Nk 30
30
Ata'a metuna'a ya mimbon mi ne mbamba menyum
(Nk 37:25-28; Nli 8:3-4)
1Wo ye lôñe atak asu mimbon mi ne mbamba menyum, wo ye lôñe de a asé; 2nté wo ye bo anyi'i wo da a ndame jé anyi'i wo da: Nalé a ne na minté mise mia ye bo abime da; ve nkôñ ya yôb ñwô wo ye bo menyi'i me mo mebaé. Ata'a te a minla'a mié bia ye bo jôme jia. 3Wo ye yañe de a mvot ja dañe *mfuban, ataté mfa'a ya yôp, e mefefele ya été mbôma'ane a kui minla'a ya été, wo ye fe bo nkôngô mvot mbôma'ane. 4E nkôngô mvot si, wo ye bo bilondo bibaé e meku'u mebaé. Wo ye bo bie li a li mfa'a ya some mimbôñ ya be'e ata'a metuna'a. 5Wo ye bo mimbôñ a asé a yañe mie a mvot. 6Wo ye telé de ôsu ya éndelé ja solé éwolo élat: Vôm ate ma ye bo me tôba'ane wo. 7Tyé ése, Aron a ye di'i mbon ô ne mbamba menyum été yôb éyoñ a kôme belambe. 8Aron a ye fe di'i mbon ô ne mbamba menyum e zañe ngô'é ébaé éyoñ a ye kôme belambe. Mbon ô ne mbamba menyume te wo ye yôñ éyoñ ése asu Nti e miaé mienan mise. 9Mia ye bo te ve mimbon mife mia nyum nge mvean ba di'i ngumba ata'a metuna'a yôp, nge mvean ôfe, a mia ye bo te miame jôm éziñ ata'a metuna'a yôp. 10Aron a ye tune ata'a metuna'a éyoñe jia mbu; a ye tune de a miame metyi me tit é nga veban amu njamane mam *abé e minla'a y'été yôp, nalé a ye boban mfefé mbu ôse ataté miaé wu a kui wu ôvok, amu ata'a te e nga vebane be ma a ba ye semé de ane jôm ja dañe étyi asu Nti.
Abendé ya élañe bôt
(Nk 38:25-28; 2 Mink 24:5-14; 1 Pi 1:18-19)
11Ane Nti a nga kobô Môze a jô nye na: 12Eyoñ wo ye lañe bôte ya Israél, môt ase ya été a ye ya'ane ma *toya mfa'a ya kamane ényiñe jé ane ébubua éziñ ja ye bo te kui be mia éyoñ ya élañe bôt. 13E fame ése ja yiane lañeban ja ye ve nsañ moné ô ne adit étune sikel, be tôñe e sikel ba belane je e *nda é ne étyi été, nye a ne begéra mewôm mebaé; étune sikel ja ye nyoñeban mfa'a Nti. 14E môt ase a ye lañeban ataté mimbu mewôm mebaé a ke ôsu, a ye ve mvean wo nyoñeban asu Nti. 15Nkukum wo ye bo te ya'an a lôte abime da yian, a tañe *nzôzoé ja ye bo te sise si ya abime da yian, e ne na étun sikel e mfa'a tañ ja nyoñeban asu Nti: nalé ba ye kamane ényiñe jap. 16Tañe moné ése bôte ya Israél ba ye ve mfa'a ya kamane ényiñe jap, wo ye belane je asu *nda éndelé bisulan. Da ye bo jam ya simesan e be bôte ya Israél mfa'a ya kamane binyiñe biab asu Nti.
Fandé mewoban asu ntuneban
(Nk 38:8; Sam 26:6; 1 Tim 2:8; Hé 10:22)
17Ane Nti a nga kobô Môze a jô na: 18Wo ye kôme fandé mvot asu mewobane ya ntunan; wo ye telé nye e zañe *nda bisulan a ata'a metuna'a a wo ye futi mendim été. 19Aron a bone bé ba ye belane mendim mete mfa'a ya sôbe mo mab a mebo map. 20Eyoñe ba ye nyiin *nda éndelé ya bisulan, ba ye woban mendim mete, nalé ba ye bo te wu; avale te fe éyoñ ba ye subu bebé ata'a metuna'a na be bo ésaé a di'i mimvean mia di'ibane nduan asu Nti, 21Ba ye sôbe mo a mebo map; nalé ba ye bo te wu. Mvinda nyô ja ye bo nyô ya nnôm éto mfa'a Aron a mvoñe bôte jé a miaé mise.
Mbon ô ne étyi a ôlobinda
(Nk 37:29; 40:9-16)
22Ane Nti a nga kobô Môze a jô na: 23Nyoñe bityita'a bia dañe abeñ; nkone mir besikel mintet mitan, nkone sinamôm besikel mintet mibaé a mewôm metan, nkaé ô ne mbamba menyum besikel mintet mibaé a mewôm mebaé; 24mvut ya élé ba loone na kas, besikel mintet mitan, avale ane ôve'e ba belan wô e *nda ya étyi ô né, ô laté a lita mbon ôlive ésaman. 25Môt a yeme kôme beôlobinda a ye mane bundan biôm bite bise a kôme mbon ô ne étyi ba ye belane wô mfa'a ya telé bôt e bito.
26Wo ye wo'o mbon ôte *nda éndelé bisulan a éwolo élat, 27Tebele a biôm mebelan bié bise, ébi bifufub a biôm mebelan bié bise, ata'a metuna'a beôlobinda, 28ata'a mimvean mi ne ngumba a biôm mebelane bié, fandé a jôm a tele été. 29Wo ye telé biôm bite étyi a bia ye dañ étyi; jôm ése ja ye bie nambe, ja ye teléban étyi. 30Wo ye wo'o Aron a bobefame bé mbon; wo ye telé be étyi be bo ma ésaé betuni.
31Wo ye kobô bôt ya Israél na: Mbone wu ô ne wu ya étyi ba wo'o bôt e miaé mienan mise. 32Ba ye bo te wo'o wô nyôl môt éziñ, a mia ye bo te kôme ôfe ô too avale te; ô ne étyi a mia ye ba'ale wô étyi nalé. 33Môt ase a ye kôme ôfe avale te, nge wo'o wô nneñ, a ye tyi'iban zañe ya bôte bé.
34Ane Nti a nga kobô Môze na: Nyoñe bityita'a bi: Nataf, ôniks, galbanum, bityita'a a ôtu ô ne ékekeb mengab abime da. 35Wo ye nyoñe biôm bite a kôme ôlobinda ya di'i, nkôman avale nkôme beôlobinda a ne kôm; ôlobinda ate a ye bi nku a too fe *mfuban a étyi. 36Ngabe jia ja ye kômban ndub é too ôkekep, ba ye belane je *nda éndelé bisulan, ôsu ya éwolo é ne étyi, vôm ma ye telé na bia wo bi tôban. Mia ye semé étyi ya nkômane jôme wu. 37Ba ye bo te kôme avale ôlobinda te mfa'a mebelane menan. Ve mia ye telé nye étyi asu dam. 38Môt a ye bo mfe a funa'an nye ényum, a ye tyi'iban e zañe bôte bé.
Currently Selected:
Nk 30: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 30
30
Ata'a metuna'a ya mimbon mi ne mbamba menyum
(Nk 37:25-28; Nli 8:3-4)
1Wo ye lôñe atak asu mimbon mi ne mbamba menyum, wo ye lôñe de a asé; 2nté wo ye bo anyi'i wo da a ndame jé anyi'i wo da: Nalé a ne na minté mise mia ye bo abime da; ve nkôñ ya yôb ñwô wo ye bo menyi'i me mo mebaé. Ata'a te a minla'a mié bia ye bo jôme jia. 3Wo ye yañe de a mvot ja dañe *mfuban, ataté mfa'a ya yôp, e mefefele ya été mbôma'ane a kui minla'a ya été, wo ye fe bo nkôngô mvot mbôma'ane. 4E nkôngô mvot si, wo ye bo bilondo bibaé e meku'u mebaé. Wo ye bo bie li a li mfa'a ya some mimbôñ ya be'e ata'a metuna'a. 5Wo ye bo mimbôñ a asé a yañe mie a mvot. 6Wo ye telé de ôsu ya éndelé ja solé éwolo élat: Vôm ate ma ye bo me tôba'ane wo. 7Tyé ése, Aron a ye di'i mbon ô ne mbamba menyum été yôb éyoñ a kôme belambe. 8Aron a ye fe di'i mbon ô ne mbamba menyum e zañe ngô'é ébaé éyoñ a ye kôme belambe. Mbon ô ne mbamba menyume te wo ye yôñ éyoñ ése asu Nti e miaé mienan mise. 9Mia ye bo te ve mimbon mife mia nyum nge mvean ba di'i ngumba ata'a metuna'a yôp, nge mvean ôfe, a mia ye bo te miame jôm éziñ ata'a metuna'a yôp. 10Aron a ye tune ata'a metuna'a éyoñe jia mbu; a ye tune de a miame metyi me tit é nga veban amu njamane mam *abé e minla'a y'été yôp, nalé a ye boban mfefé mbu ôse ataté miaé wu a kui wu ôvok, amu ata'a te e nga vebane be ma a ba ye semé de ane jôm ja dañe étyi asu Nti.
Abendé ya élañe bôt
(Nk 38:25-28; 2 Mink 24:5-14; 1 Pi 1:18-19)
11Ane Nti a nga kobô Môze a jô nye na: 12Eyoñ wo ye lañe bôte ya Israél, môt ase ya été a ye ya'ane ma *toya mfa'a ya kamane ényiñe jé ane ébubua éziñ ja ye bo te kui be mia éyoñ ya élañe bôt. 13E fame ése ja yiane lañeban ja ye ve nsañ moné ô ne adit étune sikel, be tôñe e sikel ba belane je e *nda é ne étyi été, nye a ne begéra mewôm mebaé; étune sikel ja ye nyoñeban mfa'a Nti. 14E môt ase a ye lañeban ataté mimbu mewôm mebaé a ke ôsu, a ye ve mvean wo nyoñeban asu Nti. 15Nkukum wo ye bo te ya'an a lôte abime da yian, a tañe *nzôzoé ja ye bo te sise si ya abime da yian, e ne na étun sikel e mfa'a tañ ja nyoñeban asu Nti: nalé ba ye kamane ényiñe jap. 16Tañe moné ése bôte ya Israél ba ye ve mfa'a ya kamane ényiñe jap, wo ye belane je asu *nda éndelé bisulan. Da ye bo jam ya simesan e be bôte ya Israél mfa'a ya kamane binyiñe biab asu Nti.
Fandé mewoban asu ntuneban
(Nk 38:8; Sam 26:6; 1 Tim 2:8; Hé 10:22)
17Ane Nti a nga kobô Môze a jô na: 18Wo ye kôme fandé mvot asu mewobane ya ntunan; wo ye telé nye e zañe *nda bisulan a ata'a metuna'a a wo ye futi mendim été. 19Aron a bone bé ba ye belane mendim mete mfa'a ya sôbe mo mab a mebo map. 20Eyoñe ba ye nyiin *nda éndelé ya bisulan, ba ye woban mendim mete, nalé ba ye bo te wu; avale te fe éyoñ ba ye subu bebé ata'a metuna'a na be bo ésaé a di'i mimvean mia di'ibane nduan asu Nti, 21Ba ye sôbe mo a mebo map; nalé ba ye bo te wu. Mvinda nyô ja ye bo nyô ya nnôm éto mfa'a Aron a mvoñe bôte jé a miaé mise.
Mbon ô ne étyi a ôlobinda
(Nk 37:29; 40:9-16)
22Ane Nti a nga kobô Môze a jô na: 23Nyoñe bityita'a bia dañe abeñ; nkone mir besikel mintet mitan, nkone sinamôm besikel mintet mibaé a mewôm metan, nkaé ô ne mbamba menyum besikel mintet mibaé a mewôm mebaé; 24mvut ya élé ba loone na kas, besikel mintet mitan, avale ane ôve'e ba belan wô e *nda ya étyi ô né, ô laté a lita mbon ôlive ésaman. 25Môt a yeme kôme beôlobinda a ye mane bundan biôm bite bise a kôme mbon ô ne étyi ba ye belane wô mfa'a ya telé bôt e bito.
26Wo ye wo'o mbon ôte *nda éndelé bisulan a éwolo élat, 27Tebele a biôm mebelan bié bise, ébi bifufub a biôm mebelan bié bise, ata'a metuna'a beôlobinda, 28ata'a mimvean mi ne ngumba a biôm mebelane bié, fandé a jôm a tele été. 29Wo ye telé biôm bite étyi a bia ye dañ étyi; jôm ése ja ye bie nambe, ja ye teléban étyi. 30Wo ye wo'o Aron a bobefame bé mbon; wo ye telé be étyi be bo ma ésaé betuni.
31Wo ye kobô bôt ya Israél na: Mbone wu ô ne wu ya étyi ba wo'o bôt e miaé mienan mise. 32Ba ye bo te wo'o wô nyôl môt éziñ, a mia ye bo te kôme ôfe ô too avale te; ô ne étyi a mia ye ba'ale wô étyi nalé. 33Môt ase a ye kôme ôfe avale te, nge wo'o wô nneñ, a ye tyi'iban zañe ya bôte bé.
34Ane Nti a nga kobô Môze na: Nyoñe bityita'a bi: Nataf, ôniks, galbanum, bityita'a a ôtu ô ne ékekeb mengab abime da. 35Wo ye nyoñe biôm bite a kôme ôlobinda ya di'i, nkôman avale nkôme beôlobinda a ne kôm; ôlobinda ate a ye bi nku a too fe *mfuban a étyi. 36Ngabe jia ja ye kômban ndub é too ôkekep, ba ye belane je *nda éndelé bisulan, ôsu ya éwolo é ne étyi, vôm ma ye telé na bia wo bi tôban. Mia ye semé étyi ya nkômane jôme wu. 37Ba ye bo te kôme avale ôlobinda te mfa'a mebelane menan. Ve mia ye telé nye étyi asu dam. 38Môt a ye bo mfe a funa'an nye ényum, a ye tyi'iban e zañe bôte bé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.