रोमी 9
9
परमेश्वरै भाक्च जाति
1ङा साँचो कुरा ङाक्ले, ङा ख्रीष्टौ भर्मी हो र ङा झूटो माङाक्ले। पवित्र आत्मौ अधीनाङ लेच ङौ विवेकै र ङा माढाँट्डीले डेयार निश्चित जाट्ले। 2ङौ प्यारो इस्राएली डाजेभाइको र डैबहिनीकुङ लागि ङौ हृदयाङ साह्रै दु:ख र पिडा छान्नने। 3हीजैडेनाङ ङौ लहो न इस्राएली डाजेभाइको र डैबहिनीकै उद्धार डुप्च लेनाङ च ङा ख्रीष्ट लकीङ लोस छानार सराप डुप्कीर तयार छान्च लेया। 4होखुरीक इस्राएलीको हो र परमेश्वरै होखुरीककी लहो मीजाको खासा। होसकै लहो महिमा होखुरीककी टान्हाका। होखुरीकखाटा न करार छ्याकार व्यवस्था याहा। अनि परमेश्वरै होखुरीककी कुटजाट्न साँचो आराधना जाट्की पर्ले डेयार पाहाकार होखुरीकुङ लागि होसकै वास्टै प्रतिज्ञाको याहा। 5अब्राहाम, इसहाक र याकूब होखुरीकुङ लहो न बोइ बाज्युको हो। ख्रीष्ट लाहा न र होखुरीकुङ न वंशाङ जन्मडीसा। होसको न पट्ट डेनाङ कह्राङ्छ परमेश्वर ले। होसकुङ सधैँभरि प्रशंसा छान्न ङुख्यो! आमेन।
6इस्राएलीकै ख्रीष्टकी विश्वास माजाट्नाङ र परमेश्वरै होखुरीकखाटा जाट्च प्रतिज्ञा असफल छान्च होइन। हीजैडेनाङ इस्राएली जातिको लकीङ जन्मडीस्चको पट्ट न इस्राएलीको परमेश्वरौ सन्तानको होइन। 7अब्राहामौ लेन्जा मीजाको हो डेनाङ न पट्ट न होच्यो सन्तानको माछान्ने। हीजैडेनाङ धर्मशास्त्राङ इटजाट्न रीक्ङने, “इसहाक लकीङ जन्मडीस्च सन्तानको मट्टै नाकुङ सन्तानको छान्ने।”#उत्पत्ति २१:१२ 8इच्यौ अर्थ अब्राहाम लकीङ जन्मडीस्च पट्ट न सन्तानको परमेश्वरौ सन्तानको होइन। तर परमेश्वरै याल्हे डेयार प्रतिज्ञा जाट्च सन्तानको मट्टै अब्राहामौ सन्तानको हो। 9परमेश्वरै इटजाट्न प्रतिज्ञा जाट्नन्या, “नाम्ल्हेस ठिक इसे समयाङ न ङा ल्हेस्न राछ बेलाङ नाकुङ मास्टो सारै लेन्जा मीजा डीन्ल्हे।”#उत्पत्ति १८:१०,१४
10इसे लेन्जा मीजा कानुङ पुर्खा इसहाक लेया। होचे रिबेकाकी ब्याहा जाटा र रिबेकै जुम्ल्याहा लेन्जा मीजाको डीन्हा। 11-13तर जुम्ल्याहा लेन्जा मीजाको डीन्खी डेनाङ पहिला मीटुकाङ लेनाङ न होखुरीकै सेछ र मास्च काम हीर माजाट्न न परमेश्वरै जुम्ल्याहा लेन्जा मीजाको मध्याङ काट जनाकी चुन्डीयार रिबेकाकी डेया, “डाजे चहिँ भायो सेवा जाट्च छान्ने।”#उत्पत्ति २५:२३ परमेश्वरै डेनाङ लेखा धर्मशास्त्राङ याङ्च रीक्ङने, “ङै याकूबकी माया जाटा र एसावकी घृणा जाटा।”#मलाकी १:२-३ इटजाट्न परमेश्वरै चुन्डीनाङ भर्मीकुङ काम ङोसार होइन तर होसकुङ लहो न इच्छा अनुसार चुन्डीच लेसा डेम इला टान्हाक्ङने।
14होट हो डेनाङ कान ही डेइङ ट? ही परमेश्वरै न्याय माजाट्ले ट? अवस्य जाट्ले! 15परमेश्वरै मोशाकी डेया, “सुकी ङा दया जाट्च मीमन जाट्ले होसकी न ङा दया जाट्ले, सुकी ङा माया जाट्च मीमन जाट्ले होसकी न ङा माया जाट्ले।”#प्रस्थान ३३:१९ 16होटबाटै भर्मीयो इच्छा वा कोशिसै होसकी आर्घाच होइन, तर परमेश्वरौ लहो न दयै चुन्डीच हो। 17धर्मशास्त्राङ परमेश्वरै मिश्र देशुङ फारो राजौ बारेयाङ इटजाट्न रीक्ङने, “ङा नाकोकी ङौ शक्ति टान्हाकार संसारभरि ङौ म्यार्मीन प्रचार जाट्च मीमन जाटार ङै नाकोकी राजा खास्च हो।”#प्रस्थान ९:१६ 18होट छान्चबाटै परमेश्वरै सुकी दया जाट्च मीमन जाट्ले, होसकी दया जाट्ले र सुकी कठोर पार्च मीमन जाट्ले होसकी कठोर पार्ले।
कुमाले र होच्यो भाँडा
19नाखुरीक मध्याङ सुयेर ङाकी इट डेकी ह्योक्ले औला, “होट हो डेनाङ हीजै अझै परमेश्वरै भर्मीकी दोष लैडीले ट? हीजैडेनाङ परमेश्वरौ इच्छाकी सुये इन्कार जाट्की ह्योक्ले?” 20ए भर्मीको, परमेश्वरौ विरुद्धाङ ङाक्च कान सुओर हक माले। झौ भाँडै होसकी खास्चकी ङाकी हीजै याङ्च खास्च डेले र? 21कुमालेइ झ्योच झा लकीङ लहो इच्छा अनुसारुङ भाँडा खास्ले। काट न झौ डल्ला लकीङ काट एकदम सेछ कामौ लागि भाँडा खास्की र होसे न झौ डल्ला लकीङ साधारण कामौ लागि भाँडा खास्की ही कुमालेखाटा अधिकार माले र?
22होटजाट्न न भर्मीकोखाटा कुटजाट्न व्यवहार जाट्की पर्ले परमेश्वरौ लहो इच्छौ कुरा हो। होसकै मीरीस टान्हाक्च र शक्ति टान्हाक्च मीमन जाट्नाङ र, होसकै नाश जाट्की पाच भर्मीकोलाक एकदम धैर्यखाटा सहडीमने। 23होसकै होखुरीककी हीजै इटजाट्न सहडीया? हीजैडेनाङ होसकै दया जाट्च भर्मीकोलाक लहो कह्राङ्छ महिमा टान्हाक्च मीमन जाटा। होसकै दया जाट्च र महिमा डुप्कीयो लागि तयार खास्च भर्मीको कान हो। 24हीजैडेनाङ होसकै आर्घाच भर्मीको कान न हो। होसकै यहूदीकोलाक मट्टै आर्घाच होइन, तर अन्यजातिकोलाक र आर्घाच हो। 25परमेश्वरै डेच कुरा होशे म्यार्मीनुङ अगमवक्तै इटजाट्न रीक्ङने,
“होखुरीक ङौ भर्मी मालेनाङ र
ङा होखुरीककी ङौ प्रजा डेयार आर्घाले,
ङै माया माजाट्चकोलाक
‘ङा माया जाट्ले’ डेम आर्घाले।”#होशे २:२३
26अनि होसे न ठावाङ अन्यजातिकोलाक इट डेमने,
“नाखुरीक ङौ प्रजा मालेया
तर अब नाखुरीककी जिउँदो परमेश्वरौ सन्तानको डेयार आर्घाले।”#होशे १:१०
27अनि यशैया अगमवक्तै इस्राएलीकुङ बारेयाङ इट डेले, “इस्राएलीको समुद्रौ बालुवा टडीक न लेनाङ र बाँकी लेचकै मट्टै उद्धार डुप्ले। 28हीजैडेनाङ प्रभुये इसे संसारकी छिटो न दण्ड याछ काम पूरा जाट्ले।”#यशैया १०:२२-२३ 29यशैया अगमवक्तै पहिला न इसे र रीक्ङने, “इडीक शक्तिशाली परमप्रभुये कानुङ लागि सन्तान माडास्च लेनाङ कान इस्राएलीको परमेश्वरौ दण्डै सदोम र गमोरुङ भर्मीको लेखा न नाश छान्च लेया।”#यशैया १:९
इस्राएलीकुङ अविश्वास
30अब कानै ही डेइङ ट? अन्यजातिको धर्मी छान्की मापानाङ र परमेश्वरकी विश्वास जाट्च बाटै होसकुङ म्याहासाङ धर्मी ठहरीसा। 31तर इस्राएलीको चहिँ व्यवस्था मन्डीयार परमेश्वरौ म्याहासाङ धर्मी ठहरीस्की पानाङ र होखुरीक धर्मी छान्की माह्योका। 32हीजै माह्योका ट? हीजैडेनाङ होखुरीकै विश्वास माजाट्न न धर्म-कर्म मट्टै जाटार परमेश्वरौ म्याहासाङ धर्मी ठहरीस्की पामन्या। होटबाटै होखुरीकुङ लागि ख्रीष्ट ठेस लग्डीस्च ल्हुङ लेखा न छाना। 33धर्मशास्त्राङ इटजाट्न रीक्ङने,
“ङोस्नी, ङा सियोनाङ काट ल्हुङ डाम याल्हे होला ठेस लग्डीस्ले र होचे बाधा याल्हे।
र वास्टै जना होसे ल्हुङाङ ठेस लग्डीसार कुह्रुले,
तर होसको मीटाक विश्वास जाट्च भर्मीकै चहिँ सेन र निराश छान्की मापर्ले।”#यशैया ८:१४; २८:१६
Currently Selected:
रोमी 9: EMGP
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.