Mt 15
15
Metiñ me Zambe a mefulu ya nlam
(Mk 7:1-13)
1Ane Befarizieñ a *beyeme bekalate ya Yérusalém be nga zu be Yésus a jô nye na: 2Amu jé beyé'é bôé ba tyame biyem bi bôbetô? Amu na be ne te sôbe mo éyoñe ba di. 3A nga yalane be na: Mia ki, amu jé mia tyame abendé Zambe a jôé ya biyeme bienan' 4Ke Zambe a nga jô na: Semé'é ésoo baa nyua, a na: Nyô a yo'é ésaa nge nyia, a yiane wôéban.
5Ve mia mia jô na: Nyô a jô ésaa nge nyia na: Mvolan ô nga yiane nyoñe be ma ô ntoo mvean ô ne étyi, 6môt ate aa bili ke na a semé ésaa wé. A nalé ate mia tyame nkobô Zambe a jôé mefulu menan. 7A bôte bebadu'u! Ezayi a nga tu'a kulu ajô denan éyoñ a nga jô na:
8Bôte bana ba semé ma biyaé
ve minleme miap mi ne ma ôyap.
9Ba kañe ma e zezé
amu miñye'elane miap mi ne fo'o
ve mi mi bôt.
10Nde a loone jama bôt a jô nye na: Vô'ôla'an a wô'an! 11Saa ke jôm ja nyiin anyu nje ja ve môte mvin; ve ji ja so anyu, nje ja ve môte mvin. 12Beyé'é be nga subu nye bebé a jô nye na: Ye wo yeme fo'o na Befarizieñ ba te koleban ôbak éyoñ ba te wô'ô éfia te' 13Nye be na: Atô'ô mvoñ ese ésaa wom a ne yôp a nji bé da ye tébane si. 14Jôka'ane be be ne mindindim mia ya'ale mindindim mivok. Ve nge ndindim wo wulu wu ôvok, mibaane mia ye ku ébé! 15Ane Pierre a nga yalan a jô nye na: Timi'ine bia *nkana. 16Nye na: Ye éyoñe jia éfe jina mi ne te yeme wôk' 17Ye mi ne te yeme yene na jôme ja nyiin anyu ja lôt abum a mevôme y'abum été a su'ulane kui atan' 18Ve biôm bia kui anyu bia so e *nlem a biôme bite mbie bia ve môte mvin' 19Mam ma so môte *nlem me ne na: Mbia minsôñan, mewôé me bôt, *mejian, mbia dulu, wup, bibôta, nkobô ébiasé. 20Mam mete mme ma ve môte mvin. Ndian te taté sôbe mo ô nji ve môte mvin.
Mbunane minga a mbe ngone Bekananééñ
(Mk 7:24-30)
21Akôlô ya valé, Yésus a nga ke mefôla ya Tir a Sidoñ. 22Ateme na minga Bekananééñ ya mefôla mete a nga zu a yôn a jô'ô na: A Nti, e mone David, koo ma éngôngo! Ngo jam ja kone mbia *nsisim. 23Yésus a nji yalane nye to'o v'ajô da. Nde beyé'é béé ba zu nye bebé a jô nye na: Tita'ane nye amu a yône bia mvus. 24Yésus na: Me nga lômban v'asu mintômba ya *nda Israél mi ne njañan. 25Minga ve zu ku bubutu ôsu vié nye na: A Nti, volô'ô ma! 26Yésus na: E Nji bo mvaé ya nyoñe belete *bon a wua je bone bemvu. 27Minga nye na: Yaa a Nti, e ne fe bebela na: Bone bemvu ba di afufus da ku e tawôlô si masa wop. 28Yésus a nga yalan a jô nye na: A minga, mbunane wôé ô ne anen! E bo'o wo ane wo kômbô. Nde ngo jé é nga bo *mvo'é awolo te ebien.
Minkôkon ya ékôte mañ
(Mk 7:31)
29Eyoñ a kôlôya vôm ate, Yésus a nga zu nsa'a mañ ya Galilé, e bete nkô, a tabe si valé. 30Bizu'u minsamba mi bôt bi nga zu nye bebé bi bili mimbôbôk, mindindim, miñyeyem, mindôndok a befe abui; nde be nga ku nye mebo a a nga saé be; 31jama bôt a nga kam éyoñ a nga yen ane mimvumvuk mia kobô, mimbôbôk mia bo *mvo'é, miñyeyem mia wulu a mindindim mia yen; ane be nga ve e Zambe Israél duma.
Yésus a ve bôte bidi
(Mk 8:1-10; Mt 14:13-24)
32Yésus a nga loone beyé'é bé a jô na: Ma wô'ô jama bôte nyô éngôngo, amu be ntoo fefele den môse milaa te jôme ya di, a me nji kômbô suu be teke abel anyu, be za kuu some *zen. 33Beyé'é be nga jô nye na: Nne belet é ne yian abime ézu'u bôte di fé été va ja ye so bia vé' 34Yésus a nga jô be na: Mi bili belet jañembé? Be na: Zamgbwa a tyôtyoé kos. 35Nde a bendé jama bôte na a tabe si; 36ve nyoñe belet zamgbwa a kos; éyoñ a maneya ye'elan, a nga be'e je a kalane je beyé'é, be ki be nga ve je minsamba mi bôt. 37Bese be nga di a jaé. Afufus e nga buk, be nga vaa de minkoé zangwale njalan. 38Ba be nga di be mbe, befam toyini ényin, te lañe binga nge bongô. 39Eyoñ a maneya suu minsamba mi bôt, a nga dañ éfunga été a ke mfa'a bifuse bi si ya Magadan.
Currently Selected:
Mt 15: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.