রোমীয় আজল্ কধাগান্
আজল্ কধাগান্
বাইবেলর্ বেক্ বোইয়ুনোত্তুন্ রোমীয় নাঙে বোইবো খ্রীষ্টীয় ধর্মতত্ত্বর্ এক্কান পুরোপুরি দোল্ ফগদাং। পৌলে করিন্থত্ থেইনে এ চিধিগান রোমীয়গুনো ইধু লেখ্যে, মাত্তর্ তে নিজে সেক্কেয়ো রোমত্ ন-যায়। তে সিধু যেবার্ সল্লা গোজ্যে। তে চেইয়্যেদে সিধুগো খ্রীষ্টানুনো ইধু কয়েক দিন কাম্ গরানার্ পরেদি যেনে সিগুনে স্পেইনত্ যেবাত্তে তারে সাহায্য গরন্। পৌল তা চিধিগানত্ মান্জ্যর্ পাপে ভরা অবস্থাগানর কধা গমেডালে কোইয়্যে আর সেই পাপত্তুন্ তারারে উদ্ধোরত্তে গোজেনর্ সল্লার্ কধায়ো তে কোইয়্যে। তে এমন গুরিনে লেখ্যে যেন তে গম্ হবর্ পৌইদ্যেনে পুযোর্ গোজ্যে কয়েক্কো মান্জ্যরে জোব্ দের্। পৌল তারার্ পত্তি উল্লোমি কধার্ জোব্ দিবার পরেদি দেগা গেলদে যে, গোজেন দোয়্যের্ গম্ হবর্ পৌইদ্যেনে মানুচ্ যেদক্ বাবোত্যে প্রশ্ন তুলি পারন্ সিয়েনির বেক্ জোব্পানি তে দিয়্যে।
মূলুক্ মূলুক্ কধানি:
(ক) আজল্ কধাগান্ (১:১-১৭ পদ)
(খ) বেক্কুনে পাপী বিলিনে বেক্ মানুচ্চুনোর্ পাপত্তুন্ উদ্ধোরর্ দরকার (১:১৮-৩:২০ পদ)
(গ) বিশ্বেজর্ মাধ্যমে পাপত্তুন্ উদ্ধোরর্ বেবস্থা (৩:২১-৫:২১ পদ)
(ঘ) পাপত্তুন্ উদ্ধোরর্ পরেদি পবিত্র গুরিনে জিংকানি কাদানা (৬-৮ লামা)
(ঙ) ইস্রায়েলীয়গুনোর্ পাপত্তুন্ উদ্ধোরর্ বেবস্থা (৯-১১ লামা)
(চ) বিশ্বেজিগুনোর্ পত্তিদিনোর্ জিংকানি (১২:১-১৫:১৩ পদ)
(ছ) বেগ শেজদি (১৫:১৪-১৬:২৭ পদ)
Currently Selected:
রোমীয় আজল্ কধাগান্: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society