Lv. 8
8
Ntelane betuni
(Nk 29:1-19; 30:23-30; Hé 5:1-4)
1Ane Nti a nga kobô Môze na: 2Nyoñ Aron ba be bone bé, mengômesan, mbone ya ntelan, nnôme nyak asu *njaman, beyôm mintômba bebaé a mone nkoé belet é ne te mvusan, 3éyoñe te wo sulane bôte bese anyiine *nda éndelé bendôba'ane. 4Nde Môze a nga bo aval'ane Nti a nga bendé nye; bôt be nga sulan anyiine *nda éndelé bendôba'an.
5Ane Môze a nga jô bôte na: Avale di nde Nti a nga bendé na e boban: 6nde Môze a loon Aron ba be bone bé, ane a nga wo'o be mendim. 7Wôna a nga jalé Aron éwoman, kandé, ézingi a éfôd; a nga yemete éfôd a kandé y'été a nga tiñeti nye angeteñ. 8A nga jalé nye ébuta'a tôé a futi Urim a Tumim ébuta'a tôé éte été. 9A jalé nye ôzomezome ntôm e nlô, a e ntôme te yôp, mfa'a ya mvom asu, a nga bem ékate or é too ndem y'étyi, avale ane Nti a nga bendé Môze.
10Ane Môze a nga nyoñe mbone ntelan, a wo'o wô *tabernakel a biôm bise bi mbe été: nalé a nga telé bie étyi. 11Eyoñe te a nga miame mbon ôte biyoñe zamgbwal ata'a metuna'a yôp; a nga wo'o ata'a metuna'a a biôme mebelane bié bise, nalé fe éto'o y'été a beta akôn na a telé bie étyi. 12A nga sôé mbon ôte e nlô Aron mfa'a ya telé nye étyi. 13Eyoñe te Môze a nga loone bone b'Aron be subu nye bebé a jalé be biwoman, meses, a diñe be mintôm bindelé e minlô aval'ane Nti a nga bendé Môze.
14A nga nyoñe nnôme nya'a ya *njaman. Aron ba be bone bé be nga beté mo mabe nlô nyak. 15Môze a nga tyi'i je *tyiñ, a nyoñe metyi, ve wo'o me minla'a ya ata'a metuna'a mbôma'ane a ônyu vié; nde a nga fubu ata'a metuna'a; a nga sôé fe metyi mete e tin ata'a metuna'a si a telé de étyi na a bo mame ya *njaman. 16A nga nyoñ avoñ ese e yale *miñya, ndalebôbô é yale ések a mimbañ mi ôtam mibaé a avoñe dap, nde a nga di'i bie ata'a metuna'a yôp. 17Ve a nga di'i nnôme nya'a émien, ékôbe jé, minsône mié a mebi mé e minkan atan, avale Nti a nga bendé Môze.
18A nga nyoñe nnôme ntômba asu étyi'a ja di'ibane ngumba. Aron a bone bé be nga beté mo map e nlô nnôme ntômba yôp. 19Môze a nga tyi'i nye *tyiñ a sôé metyi mbôma'an a ata'a metuna'a. 20Môze a nga ba nnôme ntômba mefus. A nga di'i nlô, mefus a avoñ. 21A nga sôbe *miñya a mimbiaé e mendim, éyoñe te a nga di'i nnôme ntômba ase ata'a metuna'a yôp. Etyi'a éte é mbe ji é ne ngumba, étyi'a ja di'ibane nduan é too mbamba menyum e be Nti, avale ane Nti a nga bendé Môze.
22A nga nyoñe nnôme ntômba baa, nnôme ntômba a wôéban ane étyi'a éyoñ ba telé betuni e bito biap. Aron a bone bé be nga beté mo mab e nlô nnôme ntômba ate. 23Môze a nga tyi'i nye *tyiñ, a nyoñe metyi a kañe me alo Arone ya mbo nnôm, nalé fe e nnôm ônyu ya akule wo ya mbo nnôm a e nnôm ônyu ya akule abo dé ya mbo nnôm. 24Nde a nga loone bone b'Aron a kañe metyi alo dabe ya mbo nnôm a e nnôm ônyu ya akule wo dabe ya mbo nnôm, nalé fe e nnôm ônyu ya akul abo dabe ya mbo nnôm; wôna a nga sôé metyi mbôma'ane, ata'a metuna'a. 25A nga nyoñe njem, avoñ ese e yale biôm bi ne abum, ndalebôbô é yale ések, mimbañ mi ôtam mibaé, avoñe dab a énam *abé ya mbo nnôm.
26A nyoñe fe beta éwôlé a ne te mvusane wua, a éwôlé é bili mbon jia a mon éwôlé e mone nkoé belet é ne te mvusan a tele asu Nti. Ane a nga beté bie e mevoñ a éname ya mbo nnôme yôp. 27Nde a nga kalane biôme bite bise e mo m'Aron a e mo me bone bé, akekui a nga bo jam da boban asu Nti mfa'a ya kalane mimveane ya mefub e be nye. 28Wôna Môze a nga beta nyoñe biôme bite e mo mab a di'i bie ata'a metuna'a, bi bete étyi'a ja di'ibane ngumba yôp; étyi'a te é mbe ji ya ntelane môt éto, é too fe ji ja di'ibane nduan, mbamba menyum e be Nti.
29Môze a nga nyoñ ôngône nnôme ntômba ya ntelane môt éto, a bo wô ndeñkolô asu Nti mfa'a ya kalane nye wô: ô mbe ngabe Môze avale Nti a nga bendé nye.
30Môze a nga nyoñe mbon ba wo'o a metyi me mbe ata'a metuna'a; a nga miame bie Arone nyô a miame bie e mengômesan a nga be'e; a nga bo fe nalé e be bone bé a e mengômesane map: nde a nga telé Aron étyi a mengômesane mé, a bone bé a mengômesane me bone bé.
31Môze a nga jô Aron a bone bé na: Yamane minsôn anyiine ya *nda éndelé bendôba'an, nne mia ye di mie valé a belet é ne e mone nkoé ya ntelane môt éto été, avale me nga bendé na: Aron ba be *bon ba ye di mie. 32Mia ye di'i *mebuka'a mese ya minsôn a belet. 33Tañe melu zamgbwal, mia ye bo te kui atane ya *nda éndelé bendôba'an, akekui melu ba telé mia bito me maneya kpwaan, amu ba yiane telé mia nté melu zamgbwal. 34Jam e bobaneya den é ne jame ya njamane wônan. 35Nde mia ye tabe melu zamgbwal anyiine *nda éndelé bendôba'an alu ba *môs, a mia ye semé abendé Nti, nalé mia ye bo te wu: amu nalé ate nye abendé e nga vebane be ma. 36Ajô te Aron ba be bone bé be nga bo mejô mese Nti a nga bendé a anyu Môze.
Currently Selected:
Lv. 8: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Lv. 8
8
Ntelane betuni
(Nk 29:1-19; 30:23-30; Hé 5:1-4)
1Ane Nti a nga kobô Môze na: 2Nyoñ Aron ba be bone bé, mengômesan, mbone ya ntelan, nnôme nyak asu *njaman, beyôm mintômba bebaé a mone nkoé belet é ne te mvusan, 3éyoñe te wo sulane bôte bese anyiine *nda éndelé bendôba'ane. 4Nde Môze a nga bo aval'ane Nti a nga bendé nye; bôt be nga sulan anyiine *nda éndelé bendôba'an.
5Ane Môze a nga jô bôte na: Avale di nde Nti a nga bendé na e boban: 6nde Môze a loon Aron ba be bone bé, ane a nga wo'o be mendim. 7Wôna a nga jalé Aron éwoman, kandé, ézingi a éfôd; a nga yemete éfôd a kandé y'été a nga tiñeti nye angeteñ. 8A nga jalé nye ébuta'a tôé a futi Urim a Tumim ébuta'a tôé éte été. 9A jalé nye ôzomezome ntôm e nlô, a e ntôme te yôp, mfa'a ya mvom asu, a nga bem ékate or é too ndem y'étyi, avale ane Nti a nga bendé Môze.
10Ane Môze a nga nyoñe mbone ntelan, a wo'o wô *tabernakel a biôm bise bi mbe été: nalé a nga telé bie étyi. 11Eyoñe te a nga miame mbon ôte biyoñe zamgbwal ata'a metuna'a yôp; a nga wo'o ata'a metuna'a a biôme mebelane bié bise, nalé fe éto'o y'été a beta akôn na a telé bie étyi. 12A nga sôé mbon ôte e nlô Aron mfa'a ya telé nye étyi. 13Eyoñe te Môze a nga loone bone b'Aron be subu nye bebé a jalé be biwoman, meses, a diñe be mintôm bindelé e minlô aval'ane Nti a nga bendé Môze.
14A nga nyoñe nnôme nya'a ya *njaman. Aron ba be bone bé be nga beté mo mabe nlô nyak. 15Môze a nga tyi'i je *tyiñ, a nyoñe metyi, ve wo'o me minla'a ya ata'a metuna'a mbôma'ane a ônyu vié; nde a nga fubu ata'a metuna'a; a nga sôé fe metyi mete e tin ata'a metuna'a si a telé de étyi na a bo mame ya *njaman. 16A nga nyoñ avoñ ese e yale *miñya, ndalebôbô é yale ések a mimbañ mi ôtam mibaé a avoñe dap, nde a nga di'i bie ata'a metuna'a yôp. 17Ve a nga di'i nnôme nya'a émien, ékôbe jé, minsône mié a mebi mé e minkan atan, avale Nti a nga bendé Môze.
18A nga nyoñe nnôme ntômba asu étyi'a ja di'ibane ngumba. Aron a bone bé be nga beté mo map e nlô nnôme ntômba yôp. 19Môze a nga tyi'i nye *tyiñ a sôé metyi mbôma'an a ata'a metuna'a. 20Môze a nga ba nnôme ntômba mefus. A nga di'i nlô, mefus a avoñ. 21A nga sôbe *miñya a mimbiaé e mendim, éyoñe te a nga di'i nnôme ntômba ase ata'a metuna'a yôp. Etyi'a éte é mbe ji é ne ngumba, étyi'a ja di'ibane nduan é too mbamba menyum e be Nti, avale ane Nti a nga bendé Môze.
22A nga nyoñe nnôme ntômba baa, nnôme ntômba a wôéban ane étyi'a éyoñ ba telé betuni e bito biap. Aron a bone bé be nga beté mo mab e nlô nnôme ntômba ate. 23Môze a nga tyi'i nye *tyiñ, a nyoñe metyi a kañe me alo Arone ya mbo nnôm, nalé fe e nnôm ônyu ya akule wo ya mbo nnôm a e nnôm ônyu ya akule abo dé ya mbo nnôm. 24Nde a nga loone bone b'Aron a kañe metyi alo dabe ya mbo nnôm a e nnôm ônyu ya akule wo dabe ya mbo nnôm, nalé fe e nnôm ônyu ya akul abo dabe ya mbo nnôm; wôna a nga sôé metyi mbôma'ane, ata'a metuna'a. 25A nga nyoñe njem, avoñ ese e yale biôm bi ne abum, ndalebôbô é yale ések, mimbañ mi ôtam mibaé, avoñe dab a énam *abé ya mbo nnôm.
26A nyoñe fe beta éwôlé a ne te mvusane wua, a éwôlé é bili mbon jia a mon éwôlé e mone nkoé belet é ne te mvusan a tele asu Nti. Ane a nga beté bie e mevoñ a éname ya mbo nnôme yôp. 27Nde a nga kalane biôme bite bise e mo m'Aron a e mo me bone bé, akekui a nga bo jam da boban asu Nti mfa'a ya kalane mimveane ya mefub e be nye. 28Wôna Môze a nga beta nyoñe biôme bite e mo mab a di'i bie ata'a metuna'a, bi bete étyi'a ja di'ibane ngumba yôp; étyi'a te é mbe ji ya ntelane môt éto, é too fe ji ja di'ibane nduan, mbamba menyum e be Nti.
29Môze a nga nyoñ ôngône nnôme ntômba ya ntelane môt éto, a bo wô ndeñkolô asu Nti mfa'a ya kalane nye wô: ô mbe ngabe Môze avale Nti a nga bendé nye.
30Môze a nga nyoñe mbon ba wo'o a metyi me mbe ata'a metuna'a; a nga miame bie Arone nyô a miame bie e mengômesan a nga be'e; a nga bo fe nalé e be bone bé a e mengômesane map: nde a nga telé Aron étyi a mengômesane mé, a bone bé a mengômesane me bone bé.
31Môze a nga jô Aron a bone bé na: Yamane minsôn anyiine ya *nda éndelé bendôba'an, nne mia ye di mie valé a belet é ne e mone nkoé ya ntelane môt éto été, avale me nga bendé na: Aron ba be *bon ba ye di mie. 32Mia ye di'i *mebuka'a mese ya minsôn a belet. 33Tañe melu zamgbwal, mia ye bo te kui atane ya *nda éndelé bendôba'an, akekui melu ba telé mia bito me maneya kpwaan, amu ba yiane telé mia nté melu zamgbwal. 34Jam e bobaneya den é ne jame ya njamane wônan. 35Nde mia ye tabe melu zamgbwal anyiine *nda éndelé bendôba'an alu ba *môs, a mia ye semé abendé Nti, nalé mia ye bo te wu: amu nalé ate nye abendé e nga vebane be ma. 36Ajô te Aron ba be bone bé be nga bo mejô mese Nti a nga bendé a anyu Môze.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.