रोमी 10
10
1ङौ विश्वासी डाजेभाइको र डैबहिनीको, ङौ हृदय लकीङ न इस्राएलीकोलाक परमेश्वरै उद्धार याख्यो डेच ङौ इच्छा ले। होटबाटै होखुरीकुङ लागि ङा परमेश्वरखाटा प्रार्थना जाट्ले। 2ङा इसे गवाही याल्हे की होखुरीक परमेश्वराङ एकदमै जोशिलो छान्की च पाले, तर परमेश्वरकी कुटजाट्न मन्डीकी पर्च हो, होसे कुरा होखुरीक माह्वार्ले। 3हीजैडेनाङ परमेश्वरै भर्मीकोलाक लहो म्याहासाङ धर्मी ठहरीच कुरा होखुरीकै वास्ता न माजाट्ले तर लाहा न व्यवस्था मन्डीयार परमेश्वरौ म्याहासाङ धर्मी ठहरीस्की पाले। होट छान्चबाटै परमेश्वरै धर्मी ठहरीच लामकी न होखुरीकै वास्ता माजाटा। 4ख्रीष्टै न व्यवस्थै डेच पट्ट न कुरा पूरा जाट्च बाटै होसकोकी विश्वास जाट्च पट्टको धर्मी ठहरीस्ले।#मत्ती ५:१७
पट्टकुङ लागि मुक्ति
5मोशै इटजाट्न रीक्ले, “व्यवस्था मन्डीयार धर्मी ठहरीस्च भर्मी होसे लकीङ न जीवाले।”#लेवी १८:५ 6विश्वास लकीङ परमेश्वरौ म्याहासाङ धर्मी ठहरीस्च बारेयाङ धर्मशास्त्राङ इटजाट्न रीक्ङने, “नाकुङ मीमनाङ इट माडेनी, ‘सु स्वर्ग नुङ्ले?’” इच्यौ अर्थ इसे हो की ख्रीष्टकी म्हाका राक्कीयो लागि ढेनाम स्वर्गाङ सु नुङ्ले। 7“अथवा लहो मीमनाङ इट र माडेनी, ‘पातालाङ सु झाल्ले?’” इच्यौ अर्थ इसे हो की सीचको लकीङ ख्रीष्टकी ढेनाम राक्कीयो लागि म्हाका पातालाङ सु झाल्ले? 8तर इचे ही डेले ट? “परमेश्वरौ वचन नाखुरीकुङ खेरेप न ले। इसे नाखुरीकुङ मेङ्गेराङ र हृदयाङ न ले।”#व्यवस्था ३०:१२-१४ कानै विश्वासौ बारेयाङ प्रचार जाट्च सेछ समाचार इसे कुरा न हो। 9इडीक नाखुरीकुङ मेङ्गेरै ख्रीष्ट न प्रभु हो डेयार स्वीकार जाट्ले अनि परमेश्वरै होसकोकी सीच लकीङ जीवाटाका डेम लहो हृदयाङ विश्वास जाट्ले डेनाङ नाखुरीकै उद्धार डुप्ले। 10हीजैडेनाङ नाखुरीकुङ हृदयै विश्वास जाटार न परमेश्वरौ म्याहासाङ धर्मी ठहरीस्ले अनि मेङ्गेरै स्वीकार जाटार उद्धार डुप्ले। 11धर्मशास्त्राङ इटजाट्न रीक्ङने, “होसको मीटाक विश्वास जाट्चकै सेन र निरास छान्की मापर्ले।”#यशैया २८:१६ 12यहूदी र अन्यजाति भर्मीयाङ हीर भेदभाव माले। काट न प्रभु पट्टकुङ प्रभु हो र होसकोकी पुकारीचकोलाक होसकै वास्टै आशिष याल्हे। 13धर्मशास्त्राङ इटजाट्न रीक्ङने, “प्रभुओ म्यार्मीनकी पुकारीच पट्टकै उद्धार डुप्ले।”#योएल २:३२ 14तर होसको मीटाक विश्वास माजाट्न कुटजाट्न होसकोकी पुकारीकी? होसकुङ बारेयाङ मासेम कुटजाट्न होसको मीटाक विश्वास जाट्की? होसकुङ बारेयाङ सुयेर वचन मासेटाक्ङ कुटजाट्न होसकुङ बारेयाङ सेकी? 15सेटाक्च भर्मीकोलाक बीर्न्हमाकाम कुटजाट्न सेटाक्की? धर्मशास्त्राङ रीक्ङने, “सेछ समाचार सेटाक्चको रान्हाङ कुडीक सेछ छान्ने।”#यशैया ५२:७
16तर सेछ समाचार सेच पट्टकै स्वीकार माजाट्नने। यशैया अगमवक्तै डेले, “प्रभु, कानै सेटाक्च वचनकी सुये विश्वास जाट्नने र?”#यशैया ५२:१ 17होटबाटै इसे कानकी थाहा ले, विश्वास सेयार राल्हे र सेच काम चहिँ ख्रीष्टौ वचन प्रचार लकीङ राल्हे। 18होटडेनाङ ही इस्राएलीकै सेछ समाचार सेकी माढीन्ने ट? होइन, साँच्ची न होखुरीकै सेमने। धर्मशास्त्राङ इटजाट्न रीक्ङने,
“होखुरीकै सेटाक्च सेछ समाचार संसारभरि न फैलडीस्नने
र होखुरीकै डेच कुरा संसारौ पार्च छेउसम्म न टाम्हने।”#भजनसंग्रह १९:४
19होट हो डेनाङ ङा फेरि र गीन्ने, ही यहूदीकै सेछ समाचार माबुझडीसा ट? बुझडीस्की च बुझडीसा, तर मापट्डीया। मोशौ समयाङ र परमेश्वरै होखुरीककी डेमन्या,
“अन्यजाति भर्मीकोलाक चुन्डीयार
ङा नाखुरीककी होखुरीकखाटा डाहा जाट्च खास्ले।
मूर्ख जातिकोलाक मुक्ति याहार
ङा नाखुरीककी मीरीस छ्युकाक्ले।”#व्यवस्था ३२:२१
20परमेश्वरै डेच कुरा यशैया अगमवक्तै साहसखाटा रीक्ङने,
“ङाकी पार मापाचकै ङाकी डुप्मने
र ङाकी गीन र मागीन्चको लेठाङ ङा डाङा।”#यशैया ६५:१
21होसकै इस्राएलीकुङ बारेयाङ डेया, “ङै डेच कुरा मामन्डीच र ङौ न विरोध जाट्च भर्मीकोलाक आर्घाकी दिनभरि ङै लहो मीहुट पसारीया।”
Currently Selected:
रोमी 10: EMGP
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.