Nk 29
29
Mebendé ma telé Aron a bone bé betuni
(Lv 8:1-36; Hé 5:1-10; 10:7,26-28)
1Avale di nde wo ye bo mfa'a ya telé Aron ba be *bon be bo m'ésaé éto betuni: Nyoñe étoñ nnôme nyak a beyôm mintômba bebaé be too *mvo'é ne selem. 2Wo ye nyoñe avute fôn a yame belet é ne te mvusan a de, ô yame fe biwôlé bi ne te mvusan bi bili mbon, ô yame fe njiñelete biwôlé mbon ô too *mmialan été. 3Eyoñe te wo futi bie e mone nkoé été. Wo ye zuu mone nkoé ate éyoñe fe wo zuu étoñe nnôme nyak a beyôm mintômba bebaé ata'a metuna'a.
4Wo ye soo Aron a bone bé anyiine *nda éndelé vôm ba bo bisulan a wo ye wo'o be mendim. 5Wo ye nyoñe biôm ya jaé; wo ye jalé Aron alô'ô, ézingi a éfôd; ébuta'a tôé nje wo ye yemete nku'u wé a ases éfôd. 6Wo ye jalé nye ôzomezome ntôm e nlô a tiñeti fe ékat é ne étyi e ntôme yôp. 7Eyoñe te ñhe wo ye nyoñ mbon ba woban a sôé nye wô nlô a wo'o nye wô. 8Wo ye fe zuu bone bé a jalé be melô'ô. 9Wo ye tiñeti Aron a bone bé meses, a jalé fe be mintôme miap; ésaé betuni é ne énjab amu mvinda ya te nné: Wo ye telé Aron, bone bé a mvoñ bôte jab be bo ésaé betuni mfa'a wom melu mese. 10Wo ye zuu étoñe nyak ôsu *nda éndelé bisulan; Aron a bone bé ba ye beté mo mab e nlô étoñ nnôme nya'a ji. 11Wo ye tyi'i étoñe nnôme nya'a *tyiñ asu Nti anyiine *nda éndelé bisulan. 12Wo ye nyoñe ngab éziñ ya metyi mé a sôé me minla'a mi ata'a metuna'a a ônyu viôé a miame ma ma buk e tin ata'a metuna'a si. 13Wo ye nyoñe biôm bise bi yale biôm ya abum été yôb a ndalebôbô é yale ése'e yôp, ô nyoñe fe mimbañ mi ôtam mibaé a ndalebôbô é yale mie yôp, a wo ye di'i bie ata'a metuna'a yôp. 14Wuli ô ne mvean wo volô na *abé betuni e jamban. Tit ja buk: Minsôn, ékôb a mebi me étoñe nnôme nyak, bia ye di'iban atane ya minkan.
15Wo ye nyoñe wua ya bone mintômba, Aron a bone bé ba ye beté mo mab nlô wé. 16Wo ye tyi'i nnôme ntômba *tyiñ, ô nyoñe metyi mé a miame me ata'a metuna'a mbôma'ane. 17Wo ye tyi'i nnôme ntômba mefuse mefus a sôbe biôme ya abum été a mimbiaé, a beté bie vôm afus a nlô bi né. 18Eyoñe te wo ye di'i nnôme ntômba ase ata'a metuna'a yôp: Wuli ô ne mvean ô ne ngumba asu Nti, ndi'an nduan a mbamba menyum asu Nti.
19Wo ye nyoñe nnôme ntômba baa, Aron a bone bé ba ye beté mo mab nlô wé yôp. 20Wo ye tyi'i nnôme ntômba *tyiñ. Wo ye nyoñe ngab éziñ ya metyi mé a kañe je alo Aron ya mbo ngal été a alo bone bé, di ya mbo nnôm, nnôm ônyu ya akule wo dab ya mbo nnôm, a nnôm ônyu ya akul abo dab ya mbo nnôm, a wo ye miame metyi mbôma'ane a ata'a metuna'a 21Wo ye nyoñe metyi me ne ata'a metuna'a yôb a mbon ba woban a miame bie Arone nyô a e biôm a be'e yôp, e nyôle bone bé a e biôme biab be be'e yôp. 22Wo ye nyoñe avoñe nnôm ntômba, njem, avoñ e yale biôm ya abum été, ndalebôbô ja yalé ések, mimbañ mi ôtam mibaé a avoñ e yale mie yôp, a éname ya mbo nnôm, amu a ne nnôm ntômba ya mveane ngu mfa'a betuni. 23Nkoé belet ô nga veban e be ma, wo ye nyoñe jôme jijia ya biôm bi ne été: belet é ne njiñelete jia, éwôlé é bili mbon jia, a njiñelete éwôlé jia. 24Wo ye kee biôm bite bise e mo me Aron a e mo me bone bé, a wo ye jô be na be ve ma bie ane ngume mvean. 25Eyoñe te ñhe wo ye beta nyoñe bie e mo map, a wo ye di'i bie ata'a metuna'a yôp, bi bete mvean ô ne ngumba yôp. A ne mvean ñwô te ma ye se'e mbamba ényum ôtita ya été. 26Wo ye nyoñe ôngône nnôm ntômba baa a liti wô asu be Nti a wo ye bo ngabe jôé.
27Wo ye yôtane na: Ongôn a énam be nga vaa e be nnôm ntômba baa, a mbie be nga liti asu Nti, bi ne bityila bi ne ntelan étyi. 28Ajô te bôte ya Israél ba ye vaa bie e be betite bese ba ve ma ane mvean ya nlatane ngbwa, ba ye kee bie Aron a bone bé. 29Biôm Aron a jaé bi ne étyi bia ye bo e bi bone bé éyoñ a wuya, ve ba ye jaé bie éyoñe be maneya wo'o be mbon a kalane be ngu. 30Ntuni wua ya bone bé a ye nyoñe éto jé éyoñ a wuya, a ye jaé bie tañe melu zamgbwa, éyoñe te a ye nyiin *nda éndelé bisulan mfa'a ya bo ésaé e vôm a ne étyi.
31Wo ye nyoñe nnôm ntômba ya mvean betuni ngu ya taté ésaé jap, a bo na be yame minsôn e vôm éziñ a ne étyi. 32Aron a bone bé ba ye di anyiine *nda éndelé bisulan, ataté minsôn a kui belet é ne e mone nkoé été. 33Ajô te e mbe étam ba ye di biôm bi nga veban mfa'a ya nyoñe *njaman mam *abé e be Zambe, éyoñ be nga telé be a ve be ngule ya bo ésaé. Môte mfe a nji bi ngule ya di bie, amu bi ne bidi bi ne étyi. 34Nge *mebuka'a ma yené mametyé, to'o tit nge belet, ba ye di'i bie nduan, ba ye bo te beta di bie amu bi ne bidi bi ne étyi. 35Wo ye bo avale me maneya bendé wo mfa'a Aron a bone bé: abô'ô ya ve be ngule ya bo ésaé da ye tabe melu zamgbwa.
36Môs ôse wo ye ve étoñ nnôm nyak ya di'i mfa'a nyoñan njaman; wo ye fubu ata'a metuna'a a sôé mbon été yôb mfa'a ya telé de étyi. 37Mfubane ya ata'a metuna'a fe wo ye tabe melu zamgbwa; mvuse ya valé ata'a metuna'a da ye dañ bo étyi a nalé ate môt ase nge jôm ése ja ye nambe de ja ye dutu bidim e be ébien.
Mimvean amôs ôse mi ne mingumba
(Nlb 28:3-8; Ez 46:13-15; Rm 12:1)
38Môs ôse ba ye ve bone mintômba bebaé ata'a metuna'a yôp, be too mbu wua, nalé a ye boban melu mese. 39Wua a ye vebane mametyé a nyô mbo'o ke mamengô'é. 40Eyoñ ba ve mone ntômba ôsu, ba ye fe ve kili mfu'an avut éla, lita mbon ô ne ékekeb jia a étun, a lita wone jia a étun. 41Eyoñe ya mone ntômba baa, mimvean mia ye bo avale da ane mi ya mametyé; wo ye ve mi mi ne mvean ba di'i nduan mi too mbamba menyum mfa'a Nti. 42Ô ne mveane ngumba ya biyoñ bise mfa'a miaé mienan mise, ñwô mia ye ve anyiine *nda bisulan asu Nti: nne ma ye tôbane mia valé, a kobô wo valé. 43Ma ye tôbane bôte ya Israél valé a vôm ate a ye telébane étyi, amu étôto'o jam ja ye faé valé. 44Mamien ma ye telé *nda éndelé bisulan a ata'a metuna'a étyi, avale fe ma ye telé Aron a bone bé étyi, mfa'a ya na be bo ma ésaé ane betuni. 45Ma ye tabe éyoñ ése ézezañ bôte ya Israél, a ma ye bo e Zambe wop. 46A ba ye yeme na ma me ne Nti, e Zambe wob a nga bo na be kôlô Ejipte, nalé me ne ngule ya tabe ézezañe jap, me ne Nti e Zambe wop.
Currently Selected:
Nk 29: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 29
29
Mebendé ma telé Aron a bone bé betuni
(Lv 8:1-36; Hé 5:1-10; 10:7,26-28)
1Avale di nde wo ye bo mfa'a ya telé Aron ba be *bon be bo m'ésaé éto betuni: Nyoñe étoñ nnôme nyak a beyôm mintômba bebaé be too *mvo'é ne selem. 2Wo ye nyoñe avute fôn a yame belet é ne te mvusan a de, ô yame fe biwôlé bi ne te mvusan bi bili mbon, ô yame fe njiñelete biwôlé mbon ô too *mmialan été. 3Eyoñe te wo futi bie e mone nkoé été. Wo ye zuu mone nkoé ate éyoñe fe wo zuu étoñe nnôme nyak a beyôm mintômba bebaé ata'a metuna'a.
4Wo ye soo Aron a bone bé anyiine *nda éndelé vôm ba bo bisulan a wo ye wo'o be mendim. 5Wo ye nyoñe biôm ya jaé; wo ye jalé Aron alô'ô, ézingi a éfôd; ébuta'a tôé nje wo ye yemete nku'u wé a ases éfôd. 6Wo ye jalé nye ôzomezome ntôm e nlô a tiñeti fe ékat é ne étyi e ntôme yôp. 7Eyoñe te ñhe wo ye nyoñ mbon ba woban a sôé nye wô nlô a wo'o nye wô. 8Wo ye fe zuu bone bé a jalé be melô'ô. 9Wo ye tiñeti Aron a bone bé meses, a jalé fe be mintôme miap; ésaé betuni é ne énjab amu mvinda ya te nné: Wo ye telé Aron, bone bé a mvoñ bôte jab be bo ésaé betuni mfa'a wom melu mese. 10Wo ye zuu étoñe nyak ôsu *nda éndelé bisulan; Aron a bone bé ba ye beté mo mab e nlô étoñ nnôme nya'a ji. 11Wo ye tyi'i étoñe nnôme nya'a *tyiñ asu Nti anyiine *nda éndelé bisulan. 12Wo ye nyoñe ngab éziñ ya metyi mé a sôé me minla'a mi ata'a metuna'a a ônyu viôé a miame ma ma buk e tin ata'a metuna'a si. 13Wo ye nyoñe biôm bise bi yale biôm ya abum été yôb a ndalebôbô é yale ése'e yôp, ô nyoñe fe mimbañ mi ôtam mibaé a ndalebôbô é yale mie yôp, a wo ye di'i bie ata'a metuna'a yôp. 14Wuli ô ne mvean wo volô na *abé betuni e jamban. Tit ja buk: Minsôn, ékôb a mebi me étoñe nnôme nyak, bia ye di'iban atane ya minkan.
15Wo ye nyoñe wua ya bone mintômba, Aron a bone bé ba ye beté mo mab nlô wé. 16Wo ye tyi'i nnôme ntômba *tyiñ, ô nyoñe metyi mé a miame me ata'a metuna'a mbôma'ane. 17Wo ye tyi'i nnôme ntômba mefuse mefus a sôbe biôme ya abum été a mimbiaé, a beté bie vôm afus a nlô bi né. 18Eyoñe te wo ye di'i nnôme ntômba ase ata'a metuna'a yôp: Wuli ô ne mvean ô ne ngumba asu Nti, ndi'an nduan a mbamba menyum asu Nti.
19Wo ye nyoñe nnôme ntômba baa, Aron a bone bé ba ye beté mo mab nlô wé yôp. 20Wo ye tyi'i nnôme ntômba *tyiñ. Wo ye nyoñe ngab éziñ ya metyi mé a kañe je alo Aron ya mbo ngal été a alo bone bé, di ya mbo nnôm, nnôm ônyu ya akule wo dab ya mbo nnôm, a nnôm ônyu ya akul abo dab ya mbo nnôm, a wo ye miame metyi mbôma'ane a ata'a metuna'a 21Wo ye nyoñe metyi me ne ata'a metuna'a yôb a mbon ba woban a miame bie Arone nyô a e biôm a be'e yôp, e nyôle bone bé a e biôme biab be be'e yôp. 22Wo ye nyoñe avoñe nnôm ntômba, njem, avoñ e yale biôm ya abum été, ndalebôbô ja yalé ések, mimbañ mi ôtam mibaé a avoñ e yale mie yôp, a éname ya mbo nnôm, amu a ne nnôm ntômba ya mveane ngu mfa'a betuni. 23Nkoé belet ô nga veban e be ma, wo ye nyoñe jôme jijia ya biôm bi ne été: belet é ne njiñelete jia, éwôlé é bili mbon jia, a njiñelete éwôlé jia. 24Wo ye kee biôm bite bise e mo me Aron a e mo me bone bé, a wo ye jô be na be ve ma bie ane ngume mvean. 25Eyoñe te ñhe wo ye beta nyoñe bie e mo map, a wo ye di'i bie ata'a metuna'a yôp, bi bete mvean ô ne ngumba yôp. A ne mvean ñwô te ma ye se'e mbamba ényum ôtita ya été. 26Wo ye nyoñe ôngône nnôm ntômba baa a liti wô asu be Nti a wo ye bo ngabe jôé.
27Wo ye yôtane na: Ongôn a énam be nga vaa e be nnôm ntômba baa, a mbie be nga liti asu Nti, bi ne bityila bi ne ntelan étyi. 28Ajô te bôte ya Israél ba ye vaa bie e be betite bese ba ve ma ane mvean ya nlatane ngbwa, ba ye kee bie Aron a bone bé. 29Biôm Aron a jaé bi ne étyi bia ye bo e bi bone bé éyoñ a wuya, ve ba ye jaé bie éyoñe be maneya wo'o be mbon a kalane be ngu. 30Ntuni wua ya bone bé a ye nyoñe éto jé éyoñ a wuya, a ye jaé bie tañe melu zamgbwa, éyoñe te a ye nyiin *nda éndelé bisulan mfa'a ya bo ésaé e vôm a ne étyi.
31Wo ye nyoñe nnôm ntômba ya mvean betuni ngu ya taté ésaé jap, a bo na be yame minsôn e vôm éziñ a ne étyi. 32Aron a bone bé ba ye di anyiine *nda éndelé bisulan, ataté minsôn a kui belet é ne e mone nkoé été. 33Ajô te e mbe étam ba ye di biôm bi nga veban mfa'a ya nyoñe *njaman mam *abé e be Zambe, éyoñ be nga telé be a ve be ngule ya bo ésaé. Môte mfe a nji bi ngule ya di bie, amu bi ne bidi bi ne étyi. 34Nge *mebuka'a ma yené mametyé, to'o tit nge belet, ba ye di'i bie nduan, ba ye bo te beta di bie amu bi ne bidi bi ne étyi. 35Wo ye bo avale me maneya bendé wo mfa'a Aron a bone bé: abô'ô ya ve be ngule ya bo ésaé da ye tabe melu zamgbwa.
36Môs ôse wo ye ve étoñ nnôm nyak ya di'i mfa'a nyoñan njaman; wo ye fubu ata'a metuna'a a sôé mbon été yôb mfa'a ya telé de étyi. 37Mfubane ya ata'a metuna'a fe wo ye tabe melu zamgbwa; mvuse ya valé ata'a metuna'a da ye dañ bo étyi a nalé ate môt ase nge jôm ése ja ye nambe de ja ye dutu bidim e be ébien.
Mimvean amôs ôse mi ne mingumba
(Nlb 28:3-8; Ez 46:13-15; Rm 12:1)
38Môs ôse ba ye ve bone mintômba bebaé ata'a metuna'a yôp, be too mbu wua, nalé a ye boban melu mese. 39Wua a ye vebane mametyé a nyô mbo'o ke mamengô'é. 40Eyoñ ba ve mone ntômba ôsu, ba ye fe ve kili mfu'an avut éla, lita mbon ô ne ékekeb jia a étun, a lita wone jia a étun. 41Eyoñe ya mone ntômba baa, mimvean mia ye bo avale da ane mi ya mametyé; wo ye ve mi mi ne mvean ba di'i nduan mi too mbamba menyum mfa'a Nti. 42Ô ne mveane ngumba ya biyoñ bise mfa'a miaé mienan mise, ñwô mia ye ve anyiine *nda bisulan asu Nti: nne ma ye tôbane mia valé, a kobô wo valé. 43Ma ye tôbane bôte ya Israél valé a vôm ate a ye telébane étyi, amu étôto'o jam ja ye faé valé. 44Mamien ma ye telé *nda éndelé bisulan a ata'a metuna'a étyi, avale fe ma ye telé Aron a bone bé étyi, mfa'a ya na be bo ma ésaé ane betuni. 45Ma ye tabe éyoñ ése ézezañ bôte ya Israél, a ma ye bo e Zambe wop. 46A ba ye yeme na ma me ne Nti, e Zambe wob a nga bo na be kôlô Ejipte, nalé me ne ngule ya tabe ézezañe jap, me ne Nti e Zambe wop.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.