame be é nji fe bo a Nti a ntoo e ngame jangan, te koone be woñ.
10Ve ngume nsamba ôse ô nga jô na be lume be *mekok. Atemeteme na étôto'o Nti é nga faé e mise me bone b'Israél, e *nda éndelé bendôba'an été.
Môze a sili *njaman asu ayoñ ése
11Ane Nti a nga jô Môze na: Ye bôte ba ba ye fo'o jô'é mbenan ba bene ma? Ye ba ye ke ôsu a bo te tabe ma ndi akôsa bo mendem mese me litiya ézezañe jap' 12Ma ye bibi a jiane be a ébubua ôkon, a éyoñe te ma ye bo na ayoñ da dañe ngu a abui a lôte Israél e bialé be wo. 13Eyoñe te Môze a nga yalane Nti na: Bôte y'Ejipte be nga yeme na, ô nga vaa bôte ba e be be a ngu. 14Be nga kañete de bôte ya Kanaan, be kik be yemeya na, wo Nti wo wulu bôte ya ayoñe dôé, a na wo yené e be be, ntebe zañe momo; ba yeme na, wo wo kamane be, amu wo wulu ôsu viap e nsume *nkut a amôs, e nsume nduan a alu. 15Nge wo mane jiane bôte bôé éyoñe jia, meyoñe bikule mese me nga wô'ôtan e mam mese ô nga bo ma ye jô na: 16Nti a nji ke bo nguleya wulu e bôte ba a kui be e si a nga ka'a be; amu ajô te nde a maneya wôé be e *nkôte si. 17Ajô te ma ye'elane wo, a Nti, na ô kulu e ngule jôé. Bo'ok avale ô nga tu'a kate bia na: 18Me ne Nti, nyô a yeme jibi a *mvam abui, ma yeme jibi *abé mevale meva, ma yeme fe jibi melo mevale meva. Ve me nji nyoñe môt a bili mekua ane nyô a nji bi étom; *abé ya môt a bo melebe y'été ma tôñ e mvoñe bôte jé a kui e miaé lale, nge miaé nyini. #14:18 Lañe Nk. 20:5-6; 34:6-7; Dt. 5:9-10; 7:9-10. 19Ajô te a Nti, amu ô ne avale mbamba fulu te, tame beta jamé *abé ya bôte bôé, avale ô zuya wo jamé be, ataté éyoñ be nga kôlô Ejipte. 20Nde Nti a nga yalane nye na, me jaméya avale wo te sili. 21Ve ane e ne bebela na me vee, a na, étôto'o jam ja yiane *si nyô ése, 22e bôte bese be nga yen étôto'o jam a mendem me nga bo Ejipte a e *nkôte si, a mbe be bôbeleya ma biyoñ awôm, a be nji ke vô'ôlô tyiñe jam, #14:22 Lañe: Nk. 20:5:19-21; 6-9;14:11-12; 15:24; 16:2-3,20-28; 32:1-6; Nlb. 11:1-3,4-10. 23bese ba ye bo teke yene si me nga kane b'ésaa ngana na ma ye ve be: ba bese be nga soñe ma ba ye bo teke yene je. 24A amu mbo ésaé wom Kaleb a nga bili avale *nsisim afe, a amu a nga tu'a tôñ e zene jam, ma ye bo na a nyiin e si a nga ke, a e mvoñe bôte jé ja ye nyoñe si éte. 25Bôte ya Amalék a e ba ya Kanaan be too e mbi'ili; a akiti ma ye bulane mvus a tôñe zene ya *nkôte si e mfa'a ya évele mañ.
Nti a yaa bôte ya ayoñe dé
26Ane Nti a nga beta jô Môze ba Aron na: 27Me wô'ôya ane bone b'Israél ba kobô ma *abé menyiñ. Nté avé ba ye ke ôsu a bo nalé' 28Kele jôane be na: Ma, Nti a vee, ma kobô ne ngeññ na, ma ye bo mia aval'ane mejô me nga wô'ô mi kobô'ô me né: 29mia ye mane wu e *nkôte si wu. E mia bese mi nga lañeban, mi too mimbu mewôm mebaé a a lôte valé, mia ye wu amu mia kobô ma *abé menyiñ. 30Ma kane de ngana na, mia ye bo te nyiin e si me nga tiñeti mia na, mia ye tabe. Kaléb e mone Yefuné a Yasua e mone Nun étam mbe ba ye nyiin été. 31Ve mfa'a ya bone benan, ba mi nga jô be na ba ye bo jôme ya nsa e be besiñe benan, ma ye nyiñeli be e si mi nga biasé, a ba ye yeme je. 32Ve mia, mia ye wu e *nkôte si wu, 33ve bone benan ba ye ba'ale mimbame miap tañe mimbu mewôm menyin. Ba ye be'e e mam ma tôñ ékotekote jenan, akekui mia ye mane wu bese e *nkôte si. 34Mi nga looé si melu mewôm menyin, ve mia ye tôbane minju'u ya *abé denan tañe mimbu mewôm-menyin. Môs ôse wo ye ve'ane ngume mbu. Eyoñe te mia ye yem jôm é ne na, me ne mia e ngame yat. 35E jame ma Nti ma kate mia, nde le. A ma kate mia bebela na, ma ye bo mia avale me jôya, mia, ayoñe bôt e ne adite ya be'e a mi maneya tebe ma e ngame yat: ajô te mia ye mane wu e *nkôte si môte wua teke li'i.
36Ajô te ba bese Môze a nga lôme na be looé si, mbe bete a mebulan, be nga kobô nkobô ya biasé si éte a tindi fe bôte na be kobô Môze *abé, 37be nga mane wu; Nti a nga bibi be a ébubua, amu nkobô *abé be nga kobô si éte. 38Yasua a Kaléb étam mbe be nga li'i ézezañe ya bôte bete.
Bôte ba beta bo ébiasé
39Eyoñe te Môze a nga zu kate bone b'Israél mejô mese Nti a nga kobô. Nde be nga dañe yaa. 40Ajô te, e ndibe tyé, be nga ke e si minkô be jô'ô na: Bi ne mekua! V'éyoñe ji bi ne nkômesane ya ke e vôme Nti a nga jôô nye. 41Môze a nga sili be na: Jé mia bo ji? Mia bo abendé Nti melo. Mi se nguleya yene mvaé! 42Nti a nji bo mia ngam; ajô te te keane na besiñe benan be bôme mia. 43Bôte ya Amalék a ba ya Kanaan be ne wé, ôsu vienan; mia ye mane wôéban e mewosane zañ. Amu mi maneya kandane Nti, nde Nye fe aa ye ke bo e ngame jenan. 44Ve ayo'o dab été, bone b'Israél be nga jeñe na be ke e si minkô. Ve Môze a nga li'i e minkan, nalé fe éwolo é n'étyi, ndeme ya élate Nti. 45Bôte ya Amalék a ba ya Kanaan be nga sis be so'o minkô e vôm be nga too, nde be nga bôme bone b'Israél a titane be a kui Orma.
Currently Selected:
Nlb 14: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nlb 14
14
Bôt ba bene nyiin e Kanaan
(Nlb 13:27-33; Dt 1:25-40; Nk 32:9-14; Nlb 32:7-13; Sam 106:24-26)
1Ane bôte bese be nga bete metyiñ a yôn; be nga yône ngum alu ôte ôse. 2Bone b'Israél bese be nga kobô Môze a Aron *abé menyiñ a jô be na: Amu jé bi nji ke wu e si y'Ejipte, nge wu e *nkôte si! 3Amu jé Nti a kañese na bi nyiine si éte a wu a nkpwaté mekôn? E binga bangan, a bone bangan ba ye bo biôme ya nsa. Ye e nji bo mvaé mfa'a wongane na, bi bulan Ejipte' 4Nde môt ase a nga jô nyô mbo'o na: Ntela'an évet, bi bulan Ejipte.
5Ane Môze a Aron be nga ku mesu me butu si ôsu ékôane bôt ése ya bone b'Israél. 6Wôna Yasua e mone Nun a Kaleb e mone Yefuné, bôte ya nsamba ô nga ke looé si, be nga nyabe mengômesane map 7a kobô ékôane bôt ése na: E si bi nga wulu a looé, é ne angôndô ya étua mbamba si. 8Nge Nti a yene bia mvaé, wôna a ye bo na bi nyiine si éte a a ye ve bia je; si e vôme menyañ a wôé bia len. 9Ve da, te kôlan e ngame Nti, nalé fe te koone bôte ya si éte woñ; amu be ne bia aval'ane bidi, jôme ya kame be é nji fe bo a Nti a ntoo e ngame jangan, te koone be woñ.
10Ve ngume nsamba ôse ô nga jô na be lume be *mekok. Atemeteme na étôto'o Nti é nga faé e mise me bone b'Israél, e *nda éndelé bendôba'an été.
Môze a sili *njaman asu ayoñ ése
11Ane Nti a nga jô Môze na: Ye bôte ba ba ye fo'o jô'é mbenan ba bene ma? Ye ba ye ke ôsu a bo te tabe ma ndi akôsa bo mendem mese me litiya ézezañe jap' 12Ma ye bibi a jiane be a ébubua ôkon, a éyoñe te ma ye bo na ayoñ da dañe ngu a abui a lôte Israél e bialé be wo. 13Eyoñe te Môze a nga yalane Nti na: Bôte y'Ejipte be nga yeme na, ô nga vaa bôte ba e be be a ngu. 14Be nga kañete de bôte ya Kanaan, be kik be yemeya na, wo Nti wo wulu bôte ya ayoñe dôé, a na wo yené e be be, ntebe zañe momo; ba yeme na, wo wo kamane be, amu wo wulu ôsu viap e nsume *nkut a amôs, e nsume nduan a alu. 15Nge wo mane jiane bôte bôé éyoñe jia, meyoñe bikule mese me nga wô'ôtan e mam mese ô nga bo ma ye jô na: 16Nti a nji ke bo nguleya wulu e bôte ba a kui be e si a nga ka'a be; amu ajô te nde a maneya wôé be e *nkôte si. 17Ajô te ma ye'elane wo, a Nti, na ô kulu e ngule jôé. Bo'ok avale ô nga tu'a kate bia na: 18Me ne Nti, nyô a yeme jibi a *mvam abui, ma yeme jibi *abé mevale meva, ma yeme fe jibi melo mevale meva. Ve me nji nyoñe môt a bili mekua ane nyô a nji bi étom; *abé ya môt a bo melebe y'été ma tôñ e mvoñe bôte jé a kui e miaé lale, nge miaé nyini. #14:18 Lañe Nk. 20:5-6; 34:6-7; Dt. 5:9-10; 7:9-10. 19Ajô te a Nti, amu ô ne avale mbamba fulu te, tame beta jamé *abé ya bôte bôé, avale ô zuya wo jamé be, ataté éyoñ be nga kôlô Ejipte. 20Nde Nti a nga yalane nye na, me jaméya avale wo te sili. 21Ve ane e ne bebela na me vee, a na, étôto'o jam ja yiane *si nyô ése, 22e bôte bese be nga yen étôto'o jam a mendem me nga bo Ejipte a e *nkôte si, a mbe be bôbeleya ma biyoñ awôm, a be nji ke vô'ôlô tyiñe jam, #14:22 Lañe: Nk. 20:5:19-21; 6-9;14:11-12; 15:24; 16:2-3,20-28; 32:1-6; Nlb. 11:1-3,4-10. 23bese ba ye bo teke yene si me nga kane b'ésaa ngana na ma ye ve be: ba bese be nga soñe ma ba ye bo teke yene je. 24A amu mbo ésaé wom Kaleb a nga bili avale *nsisim afe, a amu a nga tu'a tôñ e zene jam, ma ye bo na a nyiin e si a nga ke, a e mvoñe bôte jé ja ye nyoñe si éte. 25Bôte ya Amalék a e ba ya Kanaan be too e mbi'ili; a akiti ma ye bulane mvus a tôñe zene ya *nkôte si e mfa'a ya évele mañ.
Nti a yaa bôte ya ayoñe dé
26Ane Nti a nga beta jô Môze ba Aron na: 27Me wô'ôya ane bone b'Israél ba kobô ma *abé menyiñ. Nté avé ba ye ke ôsu a bo nalé' 28Kele jôane be na: Ma, Nti a vee, ma kobô ne ngeññ na, ma ye bo mia aval'ane mejô me nga wô'ô mi kobô'ô me né: 29mia ye mane wu e *nkôte si wu. E mia bese mi nga lañeban, mi too mimbu mewôm mebaé a a lôte valé, mia ye wu amu mia kobô ma *abé menyiñ. 30Ma kane de ngana na, mia ye bo te nyiin e si me nga tiñeti mia na, mia ye tabe. Kaléb e mone Yefuné a Yasua e mone Nun étam mbe ba ye nyiin été. 31Ve mfa'a ya bone benan, ba mi nga jô be na ba ye bo jôme ya nsa e be besiñe benan, ma ye nyiñeli be e si mi nga biasé, a ba ye yeme je. 32Ve mia, mia ye wu e *nkôte si wu, 33ve bone benan ba ye ba'ale mimbame miap tañe mimbu mewôm menyin. Ba ye be'e e mam ma tôñ ékotekote jenan, akekui mia ye mane wu bese e *nkôte si. 34Mi nga looé si melu mewôm menyin, ve mia ye tôbane minju'u ya *abé denan tañe mimbu mewôm-menyin. Môs ôse wo ye ve'ane ngume mbu. Eyoñe te mia ye yem jôm é ne na, me ne mia e ngame yat. 35E jame ma Nti ma kate mia, nde le. A ma kate mia bebela na, ma ye bo mia avale me jôya, mia, ayoñe bôt e ne adite ya be'e a mi maneya tebe ma e ngame yat: ajô te mia ye mane wu e *nkôte si môte wua teke li'i.
36Ajô te ba bese Môze a nga lôme na be looé si, mbe bete a mebulan, be nga kobô nkobô ya biasé si éte a tindi fe bôte na be kobô Môze *abé, 37be nga mane wu; Nti a nga bibi be a ébubua, amu nkobô *abé be nga kobô si éte. 38Yasua a Kaléb étam mbe be nga li'i ézezañe ya bôte bete.
Bôte ba beta bo ébiasé
39Eyoñe te Môze a nga zu kate bone b'Israél mejô mese Nti a nga kobô. Nde be nga dañe yaa. 40Ajô te, e ndibe tyé, be nga ke e si minkô be jô'ô na: Bi ne mekua! V'éyoñe ji bi ne nkômesane ya ke e vôme Nti a nga jôô nye. 41Môze a nga sili be na: Jé mia bo ji? Mia bo abendé Nti melo. Mi se nguleya yene mvaé! 42Nti a nji bo mia ngam; ajô te te keane na besiñe benan be bôme mia. 43Bôte ya Amalék a ba ya Kanaan be ne wé, ôsu vienan; mia ye mane wôéban e mewosane zañ. Amu mi maneya kandane Nti, nde Nye fe aa ye ke bo e ngame jenan. 44Ve ayo'o dab été, bone b'Israél be nga jeñe na be ke e si minkô. Ve Môze a nga li'i e minkan, nalé fe éwolo é n'étyi, ndeme ya élate Nti. 45Bôte ya Amalék a ba ya Kanaan be nga sis be so'o minkô e vôm be nga too, nde be nga bôme bone b'Israél a titane be a kui Orma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.