Dosar Biboron 25
25
1“Hoṛko talare jhogṛa jhạṭi hoylenre ar adalot hạbicʼ senlen khan bikʼcạrko do bin dusiyicʼ do bin dusi ar dusiyicʼ do dusi menkateko bicạr chinḍạukatakoma. 2Ona rayre dusiyicʼ do dale reakʼ hukum hoylen khan bikʼcạricʼ do uniye taber ocoyea ar dos akatʼ lekate lekhakate acʼ samaṅregeye dal ocoyea. 3#2 Kor 11.24Menkhan pongel ṭheṅga khon bạ̃ṛti dale do baṅ hoyokʼa. Niạ khon bạ̃ṛti dalle khan Israel boeha do sanam hoṛko samaṅreye bemanot ocokʼa.
4 #
1 Kor 9.9; 1 Tim 5.18 “Ekʼen kan ḍaṅgra do moca alom toltaea.
5 #
Mat 22.24; Mrk 12.19; Luk 20.28 “Boeha boeha mitʼ gharońjreko tahenre jãhãe begor gidrạwanteye gocʼlen khan, uniren rạnḍi maejiu do gharońj bahre eṭakʼ jãhãre bae bapla daṛeakʼa. Uniren erweltetʼ koṛa do uniye baplayea ar uni do dadattetʼ lạgitʼ bõse teṅgokoa. 6Ar uniren pạhilicʼ hoponge uniren gocʼ akanicʼ dadattetʼakʼ ńutume rukhiyạya ar uni boehawakʼ ńutum Israelko tala khon baṅ meṭaokʼtaea. 7#Rut 4.7,8Menkhan erweltetʼ koṛa uni rạnḍi maejiu baplaye bae rạjikʼ enḍekhan uni maejiu do ato se nagraha reakʼ phaṭok-duạrre murubbiko ṭhen senkateye mena, ‘erweliń koṛa do ińren jãwãeyakʼ ńutum Israelko talare rukhiyại lạgitʼ bae rạjikʼkana. Ar ińre oka dạyik menakʼtae ona manao hõ bae khojkana.’ 8Unre onḍenko murubbi do uni hoṛ hohowaeteko bujhạuaea. Ar ona tayom hõ uni baplaye lạgitʼ bae rạjikʼ, 9enḍekhan uniren hilit era do murubbiko samaṅrege erweltetʼ koṛa ṭhen sen sorkate uniyakʼ panaheye bojtaea ar mẽtʼãhãreye thoaea are mena, ‘dadattetʼakʼ bõs okoe rukhiyại bae men uni do nonkawaege ṭhika.’ 10Ar Israelko talare uni hoṛakʼ bõs do ‘Bocʼ panahe bõsko’ metakʼa.
11“Bar hoṛkin lạṛhại oktere unkin modren mitʼ hoṛren maejiu do acʼren jãwãe bańcaoe lạgitʼ sen sorkate eṭakʼ herel hoṛakʼ hereltetʼe racakʼ lekhan, 12enḍekhan uni maejiuakʼ ti do samakʼ giḍikakʼ hoyokʼa. Uni do alogepe dayawaea.
13 #
Lev 19.35,36 “Apeakʼ thạilạkʼre mitʼṭecʼ do ḍher ojon reakʼ ar mitʼṭecʼ do kom ojon reakʼ nonka bar lekan baṭkhara do alo baṛe tahentapema. 14Apeakʼ oṛakʼre mitʼṭecʼ do lạṭu ar mitʼṭecʼ do kạṭicʼ nonkan bar lekan sosoṅakʼ hõ alo tahenma. 15Aperen Probhu Isor okaṭakʼ disạme emape lạgidokʼkan onḍe jemon ḍher dinpe bahaokʼ onate ṭhik lekan sosoṅakʼ baṭkhara ar tulạpe dohoya. 16Okoeye nonkae, metakʼme, ṭhokʼkayicʼ hoṛ do aperen Probhu Isore hirkhạwaea.
17 #
Exo 17.8-14; 1 Sam 15.2-9 “Misor disạm khonpe oḍok hecʼen tayom Amalekiko horre ape sãote okako cekaletʼ ona do alope hiṛińa. 18Onko do aperen tayomreko tahẽkan hoṛko okoe do laṅga ar reńgecʼteko tahẽkan onko cetanre jhãpko emleda. Onko do Isor bako botoradea. 19Aperen Probhu Isor okaṭakʼ disạm do sompotti lekate dokhol lạgitʼe emapekan onḍe beṛhaeten bạiriko sãote lạṛhạikate tinreye jirạu ocopea unre dhạrti khon Amalekikope marao utạrkoa. Noa katha do alogepe hiṛińa.
Currently Selected:
Dosar Biboron 25: SBT
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
