Josuạ 12
12
Mose hotete bhagaoen rajko
1 #
Num 21.21-35; Bib 2.26—3.11 Araba bilạn ṭạnḍi reakʼ purub hĩs reakʼ sanamakʼ Arnon lodam khon Hermon buru hạbicʼ jordan gaḍa purub secʼren Amorikoren raj Sihon ar Basonren raj Og doko bhagaoketʼkinte Israelko do unkinakʼ elakako dohkol akawan tahẽkana. 2Amorikoren raj Sihon do Hesbon khon raje calaoetʼ tahẽkana. Uni do Arnon lodam aṛe reakʼ Aroer khon, metakʼme lodam reakʼ adha khon Amonrenkoakʼ disạm reakʼ simạna Jabok gaḍa hạbicʼ goṭa elakae calaoetʼ tahẽkana. Niạ elaka talare Gileadkoakʼ hõ adha hĩs tahẽkana. 3Ona chaḍa Kinerot doreão khon Araba doreão, metakʼme buluṅ doreão ar Bet-jesimot reakʼ hor hạbicʼ ar dạkhin secʼ Pisga buru latar hạbicʼ ar Araba bilạn ṭạnḍi purub reakʼ hĩs hõ raje calaoetʼ tahẽkana. 4Rephayiko modre okoe sarecʼko tahẽkan onko modre Basonren raj Og hõe tahẽkana. Uni do Astarot ar Edreyi khone rajokʼkan tahẽkana. 5Hermon buru, Saleka, Gesuriko ar Makatiko reakʼ simạ hạbicʼ goṭa Bason disạm ar Hisbonren raj Sihon rajosṭi reakʼ simạ hạbicʼ Gilead reakʼ sarecʼ hĩs hõ uniyakʼ tabere tahẽkana. 6#Num 32.33; Bib 3.12Israelko ar Probhu Isorren guti Mose do nukin raje bhagaoletʼkina. Uni do unkinakʼ jaegako sompotti lekate Ruben ar Gad gusṭiren sanamko ar Manase gusṭiren adha hoṛkoe ematʼko tahẽkana.
7Lebanon lodam reakʼ Bakʼal-Gal khon Seyir buru secʼ rakapʼ calao akan Halak buru hạbicʼ jordan gaḍa pạchim secʼren rajko do Josuạ ar Israelko ṭhenko bhagao ocoakan tahẽkana. Josuạ do onkoakʼ jaegako sompotti lekate Israelkoren judạ judạ gusṭirenkoe hạṭińatʼkoa. 8Niạko jaega do hoyokʼ kana usul buru ṭoṭha, latar buru ṭoṭhako, Araba, buru dhasnako, purub secʼ reakʼ buluṅ doreão elaka ar Negeb. Niạko do Hittiko, Amoriko, Kananiko, Pherisiko, Hiwiko ar Jebusikoakʼ elaka tahẽkana. 9Niạko jaegaren okoeko rajko bhagao ocolen onko doko hoyokʼ kana; Jerikhoren raj, Bethel ṭhenakʼ Aeren raj, 10-12Jerusalemren raj, Hebronren raj, Jarmutren raj, Lakhisren raj, Eglonren raj, Geserren raj, 13Debirren raj, Gederren raj, 14Hormaren raj, Aradren raj, 15-17Libnaren raj, Adulamren raj, Makedaren raj, Bethelren raj, Tapuaren raj, Hepherren raj, 18Aphekren raj, Lasaronren raj, 19Madonren raj, Hasorren raj, 20Simron-Meronren raj, Aksapren raj, 21Tanakren raj, Magidodren raj, 22-24Kedesren raj, Karmel reakʼ Jokneamren raj, Dorer reakʼ buru jaegaren Dorer raj, Gilgal reakʼ Goimren raj ar Tirsaren raj; nokoko raj do jotote pegel mitʼ hoṛko tahẽkana.
Currently Selected:
Josuạ 12: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
