Nehemiạ 1
1
1Noa do hoyokʼ kana Hakaliạren hopon Nehemiạwakʼ katha.
Artaksastren rajakʼ rajokʼ bargel bochor reakʼ Kesleb candore iń do Susan raj nagrahareń tahẽkana. 2Unre Hanani ńutuman ińren boehako modren mitʼ hoṛ ar Jihudạren adom hoṛko do Susanteko hecʼena. Ar iń do Babelre bondi dosa khon okoe hoṛko ruạṛ senakan ar Jerusalem reaṅ onko ṭheniń kuliyana.
3Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”
4Niạko katha ańjomkate iń do duṛupʼkate rarakʼ iń ehopʼena. Ar thoṛa din homor halaṅkate iń doń upạskeda ar sermaren Isor ṭheniń koekeda. 5Ona tayomiń menkeda, “E sermaren Probhu Isor, am dom maraṅ ar botoranicʼ Isor kana, okoe do amko dulạṛetʼme ar amakʼ hukumko senakʼkan onko lạgitʼ do jaejug dulạṛ reakʼ bondobosem rukhiyạ dohoyeda. 6E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada. 7Am upạrte ạḍitetʼle behok akada. Amren guti Mose hotete okako ạn-ạri ar hukumkom em akawatʼle ona dole bebatao akada.
8 #
Lev 26.33
“Nehõrokʼ kạnạń, amren guti Mose okaṭakʼ hukumem em akawade ona baṛe disạime. Amem menleda, ‘jodi bepạtiạrkope hoyokʼ enḍekhan iń do eṭakʼ jạtrenko talareń chirchạturpea; 9#Bib 30.1-5 menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’
10“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa. 11E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.”
Iń do darkha rasa dudulicʼ iń tahẽkana.
Currently Selected:
Nehemiạ 1: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
