Exodus 6
6
1Probhu Isor do Moseye metadea, “Am do Pharaoakʼ dosa cetʼ hoyokʼkana ona ńelme. Ińakʼ keṭecʼ tire paṛaokate uni do hoṛkoe aṛakʼkoa. Hẽ ińakʼ keṭecʼ tire paṛaokate acʼakʼ disạm khon onkoe laga oḍokkoa.”
2 #
Gen 17.1; 28.3; 35.11; Exo 3.13-15 Isor do Mose arhõe metadea, “Iń doń Probhu Isor kana. 3Iń sanam daṛeanicʼ Isorge Abraham, Isahak ar Jakob ṭheniń ńel ocokʼkan tahẽkana, menkhan Probhu Isor lekate okoe kạnạń mente ona do bạń sodoretʼ tahẽkana. 4Iń do onko lạgitʼ ińakʼ bondobosiń doholeda. Ona bondobosreń menleda, onko do bidisiạ lekate okareko tahẽkan ona disạmgeń emakoa. 5Misorrenko do Israelko golamko benaoletʼko tahẽkana. Onkoakʼ rakʼ ańjomte iń do ona bondobos reakʼ kathań disạkeda. 6Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea. 7Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea. 8Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”
9Mose do senkate noako katha Israelkoe baḍae ocoketʼkoa, menkhan onko do kumãyã talate golam khaṭao khaṭaoteko laṅga caba akan tahẽkante Moseyakʼ katha do bako luturada.
10Unre Probhu Isor do Moseye metadea, 11“Am do Misorren Pharao ṭhen senkate metaeme jemon acʼakʼ disạm khon Israelkoe sen ocoako.”
12Mose do Probhu Isor roṛ ruạṛadeteye metadea, “Israel hoponko ińakʼ katha bako ańjom enḍekhan Pharao do cedakʼe ańjomtińạ, biseskaete ińakʼ katha tinre baṅ pusṭạukʼtiń?”
13Unre Probhu Isor do Mose ar Arone metatʼkinạ, “Aben do Pharao raj ar Israelko baḍae ocoko ben, Probhu Isor do abene hukum akatʼ bena jemon Israelko Misor disạm khon ben oḍok idiko.”
Mose ar Aronakʼ bõsbudạ
14Noko doko tahẽkana Ruben, Simeon ar Lewi bõsren mathakoge:
Israelren maraṅicʼ hopon Rubenren hoponko doko hoyokʼ kana Hanok, Pạlu, Hesron ar Karmi. Noko do Ruben gusṭikoren apatkoko tahẽkana.
15Simeonren hoponko doko hoyokʼ kana Jemuel, Jamim, Ohad, Jakin, Sohar ar mitʼṭen Kanani maejiuren hopon Sạul; onko do Simeon gusṭiren apatkoko tahẽkana.
16 #
Num 3.17-20; 26.57,58; 1 Bõs 6.16-19 Janam lekate Liwiren hoponko doko hoyokʼkana Gerson, Kohat ar Merari. Ar Lewi do mitʼsae pe gel eae bochor jiwetʼe tahẽkana.
17-19Lewi gusṭiren eṭakʼ eṭakʼ bõs reakʼ tạlika lekate nokoge bõskoren mathako tahẽkana; Gersonren hopon do Libni ar Simai, Kohatren hopon doko hoyokʼ kana Amram, Jishar, Hebron ar Usiel; Merariren hopon do Mahli ar Musi. Kohat do mitʼsae pe gel pe bochor jiwetʼe tahẽkana. Noko jotoge Lewi gusṭiren apatko tahẽkana.
20Amramren hopon dokin hoyokʼ kana Aron ar Mose. Amram do acʼ babaren miserat Jokebete baplaledea ar uniren do noko hoponko hoylena. Amram do mitʼsae pegel eae bochor jiwetʼe tahẽkana.
21Jisharren hopon doko hoyokʼ kana Koreh, Nepheg ar Sikri.
22Usiel ren hoponko doko hoyokʼ kana Misayel, Elsaphan ar Sithri.
23Aronren hopon doko hoyokʼ kana Nadab, Abihu, Eleasar ar Ithamar. Aron do Aminadabren hoponera Nahsonren misera Elisebae baplaledea ar uni khonge noko doko janamlena.
24Korehoren hoponko doko hoyokʼ kana Asir, Elkana, Abiasaph. Noko do Koreho gusṭiren apatkoko tahẽkana.
25Eleasarren hopon doe hoyokʼ kana Pinhas. Aronren hopon Eleasar do Putialren hoponerae baplaledea ar uniren do Pinhase janamena. Nokoge Lewi gusṭiren mathako tahẽkana.
26Aron ar Mosege Probhu Isore metatʼkin tahẽkana jemon unkin do phạdko leka Israelko Misor disạm khon kin oḍok idiko. 27Mose ar Aronge Misor disạm khon Israelko oḍok idiko reakʼ katha Misorren Pharao raj kin metade tahẽkana.
Mose ar Aron lạgitʼ Isorakʼ hukum
28-29Probhu Isor do Misor disạmre Mose tulucʼ galmarao jokhecʼe metade tahẽkana, “Ińge Probhu Isor do. Ar okaṭakʼ iń menakatʼme ona jotowakʼge am do Misor disạmren rajem baḍae ocoyea.”
30Menkhan Mose do Probhu Isore metade tahẽkana, “Pharao do ińakʼ katha bae luturakʼa, ente iń do hamal moca hoṛ kạnạń.?”
Currently Selected:
Exodus 6: SBT
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
