Lv. 24
24
Nkôman ébe'e belambe a minnoñ mi belet
(Nk 27:20-21; Nlb 8:1-4; Za 4:2-14; Nk 25:23-30)
1Ane Nti a nga kobô Môze a jô na: 2Bendé'é bone b'Israél na be zuu wo mbon ôlive a ne ntya'an ô too *mfuban abui asu ébe'e belambe, nalé belambe ba ye yôñ éyoñ ése. 3Aron a ye telé ébe'e belambe e *nda éndelé bendôba'an, asu éndelé ja solé éwolo y'élat; belambe ba ye yôñ ataté mamengô'é a kui mametyé ôsu viam. Atiñe ya éyoñ ése nde le asu miaé mienan mise. 4Aron a ye telé belambe ôsu viam, ébe'e belambe é ne nkôman a nya or yôp, nalé ba ye yôñ melu mese.
Belet mimvean
5Ane Nti a nga jô Môze na: Nyoñe nte'an avut a yame belet é ne njiñelete awôm a ébaé, jia ése y'été é too kili ésaman. 6Wo ye bôé je minnoñ mibaé ôsu viam, e tawôlô nya or yôp, nnoñ ôse belet ésaman. 7E nnoñe belet ôse yôp, wo ye bôé bifuse meyemete m'élé ma nyume mvaé a di'i bie éjiane belet bi bo jôme ya simesan ba di'i nduan ôsu Nti. 8E môse *sabat ôse, ba ye bôé mevale me belet mete ôsu viam, a bone b'Israél be ne ntindan ya bo nalé éyoñ ése. 9Belet éte ja ye bo nyô Aron a bone bé ba ye di e vôm a ne étyi, amu ja ye bo be e mvean ô n'étua étyi ézezañe mimveane mia di'ibane nduan ôsu Nti. Ngab éte é n'énjab éyoñ ése.
Fonos amu mbiasane Zambe a mintéane mié
(1 Bjb 21:9-13; Nlb 15:32-36)
10Môs éziñ ntañete ô nga boban e minkan e zañe môte y'Israél a mona môte y'Ejipte a nga biaé baa ngon y'Israél jôé na Kelômit, ngone Dibri ya ayoñe Dan, a nye a nga zu tabe Israél. 11E mone ngone y'Israél nyô a nga kobô jôé Zambe ébiasé a yo'é de. Nde be nga zuu nye be Môze. 12Be nga kee nye e vôm ba tu'a ba'ale nye, be yange'e a kui éyoñ Nti Emien a toteya meleb ma yiane nye.
13Ane Nti a nga kobô Môze na: 14Kuli'i nkobô ébiasé ate atan, ba bese be nga wôk ane a kobô ba ye beté mo map e nlô wé, a bôte bevo'o bese ba ye lume nye *mekok. #24:14 Amu bôte ba be nga wôk a yene môt ate nde be nji fe bo *mfuban. Mbetane mo e nlô môt ate ô ne mfa'a ya vaa e mvine jab nyôle be môt ate. 15Wo ye kobô bone b'Israél na: Môt ase a ye ta Zambe wé, a ye be'e mekua y'abé dé. 16Môt a ye kobô jôé Nti ébiasé a ye wôéban: bôte bese ba ye lume nye mekok; to'o a ne *ntabe nge bialébialé, a ye fo'o wu amu a nga kobô jôé Zambe ébiasé. 17Môt a wôé môte mbok nye fe a ye wôéban. 18Môt a wôé éyeme môte mbok a ye ve éfe é vee. 19Nyô a balé e môte mbo? aveñ, ba ye fe balé nye aval aveñe te. 20Mbu'an wo tañe mbu'an, dis da tañe dis, asôñ da tañ asôñ; ba ye bulane nye aval *abé a nga bo môte mbok.
21Môt a wôé éyem a ye bulan éfe, ve nyô a wôé môt a ye fe wôéban. 22Ntabe a bialébialé ba ye wulu a nkobe metiñe wua amu ma me ne Nti e Zambe wônan. 23Nde Môze a nga kobô bone b'Israél; ane be nga kuli nkobô ébiasé ate e minkan atan a lume nye *mekok. Nalé bone b'Israél be nga bo ane Nti a nga bendé Môze.
Currently Selected:
Lv. 24: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
