Mathae 19
19
Bạhu bạgiye reaṅ sikhạuna
(Mark 10.1-12)
1Noako kathae roṛ mucạtʼketʼ khan Jisu do Gạlil khon uṭhạuente Jordan gaḍa paromkate Jihudạ reakʼ simạkoteye calaoena. 2Ar ạḍi utạr hoṛ do uniko pańja idikedea ar onko do onḍeye bogeketʼkoa.
3Unre adom Phạrusiko do Jisu biḍạue lạgitʼ uni ṭhen hecʼkateko menkeda, “Moseyakʼ ạn lekate jãhãe hoṛ acʼren bạhu jãhãn karonte bạgiye do ganokʼtaea se baṅa?
4 #
Gen 1.27; 5.2 Jisui roṛ ruạṛatʼkoa, “Bape paṛhao akada, Sisirjạuicʼ do pạhilre herel ar maejiukategeye sirjạuketʼkinạ are menkeda, 5#Gen 2.24 ‘ona iạte herel do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa?’ 6Ar barea dokin baṅkana, menkhan mitʼ hoṛmo kanakin. Onate Isor okae joṛao mitʼakatʼ manwa do ona aloe topagma.”
7 #
Bib 24.1-4; Mat 5.31 Unre Phạrusikoko metadea, “Cedakʼ enḍekhan Mose do bapag dolel olaete bạhu bạgiye reakʼ hukume emakana?”
8Jisui metatʼkoa, “Apeakʼ keṭecʼ mon iạte Mose do bạhu bạgiye reakʼe aṛakʼ akawatʼpea Menkhan pạhil khon nonka do baṅ tahẽkana. 9#Mat 5.32; 1 Kor 7.10,11 Ińiń metapekana, jãhãege laṭghaṭ chaḍa eṭakʼ karonte acʼren bạhui bạgiye ar eṭagicʼe baplaye uni doe loṭghuṭiya.”
10Unre celako do uniko metadea, “Jãwãe ar bạhu talare nonkage hoyokʼ khan, baplakʼge baṅ bhagea.”
11Jisui metatʼkoa, “Sanam hoṛ noa katha do ohoko manao daṛelea; menkhan okoeko em ocoakan eken onkogeko daṛeakʼa. 12Ente adom do eṅgat kukhi khon mạ̃yạ̃ṛigeko janam akana, onate onko do bako baplakʼ kana. Ar adom do hoṛgeko mạ̃yạ̃ṛi ocoyetʼkoa, onate onko hõ bako baplakʼkana, arhõ adomko do serma rajre bolokʼ iạte baṅ baplakʼko muruk akada. Onate okoeye manao daṛeakʼ uni doe manaoma.”
Probhu Jisu ar kạṭicʼ gidrạko
(Mark 10.13-16; Luk 18.15-17)
13Unre kạṭicʼ gidrạ Jisu ṭhenko ạguketʼkoa jemon uni do onkoe capoko are koeako. Menkhan celako do onkoko dhomkaoketʼkoa.
14Jisu do onkoe metatʼkoa, “Kạṭicʼ gidrạko iń ṭhen hecʼ ocoakope, alope manakoa, ente serma raj do nonkankoakʼ kangea.” 15Ado kạṭicʼ gidrạko bohokʼre capokateye bhoratʼkoa, ar onḍe khone calaoena.
Mitʼṭen kisạ̃ṛ juạn
(Mark 10.17-31; Luk 18.18-30)
16Ar ńelpe, mitʼṭen juạn koṛa do hecʼkate Jisui metadea, “E Guru, jaejug jion ńam lạgitʼ bhageakʼ cetʼko cekae hoyokʼtińạ?”
17Jisu do uniye metadea, “Bhageakʼ reaṅ do cedakʼem kuliyediń kana? Ente mitʼ goṭengeae bhageicʼ do. Am do jaejug jionte bolokʼem menetʼ khan enḍekhan uniyakʼ sanam hukumko dohoyme.”
18 #
Exo 20.13; Bib 5.17;
Exo 20.14; Bib 5.18;
Exo 20.15; Bib 5.19;
Exo 20.16; Bib 5.20 Uni juạn koṛa doe menkeda, “Okako hukum?”
Jisui menkeda, “Alom khũna, alom laṭghaṭa, alom kombṛoya, eṛe goha alom ema, 19#Exo 20.12; Bib 5.16; Lev 19.18 eṅgam-ạpum ganaokinme ar am aḍepaseren hoṛ apnar leka dulạṛem.”
20Uni juạn koṛa doe menkeda, “Noako joto doń manao ạguakada, ado ar cetʼko cekae hoyokʼtińạ?
21Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”
22Noa katha ańjomkate kisạ̃ṛ juạn do ạḍi bhabnakateye calaoena, ente uni do ạḍi utạr dhon tahẽkantaea.
23Unre Jisu do acʼren celakoe metatʼkoa, “Sạrigeń metapekana, kisạ̃ṛ hoṛko lạgitʼ serma rajte bolokʼ do muskilgea. 24Arhõń metapekana, kisạ̃ṛ hoṛ Isorakʼ rajte bolokʼ khon sui bhugạkʼte ũṭe bolo tabokʼge algawa.”
25Noa katha ańjomkate celako do hahaṛayenteko menkeda, “Enḍekhan kại khon do okoeye bańcao daṛekokʼa?”
26Jisu do celako beṅgetʼatʼkoteye metatʼkoa, “Manwako hotete do baṅ hoedaṛeakʼa, menkhan Isor hotete do sanamakʼge hoedaṛeakʼa.”
27Unre Patras do uniye metadea, “Ńelme, sanamakʼ bạgikate amren celale hoyakana; ale do cetʼle ńama?”
28 #
Mat 25.31;
Luk 22.30
Jisui metatʼkoa, “Sạrigeń metapekana, okoe ińren celape hoyakan, nãwã janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa. 29Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa. 30#Mat 20.16; Luk 13.30 Menkhan lahatenko aema doko tayomokʼa, ar tayomtenko doko lahakʼa.”
Currently Selected:
Mathae 19: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
