Hosea Botolo
Botolo
Hosea ńutumanakʼ puthi reakʼ nạbi kathako talare mitʼṭecʼ golpo menakʼa, ar ona golpo hotete tayom daram dinko reakʼ kathako roṛ akana. Ona reakʼ huḍiń golpo lekate do hoyokʼ kana, Gomer ńutuman mitʼṭen maejiu do Hoseae baplaledea ar Gomerakʼ kukhire pea gidrạko janamlena (Jisreyel, Lo-ruhamah, Lo-amni). Gomer do bepạtiạricʼe hoylenre Hosea do ạḍi dulạṛ salakʼ uniye sendra ńamkedete kạ̃ṛmĩ ar bemanot khone kiriń ruạṛ ạgukedea. Porcarakʼ katha khon noa golpo hotete arhõ purạte udukʼ akana, bạṛicʼ horte senakan Israel jạtrenko cetanre Isorakʼ do hahaṛa daya ar bin bodol dulạṛ menakʼtaea. Olokʼ nạbiko modre Hosea do uni nạbigeye tahẽkana okoe do utạr reakʼ rajosṭi talareye girobasok ʼkan tahẽkan are porcaretʼ tahẽkan. Noa puthire Israelren utạr secʼren raj do Ephrayime men ocoakana, ente utạr secʼren gusṭiko talare Ephrayimge jotoko khon ektiạriạnicʼe tahẽkana; ar noa do Jakob hõe men ocoakana, ente Jakob do Israel jạtkoren hapṛame tahẽkana; ona chaḍa Samariạ hõe men ocoakana, ente Samariạ do utạr rajosṭi reakʼ raj nagraha tahẽkana. Hosea oktere Israelko do Isorren bepạtiạrkoko hoylena; onko do boṅga murhutʼko sewawako kan tahẽkana ar bin lajaokʼ hoṛko tahẽkana. Ona iạte Isor okako sạjại emakoe menetʼkan tahẽkan ona do hoyokʼ kana, ḍher din onkoren do cele rajge bako tahena, onko do samaṅokʼ reakʼ cetʼge bako samaṅ daṛeakʼa, onkoren do cele boṅgage bako tahentakoa. Teheń hạbicʼ hõ onko do ona dosarege menakʼkoa. Menkhan tayom daram dinre kastaokate tinre Isor ṭhenko ruạṛ hijukʼa, unre uni do onko lạgitʼe dayakʼa.
Khaṭote guṭtetʼ:
(1) Hosearen hopon ar hoponerako ńutum iạte Israel do bạtil menteye lại sodorokʼkana (1.1-9 kạli)
(2) Israelakʼ sạjại ar beretʼ ruạrokʼ reakʼ gokʼakʼ (1.10—2.23 kạli)
(3) Hosearen bạhuakʼ chaḍaokʼ ar Israelakʼ ruạṛ hijukʼ (3 hạṭiń)
(4) Isorren hoṛko upạrte Isorakʼ arji (4-10 hạṭiń)
(5) Isorakʼ edre talare hõ uniyakʼ daya (11-13 hạṭiń)
(6) Kại khon ruạṛokʼte Isorakʼ bhor hameṭjoṅ lạgitʼ Israelko ṭhen nehõr (14 hạṭiń)
Currently Selected:
Hosea Botolo: SBT
Highlight
Share
Compare
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.