Jirimiạ 1
1
1Niạko katha do Hilkiạren hopon Jirimiạwakʼ katha kana. Uni do Benjạmin ṭoṭharen Anathrot atoren naekeko modren mitʼ hoṛe tahẽkana. 2#2 Raj 22.3—23.27; 2 Bõs 34.8—35.19 Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena. 3#2 Raj 23.36—24.7; 2 Bõs 36.5-8; 2 Raj 24.18—25.21; 2 Bõs 36.11-21 Josiạren hopon Jihudạren raj Jehoyakimakʼ rajokʼ okte khon Jihudạren raj Josiạren hopon Sedekiại rajokʼ gel mitʼ bochor reakʼ mõṛẽ cando hạbicʼ Probhu Isorakʼ katha do arhõ sodorena. Ar inạ candoge Jerusalemren hoṛko do bondikateko idi ocolena.
Probhu Isor do Jirimiại hohoaekan
4Probhu Isorakʼ katha do iń ṭhen hecʼena, 5“Eṅgamakʼ kukhire ạuriyem gaṛhaokʼrege iń do amiń bachao akatʼmea. Ar amakʼ janam ạurirege iń do amiń begar doho akatʼmea ar jạtrenko ṭhen nạbi lekateń dohoakatʼmea.”
6Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”
7Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa. 8Onko do alom botorakoa, ente iń Probhu Isorge amiń rukhiyạmea ar am sãotegeń tahena.”
9Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda. 10Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”
11Ona tayom Probhu Isor doe kulikedeńạ, “E Jirimiạ, am do cetʼem ńeleda?”
Ińiń roṛ ruạṛadea, “Iń do badam dare reakʼ mitʼṭen ḍạriń ńel ńameda.”
12Probhu Isore metadińa, “Am do ṭhikgem ńelakada, ente ińakʼ kathare iń doń jagwargea onako kạmi purạu lạgitʼ.”
13Probhu Isor do arhõe metadińạ, “Am do cetʼem ńeleda?”
Iń doń menkeda, “Mitʼṭecʼ heḍejokʼkan ṭukucʼ, ona do utạr secʼ khon dũṛũjokʼkana.” 14Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa. 15Iń do utạr reakʼ rajosṭiren sanam jạtrenkoń hohoako kana.” Ar rapajko do hecʼkate Jerusalem reakʼ phaṭok duạrko reakʼ bolokʼ horre akoakʼ siṅghạsonko bạisạua. Ar onko do ona beṛhaeteakʼ pạcri ar Jihudạ reakʼ sanam nagrahako esetʼ ạcura. 16Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.
17“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome. 18Am do teheń mitʼṭecʼ daṛeanakʼ nagraha leka, mitʼṭecʼ mẽṛhẽtʼ khunṭi leka ar mitʼṭecʼ pitạl reakʼ bhit lekań hoyocoketʼmea jemon goṭa disạm upạrte, metakʼme Jihudạren rapajko, cetan hudạren kạmiyạko, naekeko ar disạmren hoṛko upạrtem teṅgo daṛeakʼ. 19Onko do am upạrteko lạṛhạiya menkhan bako bhagao daṛeama, ente iń do rukhiyạime lạgitʼ am são sãotege minạńa. Iń Probhu Isorge noa katha doń menetʼkana.”
Currently Selected:
Jirimiạ 1: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
