Mt 11
11
1Eyoñe Yésus a maneya ve beyé'é béé awôm a bebaé miñye'elane mite, a nga téé valé na a ke a ye'ele a kate Mbamba Foé e bitisone biap.
2Nde a kooé Yôanes e *nda mimbô'ô été, éyoñ a wô'ôya be kobô'ô ajô mame Krist a bo, ane a nga lôme beyé'é béé be sili nye na: 3Ye wo ô ne nyô a yiane zu, ye bia yiane yange mfe' 4Yésus a nga yalane be na: Kela katane Yôanes mam mia wôk a yen: 5mindindim mia yen, e bôte ba feñke ba wulu *mvo'é, *minzezam mia tuneban a mindôndok mia wôk, mimbim mia wômô a Mbamba Foé a kateban e be bingôngole bi bôt; 6mvom a nyô a ye bo te ku amu ma.
7Be bula'an, nde Yésus a taté na a kobô jama bôt ajô Yôanes: Jé mi nga yene *nkôte si? Ye nden évuñulu ja fô'ô' 8Nde ñhe jé mi nga ke yen? Ye môt a be'e nyanga mimbot? Ve ba be be'e nyanga mimbot be ne e menda bejô bôt. 9Nde ñhe jé mi nga ke yen? Ye *nkulu mejô? Yaa, ma jô mia na, a dañe *nkulu mejô. 10Nye a ne nyô ajô dé e ne ntilane na: Ô lôô, ma lôme nkatefoé wom ôsu viôé; a ye kôme zene jôé ôsu viôé. 11Ma jô mia bebela na e zañe ya ba bese be nga bialé be minga, teke wua y'été a nga tebe a too éwôlô ane Yôanes Babtist; ve da, nyô a dañe tyôtyoé éjôé ya yôp a ne éwôlô a dañe nye. 12Ataté melu Yôanes Babtist a kui den, éjôé ya yôp ja nyoñeban a ngu; bôte be ne ngu mbe ba wôlé je. 13E ne fo'o na bekulu mejô bese, nalé fe metiñ, be nga kulu mejô a kui melu Yôanes. 14Nge mia tu'a kômbô wôk, nye a ne Elie a yiane beta so.
15E môt a bili melo, a wô'ôk! 16Ma ye funane miaé wuna za? Be ne ve'ane wô a bongô be too bito, mbe ba loone ba bevok:
17Bi maneya loñe mia mfañ, ve mi nji jem!
Bi maneya yia jia awu, mi teke yôn!
18Amu e ne fo'o na Yôanes a soya nye te di, te nyu, be na: A dimiliya fek. 19Mona môt a soya, a di a nyu, be na: Yenane seba a nso'o bilam, mvôé benyoñe *toya a bebo *abé! Ve fek é kabeya amu mimboone mié.
Yésus a yône bitisone ya Galilé
(Mt 10:15; Lk 10:12-15)
20Nde a nga taté na a ve bitison bijô e vôme beta ngabe ya bitua bi mam bié a nga boban, amu bi nji ke kôñelane minlem. 21Engôngol a wo a Korazin! Engôngol a wo a Bétsayida! amu nge bitua bi mam bi nga bobane be mia bi nga ye boban e Tir a Sidoñ, ve be nga ye kôñelan a ayap e nkuta a asup été. 22Yaa, ma jô mia de na e môse ntyi'ane mejô, mia ye dañe tôban ayaa a dañe Tir a Sidoñ.
23A wo, a Kapernawum,
ye wo ye beteban a kui yôp'
Wo ye sis a kui vôme miñwuan mi too!
Amu nge bitua bi mam bi nga bobane be wo bi nga ye boban e Sodom, ve a ngenan a kui den. 24Ajô te, ma kate mia de, e môse ntyi'ane mejô, wo (Kapernawum) ye dañe tôban ayaa a dañe Sodom.
Esaa ba mon
25Eyoñe te Yésus a nga nyoñe nkobô a jô na: Ma ve wo duma, a Tate, Nti ya yôp a si amu ô nga solé mimfefek a mintyetyeñ mam mete a amu ô nga kulane me bone be bongô. 26Yaa a Tat, e mvame jôé été, nne ô nga ta'a me nalé. 27Esaa wom a nga ve ma mam mese. Te ke môt a yeme mon, vengevenge ve Esaa, a teke môt a yeme Esaa, vengevenge ve mon, a nyô mon a kômbô nye liti.
Nyôñane mbe'e mon
28Za'ane be ma, mia bese mia wô'ô njuk amu adite mbe'e a ma ma ye ve mia awo'on. 29Beka'an éboñeté jam a yéka'ane be ma, amu me ne évôvoé a nleme nje'ebane si a mia ye yen awo'one ya minsisime mienan. 30Yaa, ébôñeté jam é ne tyi'ibi ya be'e a mbe'e wom éveves.
Currently Selected:
Mt 11: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.