Lv. 22
22
Bôt be nji yiane di mimvean mi n'étyi
(Lv 7:19-21; 1 Ko 11:28-30; Nlb 18:8-19)
1Ane Nti a nga kobô Môze a jô nye na: 2Kobô'ô Aron a bone bé na be bo te nambe mimvean mi n'étyi ya jôé dam: ma me ne Nti.
3Jô'ô be na: É miaé mia zu, nge môt éziñe ya *nda bôte betuni a ye subu bebé a mimvean mi n'étyi bone b'Israél ba ve Nti a too te *mfuban, ba ye vaa nye te beta bo ésaé jam Ma me ne Nti. #22:3 A tebe asu môt: nalé a tinane na a saane môt ate. Môte nyô a ye kôlô ôsu Nti a ne na: Ba ye vaa nye ngul ya beta bo ésaé Ntuni. 4Môt ase ya mvoñ Aron a kone *zam nge menyôlôk, a ye bo te di mimvean mi n'étyi akekui a ntoo *mfuban. Avale te fe e né mfa'a nyô a nambe môt a ne mbilane mvin amu nnambane mbim, a nyô meyôm me nga kui atan. #22:4 Adañe dañ a alu éyoñe fam é n'ôyo. 5Môt a ye nambe jôm ja nyi'itan a ntoo mvin, nge nambe môt a be'e nsem wo selan, aval ese nsem ôte ô né 6môt ate a ye tabe te *mfuban a kui mamengô'é; a ye bo te di mimvean mi n'étyi, ve a ye wobane mendim. 7Eyoñe jôb e dimiya, a ye bo *mfuban, a éyoñe te a ye di mimvean mi n'étyi, amu bidi bié le. 8A ye bo te di tit ja te wu ntui, nge mbilize amu é za ve nye mvin: ma me ne Nti.
9Betuni ba yiane bo e jam ma bendé be, to'o ajô mam bidi. Nge ba ndaman étyi ya bidi, ba ye wu. Ma me ne Nti. A ma ma telé be étyi ésaé jam été.
10Môt ase a nji bo *ntuni a se nguleya di mvean ô n'étyi. E môt a ne nneñ be *ntuni, a nyô a saé asu ma'an be nye ba ye bo te di mvean ô n'étyi. 11Ve mbo ésaé *ntuni a nga kus a moné a ne ngul ya di, nalé fe nyô a nga bialé e *nda jé été; bebaane ba ye di bidi bié. 12E ngone *ntuni é nga lu'u môt a nji bo *ntuni, a ye bo te di ngab be nga kandé e mimvean mi n'étyi été. 13Ve ngone *ntuni é ne nli'ane nkus nge na be nga suu te mon, é bulane b'ésaa aval ane melu a nga too mongô, é ne ngul ya di bidi bi ésaa. Ve nyô a nji bo *ntuni a se ngul ya di.
14Nge môt a di mvean ô n'étyi e fu'an, a ye ya'ane *ntuni e tañe mvean wo yiane kui a bete fe ngabe tane ya tañ éte. 15Betuni ba ye bo te ndaman étyi ya mimvean mi n'étyi e mie bone b'Israél be nga kandé asu Nti.
16Nge ba di mie éyoñ be nji bo nkômesan, be betéya bone b'Israél étom bitul a nje ja sili nkôman. Ma me ne Nti, a ma ma telé betuni étyi ésaé jam été.
Ntobane *bityi'a asu metuna'a
(Dt 17:1; Ml 1:8, 13-14; 2 S 24:24)
17Ane Nti a nga kobô Môze a jô na: 18Kobô'ô Aron, bone bé a bone b'Israél bese a jô be na: Môt ase ya *nda Israél, nge mintabe y'Israél a ye ve Nti mimvean mia di'ibane ngumba, mi too jôm émien a nga tiñeti, nge jôm a ve ane nleme wé ôbien wo kômbô, 19a ye nyoñe nnôm a ne teke ayeñ e benyak, e bitoñ mintômba a bitoñe bikela été, éyoñe te ma ye bo nye mvaé.
20Mia ye bo te ve étyi'a é bili éyem éziñ amu ma ye bo te kañese je asu denan.
21Nge môt a ve Nti éyeme ya beta mbam nge mone mbam ane mveane ya nlatane ngbwa, amu a tôé jam a nga tiñeti nge na a bo ane nleme wé ôbien wo kômbô, ja yiane bo *mvo'é ne selem, éyoñe te ja ye nyoñebane *mvo'é. 22Mia ye bo te ve éyeme é too ndim, mbu'ane vôm éziñ, ébu'a ntyi'an, é be'e étut, é kone zamengôla nge bikôba'a, mia ye bo te ve je ane mvean wo di'ibane nduan asu Nti ata'a metuna'a yôp. 23Nge tit éziñ: nyak, ntômba nge ékela é bili éyem éziñ, nge na bibu'a bié biziñ bi nji yaé ane da yian, be ne ve je ane mvean *nlem ôbien wo kômbô, ve saa ane mveane ya tôé ntiñetan. 24Mi nji yiane ve Nti tit mimbañ mi abin mi ne nko'on, ntya'an, ntéan nge ntyi'an, a mia ye bo te tube betite *miak avale te e si jenan. 25A te kusane avale betite te e mo bikuu a ve ma be, ma, e Zambe wônan, ane *bityi'a. Mvaan be nga vaa be bibu'a ya nyôl wo futi be e ngabe betit be mbili ayeñ, ajô te me se fe nguleya kañese éyoñ mia ve ma be. #22:25 Bôte ya Kanaan.
26Ane Nti a nga kobô Môze a jô nye na: 27Éyoñe mone nyak, ntômba nge ékela a ndôme bialé, a yiane nyiñe fefele nyia tañe ngume sondô. Ataté môse muame, ma kañese na be ve ma nye ane mvean wo di'ibane nduan. 28Ve mi nji yiane wôé ngale nyak, ngale ntômba nge ngale ékela baa mon môse wua. 29Eyoñe mia ve Nti étyi'a ya mvean akéva, mia ye ve je avale da yiane na é nyoñebane *mvo'é.
30Ja ye diban e *môs ôbien ja te veban; mia ye di je jôm te kui mametyé: ma me ne Nti.
31Mia ye ba'ale mebendé mam a bo me: ma me ne Nti.
32Mia ye bo te ndaman étyi ya jôé dam é n'étyi, nalé ma ye bo étyi e bone b'Israél été: ma me ne Nti a nga tobe mia mi bo ayoñ e n'étyi. 33A me nga vaa mia si y'Ejipte na me bo e Zambe wônan: ma me ne Nti.
Currently Selected:
Lv. 22: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
