Mt 28
28
Yésus a wômô soñ
(Mk 16:1-7; Lk 24:1-8; Yo 20:1-2; Sam 16:8-10; Mm 2:24-32; Rm 1:3; 4; 4:25; 1Ko 15:1-28; Nli 1:17, 18)
1Mvuse *sabat, ndibe tyé, *môs ôsu ya sondô, Marie ya Magdala a nga ke fombô soñ baa Marie mbok. 2Ateme na beta mfô'ôsane si a nga boban, e ne na: Engele Nti a nga sis a so'o yôp; éyoñ a subuya bebé soñ, a nga bi'iti ako'o fefe a tabe de yôp. 3A nga yené ane feleves, a ngômesane jé é mbe éfumulu ane sut. 4Ane beba'ale be nga tyibelan amu woñ be nga ko nye a be nga bo ane mimbim. 5Nde éngel a nga nyoñe nkobô a jô binga na: Te koone woñ, ma yeme fo'o na mia jeñe Yésus nyô be nga tyelé *krôa yôp. 6A nji bo va, a wômôya fo'o ane a nga jô, Zakan a yenane vôm a nga bôô. 7Kelan avô a katane beyé'é bé na a wômôya miñwuan a mi lôô a keya mia ôsu e Galilé; mia ye yene nye wé. Mi lôô me kateya mia foé. 8Be nga ke avô a li'i soñ, njalan a woñ, mbunda'an a abui mevak, be mate'e asu ya kate beyé'é bé foé. 9Ateme na Yésus a nga tôbane be a jô be na: Mbôlane wé. Be nga subu nye bebé, ve bi nye mebo a kute meboñe si asu dé. 10Ane Yésus a nga jô be na: Te koone woñ; kela katane bobenyañe bam na be ke Galilé, nne ba ye yene ma wé.
Foé bemombô soñ
(Mt 27:62-66; 28:1-6)
11Be ngenan be kelek, ateme na, bôte b'éziñ ya beba'ale soñ be nga nyiin e tison a kate betuni benen e mam mese me nga kui. 12Ba be bemvendé be nga sulan ésok, éyoñe be maneya bi abime moné da yian, be nga ve nye bezimbi 13be jô'ô na: Jô'ane na beyé'é béé be nga zu wube nye alu bi too ôyo. 14Nge ngovina a wô'ô jame te, bia ye bo nye na a yebe njôane te a mia mia ye bo te tyelé minleme yôp. 15Eyoñe bezimbi be nyoñeya moné, be nga bo ane be nga ye'ele be. Njôane wu ô nga mialan e be beyude a kui e môse wu.
Beta abendé
(Mk 16:12-20; Lk 24:13-53; Yo 20:19-29; 21:1-24; Mm 1:1-12; 1Ko 15:6, 7)
16Beyé'é awôm a wua be nga ke e Galilé, e nkôle Yésus a nga bendé be, 17éyoñ be yeneya nye, be nga kute meboñe si ve be sô'ane fe. 18Eyoñ a subuya be bebé, Yésus a nga kobô a jô be na: Ngul ése é maneya vebane be ma e yôb été a e *si nyô. 19Kelane ñhe a bo'one *meyoñ mese beyé'é mi duu be e jôé Esaa a Mon a Mbamba Nsisim, 20mi ye'ele be ane ba yiane ba'ale mam mese me nga bendé mia; mi lôô me ne a mia môse mise akekui amané ya *si nyô.
Currently Selected:
Mt 28: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.