Lv. 7
7
Ñye'elan ajô metuna'a ma vaa mekua
(Lv 5:14-26)
1Atiñe da fombô metuna'a ma vaa mekua nde di: E ne jam e n'étua étyi. 2E vôm ba tyi'i étyi'a ja di'ibane ngumba, nye fe ba ye tyi'i éyem é ne asu metuna'a ma vaa mekua. 3Ba ye ve avoñ ese, njem, avoñ e yale *miñya, 4mimbañ mi ôtam mibaé a avoñ e yale mie yôp, a di e yale mevel a ndalebôbô é yale ések, nje ba ye kandé bebé a mimbañ mi ôtam. 5Ntuni a ye di'i biôme bite ata'a metuna'a yôp bi bo metuna'a ma di'ibane a vaa mekua. 6Fam ése ya betuni ja ye di je; ba ye di étyi'a te e vôm a n'étyi; é ne jôm é n'étua étyi. 7Aval e né mfa'a metuna'a ma vaa mekua, nde fe e né mfa'a metuna'a ya *njaman abé; *atiñ e ne avale da metuna'a mete mebaé; étyi'a ja ye bo ji *ntuni a ye bo mame ya *njaman abé. 8Eyoñ *ntuni a ve étyi'a môt éziñ ja vebane ngumba, ékobe ya étyi'a te ja ye bo asu *ntuni.
9Mvean ôse ya mefub ô ne ñyamane e mbum été, ñyamane yañeyañ nge fulafan, wo ye bo wu *ntuni a nga ve wô. 10Mveane ya mefub'ôse ô ne mfu'an a mbon nge na ô ne nkôt, wo ye bo wu bone b'Aron teke vengevenge.
Miñye'elan ajô metuna'a ya nlatane ngbwa
(Lv 3; 19:5-8)
11Atiñe da fombô metuna'a ya nlatane ngbwa ba ye ve nde di: 12Nge môt éziñ a ve étyi'a amu mvean akéva, a ye ve étyi'a ya mvean akéva a biwôlé bi nji bi mvusu, mfu'an a mbon, bone biwôlé mmiamane mbon, a mbamba avut be nga bo nye biwôlé mfu'an a mbon. 13A ye ve mveane wé a bi belet é ne mvusan, ô laté a étyi'a jé ya mvean akéva a ji ya nlatane ngbwa. 14Ba ye kandé ngab éziñ ya mvean ôse a liti wô asu Nti, ja ye bo asu *ntuni a nga sôé metyi m'étyi'a ya nlatane ngbwa. 15Minsône mi étyi'a ya mvean akéva a nlatane ngbwa, mia ye diban e môse mveane wé ô nga veban, jôm ja ye bo te li'i a kui mametyé.
16Nge mveane môt éziñ ô ne wu ya ntôane ngaka'a, nge wu ya ane *nlem wo kômbô, étyi'a te ja ye diban e môse ba ve je, a *mebuka'a y'été ma ye dibane mametyé. 17Nge jôm ja buk a kui môse lale, ba ye di'i je e nduan. #7:17 Te *mfuban asu mebelan ya *nda Zambe. 18Nge môt a ve'ele di minsône metuna'a ya nlatane ngbwa e môse lale, metuna'a mete ma ye bo teke nyoñeban: mveane wé ô jaéya ntuk amu jôme te é ntoo ji é ne teke *mfuban a môt a ye di je a ye be'e mekua ya *abé dé. 19Nsône tit ô nambeya jôm é ne teke *mfuban wo ye bo te diban, wo ye di'iban e nduan. Môt a ne *mfuban nye a ye di tite ya étyi'a. 20Ve môt a ye di tite metuna'a ya nlatane ngbwa é ne asu Nti a too te *mfuban ba ye vaa nye Israél été. #7:20 A ye bo te fe lañebane tañ ayoñ été, ve a ye bo te wu. 21A nyô a ye nambe jôm é ne te *mfuban: mvine ya nyôle môt, tit é ne te *mfuban, nge mvin éziñ fe é n'angôndô, a a dii tite metuna'a ya nlatane ngbwa é n'asu Nti, ba ye vaa môt ate ayoñ été.
Miñye'elan asu ngum ayoñ ôse
(Lv 3:16-17; 17:10-14)
22Ane Nti a nga kobô Môze na: 23Kobô'ô bone b'Israéle na: Mia ye bo te di avoñe nyak, di ntômba nge di ékela; 24Avoñe ya tit ébien ja te wu, nge di ya tite biôme y'afan bia te bi; avoñe te é ne volô zene fe éziñ. Ve mia mia ye bo te di de. 25Amu bebela a ne na nyô ase a ye di avoñe ya betit ba ve Nti ane étyi'a ja di'ibane nduan, ba ye vaa nye e bôte bé été. 26Mia ye bo te di metyi m'anon, nge ma me tite ya mbam biyem, e vôm ase mia ye tabe. 27Môt ase a ye di metyi m'éziñ, ba ye vaa nye ézezañe ya bôte bé.
28Ane Nti a nga kobô Môze na: 29Kobô'ô bone b'Israél na: Môt a ye ve Nti metuna'a mé ya nlatane ngbwa, a ye zuu mveane wé ôte a nyoñe wô ô so'o étyi'a ya mimvean metuna'a mé ya nlatane ngbwa. 30Emien a ye soo jôm é n'asu Nti: avoñ a ôngôn; ôngôn wo yiane veban a ngum avale mboone jam ya ve wô e be Nti. #7:30 Ntuni a ye bo ôngône te ndeñkolô asu Nti. 31Ntuni a ye di'i avoñ ata'a metuna'a yôp, a ôngôn wo ye bo asu Aron ba be bone bé. 32E metuna'a menan ya nlatane ngbwa, mia ye ve *ntuni énam *abé ya mbo nnôm. 33Nyô ya bone b'Aron a ye ve metyi a avoñe metuna'a ya nlatane ngbwa, a ye nyoñ énam *abé ya mbo nnôm. 34Amu ma nyoñ ôngône ba ve, a éname ba vaa e metuna'a ya nlatane ngbwa bone b'Israél ba ve, a ma ve bie Aron ba be bone bé, jame te e bo mvinda ya melu mese mfa'a bone b'Israél. 35Ngab'éte é ne nyô ya *ñwo'one mbon wo ve Aron ba be bone bé étyi'a ja di'ibane nduan asu Nti, ataté *môs ba ye telé be be bo ésaé é n'étyi asu Nti. 36Jôme Nti a bendé bone b'Israél na be ve be e môse ba wo'o be mbon nje le. Mvinda éte é ne nyô ya melu mese e miaé miab'été. 37Atiñe ya étyi'a ja di'ibane ngumba, mveane ya mefup, metuna'a ya *njaman abé, metuna'a ma vaa mekua, ntelane bôte bito a metuna'a ya nlatane ngbwa nde le. 38Nti a nga tiñeti de Môze e nkôle Sinayi, e *môs a nga bendé bone b'Israél na be zu liti Nti mimveane miab e *nkôte si ya Sinayi.
Currently Selected:
Lv. 7: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Lv. 7
7
Ñye'elan ajô metuna'a ma vaa mekua
(Lv 5:14-26)
1Atiñe da fombô metuna'a ma vaa mekua nde di: E ne jam e n'étua étyi. 2E vôm ba tyi'i étyi'a ja di'ibane ngumba, nye fe ba ye tyi'i éyem é ne asu metuna'a ma vaa mekua. 3Ba ye ve avoñ ese, njem, avoñ e yale *miñya, 4mimbañ mi ôtam mibaé a avoñ e yale mie yôp, a di e yale mevel a ndalebôbô é yale ések, nje ba ye kandé bebé a mimbañ mi ôtam. 5Ntuni a ye di'i biôme bite ata'a metuna'a yôp bi bo metuna'a ma di'ibane a vaa mekua. 6Fam ése ya betuni ja ye di je; ba ye di étyi'a te e vôm a n'étyi; é ne jôm é n'étua étyi. 7Aval e né mfa'a metuna'a ma vaa mekua, nde fe e né mfa'a metuna'a ya *njaman abé; *atiñ e ne avale da metuna'a mete mebaé; étyi'a ja ye bo ji *ntuni a ye bo mame ya *njaman abé. 8Eyoñ *ntuni a ve étyi'a môt éziñ ja vebane ngumba, ékobe ya étyi'a te ja ye bo asu *ntuni.
9Mvean ôse ya mefub ô ne ñyamane e mbum été, ñyamane yañeyañ nge fulafan, wo ye bo wu *ntuni a nga ve wô. 10Mveane ya mefub'ôse ô ne mfu'an a mbon nge na ô ne nkôt, wo ye bo wu bone b'Aron teke vengevenge.
Miñye'elan ajô metuna'a ya nlatane ngbwa
(Lv 3; 19:5-8)
11Atiñe da fombô metuna'a ya nlatane ngbwa ba ye ve nde di: 12Nge môt éziñ a ve étyi'a amu mvean akéva, a ye ve étyi'a ya mvean akéva a biwôlé bi nji bi mvusu, mfu'an a mbon, bone biwôlé mmiamane mbon, a mbamba avut be nga bo nye biwôlé mfu'an a mbon. 13A ye ve mveane wé a bi belet é ne mvusan, ô laté a étyi'a jé ya mvean akéva a ji ya nlatane ngbwa. 14Ba ye kandé ngab éziñ ya mvean ôse a liti wô asu Nti, ja ye bo asu *ntuni a nga sôé metyi m'étyi'a ya nlatane ngbwa. 15Minsône mi étyi'a ya mvean akéva a nlatane ngbwa, mia ye diban e môse mveane wé ô nga veban, jôm ja ye bo te li'i a kui mametyé.
16Nge mveane môt éziñ ô ne wu ya ntôane ngaka'a, nge wu ya ane *nlem wo kômbô, étyi'a te ja ye diban e môse ba ve je, a *mebuka'a y'été ma ye dibane mametyé. 17Nge jôm ja buk a kui môse lale, ba ye di'i je e nduan. #7:17 Te *mfuban asu mebelan ya *nda Zambe. 18Nge môt a ve'ele di minsône metuna'a ya nlatane ngbwa e môse lale, metuna'a mete ma ye bo teke nyoñeban: mveane wé ô jaéya ntuk amu jôme te é ntoo ji é ne teke *mfuban a môt a ye di je a ye be'e mekua ya *abé dé. 19Nsône tit ô nambeya jôm é ne teke *mfuban wo ye bo te diban, wo ye di'iban e nduan. Môt a ne *mfuban nye a ye di tite ya étyi'a. 20Ve môt a ye di tite metuna'a ya nlatane ngbwa é ne asu Nti a too te *mfuban ba ye vaa nye Israél été. #7:20 A ye bo te fe lañebane tañ ayoñ été, ve a ye bo te wu. 21A nyô a ye nambe jôm é ne te *mfuban: mvine ya nyôle môt, tit é ne te *mfuban, nge mvin éziñ fe é n'angôndô, a a dii tite metuna'a ya nlatane ngbwa é n'asu Nti, ba ye vaa môt ate ayoñ été.
Miñye'elan asu ngum ayoñ ôse
(Lv 3:16-17; 17:10-14)
22Ane Nti a nga kobô Môze na: 23Kobô'ô bone b'Israéle na: Mia ye bo te di avoñe nyak, di ntômba nge di ékela; 24Avoñe ya tit ébien ja te wu, nge di ya tite biôme y'afan bia te bi; avoñe te é ne volô zene fe éziñ. Ve mia mia ye bo te di de. 25Amu bebela a ne na nyô ase a ye di avoñe ya betit ba ve Nti ane étyi'a ja di'ibane nduan, ba ye vaa nye e bôte bé été. 26Mia ye bo te di metyi m'anon, nge ma me tite ya mbam biyem, e vôm ase mia ye tabe. 27Môt ase a ye di metyi m'éziñ, ba ye vaa nye ézezañe ya bôte bé.
28Ane Nti a nga kobô Môze na: 29Kobô'ô bone b'Israél na: Môt a ye ve Nti metuna'a mé ya nlatane ngbwa, a ye zuu mveane wé ôte a nyoñe wô ô so'o étyi'a ya mimvean metuna'a mé ya nlatane ngbwa. 30Emien a ye soo jôm é n'asu Nti: avoñ a ôngôn; ôngôn wo yiane veban a ngum avale mboone jam ya ve wô e be Nti. #7:30 Ntuni a ye bo ôngône te ndeñkolô asu Nti. 31Ntuni a ye di'i avoñ ata'a metuna'a yôp, a ôngôn wo ye bo asu Aron ba be bone bé. 32E metuna'a menan ya nlatane ngbwa, mia ye ve *ntuni énam *abé ya mbo nnôm. 33Nyô ya bone b'Aron a ye ve metyi a avoñe metuna'a ya nlatane ngbwa, a ye nyoñ énam *abé ya mbo nnôm. 34Amu ma nyoñ ôngône ba ve, a éname ba vaa e metuna'a ya nlatane ngbwa bone b'Israél ba ve, a ma ve bie Aron ba be bone bé, jame te e bo mvinda ya melu mese mfa'a bone b'Israél. 35Ngab'éte é ne nyô ya *ñwo'one mbon wo ve Aron ba be bone bé étyi'a ja di'ibane nduan asu Nti, ataté *môs ba ye telé be be bo ésaé é n'étyi asu Nti. 36Jôme Nti a bendé bone b'Israél na be ve be e môse ba wo'o be mbon nje le. Mvinda éte é ne nyô ya melu mese e miaé miab'été. 37Atiñe ya étyi'a ja di'ibane ngumba, mveane ya mefup, metuna'a ya *njaman abé, metuna'a ma vaa mekua, ntelane bôte bito a metuna'a ya nlatane ngbwa nde le. 38Nti a nga tiñeti de Môze e nkôle Sinayi, e *môs a nga bendé bone b'Israél na be zu liti Nti mimveane miab e *nkôte si ya Sinayi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.