Oz 2
2
Beta môse Yizrél
(Ez 37:15-27; Eza 22; Nli 2:4)
1Ve tañe bone b'Israél ja ye bo ane nsele'e ya mañ ñwô be se nguleya vek nge lañe tañ; a ye bo na vôme be nga jô be na: mi nji fe bo bôte bam, ba ye jô be na: mi ne bone be vevea Zambe.
2Eyoñe te Yuda a Israél ba ye beta bo jôme jia, ba ye telé bebien évete jia a vambane si éte, amu môse Yizrél wo ye bo beta *môs.
3Lo'one bobenyoñe benane na: bôte bam, a bekale benane na: ba ma dañe nye'e!
Israél minga bijabô
4Bo'one nyua wônane mejô, bo'one nye mejô, amu a nji fe bo minga wom, a ma me nji fe bo nye nnôm; a tame vaa mendem m'ébamba me ne ny'asu, a ma *mejian me ne nye mebé.
5Nalé momo wôna ma ye telé nye soé ne ngeññ ane *môs a nga so nyia abum. Ma ye bo nye éfunan ane *nkôte si, éfunan ane si é n'ayet a bo nye na a wô'ô évé.
6Ma ye bo te ko bone bé éngôngo
7amu be ne bone *mejian.
Yaa! E nyia wop a boya *mejian.
Nyô a nga nyoñ abume dap,
a jaléya émien a ôson,
éyoñ a mbe a jô'ô na:
ma ye tôñe bibone biam,
ba ba ve ma bidi a mendim,
mevule me ntômba mam a ndombo,
mbon a menyu.
8Ajô te ma ye dibe zene jôé
a biyo,
a dibe je a nka'alé,
nalé a ye bo te beta yene
mezene mé.
9A ye tôñe bibone bié
ve teke koone bie,
a ye jeñe bie,
ve teke yene bie.
A ye jô na:
ma zu bulan e be nnôm wom
me nga taté bi,
amu éyoñe te nje me nga dañe yene mvaé
a dañ éyoñe ji.
10A nga bo teke yeme na
ma me mbe me va'a nye
fôn, mfefé woon, mfefé mbon,
a me mbe me va'a nye
abui argent a or,
ve a nga belane bie asu Baal.
11Ajô te ma ye bulane zu nyoñe fône jam
éyoñ ba kôane je,
a mfefé woone wom
éyoñ ba miate wô.
Ma ye wôlé nye mevule me ntômba mam
a ndombo jam,
mbie bi mbe bi buti'i soé jé.
12Eyoñe ji ma zu kulan
ôsone vié e mise bibone bié,
a teke môt a ye wôlé nye
e wo wom.
13Ma ye bo ava'a dé ese
na e man,
nalé fe mebô'ô mé,
meté me ngone mé,
besabate bé a e beta
bisulane bié bise.
14Ma ndamane ndi'i woone wé,
a e figié wé,
mbie a mbe a jô'ô na:
tame yene ma'ane bibone biam
bi veya ma.
Ma ye bo ndi'i woone te
a befigié bete afan,
a bia ye bo bidi betite ya fé.
15Ma ye bo na a simesane melu
bezambe ba loone Bebaal,
Mbe a mbe a diki'i bityi'a
a jaék bilondo a bivongo biap.
A mbe a tôñe bibone bié,
ve a mbe a vu'ane ma,
nalé Nti a jô.
Môs Elat
(Yer 31:2-14; Ez 36:24-30; 1 Pi 2:9-10)
16Ajô te ma ma ye wone nye
a kee nye e *nkôte si,
ma ye kobô nleme wé.
17E wé nye ma ye bulane nye
mefube mindi'i mi woone mé;
ma ye bo mbi'ili Akor #2:17 Akor Akor a ne mbi'ili wo liti bidim.
ô bo nye wu wo ve nye ndi *nlem:
éyoñe te a ye yalane, ma
ane melu a nga too ésoé ngone minga,
aval'ane *môs a nga kôlô Ejipte.
18A ye bo *môs ôte na:
wo ye loone me na: nnôme wom,
nalé Nti a jô;
ve wo ye bo te beta loone me na:
Masa wom.
19Ma ye vaa biyôlé bi Baal anyu dé,
a ba ye bo te beta tot éyôlé jap.
20Môs ôte ma ye bo élat asu bôte bam,
ba be betite ya fé, anone ya yôp,
a betit ba nyi'itane si;
elaé, nkpwaté mekôn a bita,
ma ye vaa bie a bia ye bo momo si éte;
a ma ye bo na bôt be too été,
be ke ôyo teke woñ éziñ.
21Ma ye lu'u wo nnôm éto,
wo ye bo minga wom
amu *zôsôô, nya ntyi'ane mejôô,
nye'an a binyeñge ma ye liti.
22Ma ye lu'u wo a nye'an ôse,
a wo ye yeme ma na me ne Nti.
23Môs ôte, nalé Nti a jô,
ma ye bo e Zambe a yalane miñyangan:
Ma ye yalane jame yôp da yange,
a yôp da ye yalane jame si ja yange,
24a si ja ye yalane jame fôn ja yange,
e ne na mfefé woon a mfefé mbon,
a biôme bite ki bia ye yalane jame
Yizrél a yange.
25Ma ye bé y'Izréél asu dam
e si éte.
Ma ye nye'e Bebene,
a ma ye jô nyô a ne jôé na:
Lô Ami na: ô n'ayoñe bôte dam,
a nye ki a ye jô na: ô ne Zambe wom.
Zambe a beta ve'ele Ozé
(Oz 1; Yer 30:3,8-9; Lk 21:24)
Bible en langue Bulu © L'Alliance Biblique du Cameroun, 2007, 2015.