লেবীয় 5
5
1“নিজোর্ দেগানা বা শুনোনা কনঅ পৌইদ্যেনে বিচের অক্তত্ সাক্ষী দিবার্ সুযোগ পেইনেয়ো যুনি কনজনে জুরো গুরি থায়্ ছালে সিয়েন্ তার্ পক্ষে পাপ অবঅ আর সে অন্যেয়ানত্তে তারে দায়ী গরা অবঅ।”
2যুনি কনজনে হবর্ ন-পেইনে কনঅ ফিবলা কিজু ধরন্ ছালে তে নিজেয়ো ফিবলা অবঅ আর দুষি অবঅ, সিবে কনঅ ফিবলা ঝারর্ বা পালেয়্যে প্রাণীর্ মরাকিয়্যে ওক্ বা যে কনঅ চিগোন-চাগোন্ প্রাণীর্ মরা কিয়্যে ওক্।
3যিয়েন্ মান্জ্যরে ফিবলা গুরিনে মান্জ্যর্ কিয়্যের এমন্ ফিবলা কনঅ কিজু যুনি কনজনে হবর্ ন পেইনে ধরন্ ছালে সিয়েন্ জানিবার্ পরেদি তে দুষি অবঅ।
4উজিয়ার ন ওইনে শমক্ হেই পারে এধোক্ক্যেন কনঅ পৌইদ্যেনে কনজনে যুনি চিদে-চজ্জা ন-গুরিনে গম-ভান্ন্যেই কিজু গুরিবার্ শমক্ হেই থান্ ছালে সিয়েন্ হবর্ ন-পেইনে গুরিলেয়ো সিয়েন্ জানিবার্ পরেদি তে দুষি অবঅ।
5এদক্কানি অন্যেয়র্ কনঅ এক্কান্ যুনি কনজনে গুরিনে দুষি অন্ ছালে যে অন্যেয়্ তে গোজ্যে সিয়েন্ তাত্তুন্ কাম্-খা পুরিবো। 6সেক্কে সে অন্যেয়র্ জরিবানা ইজেবে তাত্তুন্ লগেপ্রভুর্ নাঙে পাপ-উৎসর্বত্তে এক্কো পাদি ভেড়াছাগল-ছঅ বা পাদিছাগল আনা পুরিবো, আর ধর্মগুরুবো তার্ অন্যেয়ানি ঢাগি দিবার্ বেবস্থা গুরিবো।
7যুনি তে পাদি ভেড়াছাগল-ছঅ আনি ন-পারে, ছালে তার্ সে অন্যেয়র্ জরিবানা ইজেবে লগেপ্রভুর্ নাঙে তাত্তুন্ দ্বিবে কঅ ন-অলে দ্বিবে কোদোর্ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে। 8তে সিবে আনিনে ধর্মগুরুগুনো আঢত্ দিবো আর ধর্মগুরুবো পত্তমে পাপ-উৎসর্বত্তে আন্যে পেক্কো উৎসর্ব গুরিবো। তে সিবে দ্বিকট্টা ন-গুরিনে মাঢাবো গত্তনাত্তুন্ মুজুরিনে আলগ্ গুরি নিবো। 9সে পরেদি তে পেক্কোত্তুন্ কিজু লো নেযেইনে পূজোবোর্ চেরোকিত্তে ছিদি দিবো, আর বাদবাগি লো-গান্ চিবি নিগিলেইনে পূজোবো গোড়াত্ ফেলেব; ইবে এক্কো পাপ-উৎসর্ব। 10অন্য পেক্কোলোই সুদোম্ মজিম পুজ্যে-উৎসর্বর্ অনুষ্ঠান গুরিনে ধর্মগুরুবো তার্ সে অন্যেয়ানি ঢাগি দিবার্ বেবস্থা গুরিবো; সেক্কে তারে ক্ষেমা গরা অবঅ।
11“যুনি তে দ্বিবে কঅ বা কোদোর্ আনি ন-পারে, ছালে পাপ্ উৎসর্বত্তে তাত্তুন্ এক কেজি আস্টোশ গ্রাম নিগুজ মোয়দে আনা পুরিবো। ইবে পাপ-উৎসর্ব বিলি তে সিয়েন উগুরে তেলঅ ন-ঢালিবো বা লোবান ন-রাগেব।” 12সেই মোয়্দেগান্ তে ধর্মগুরুবো ইদু নেযেব। গোদা উৎসর্বয়ানর্ বদলে ধর্মগুরুবো সিয়োত্তুন্ এক মুঠ্ মোয়্দে তুলি নেযেইনে পূজোবোত্ লগেপ্রভুর্ নাঙে আগুন্দোই-গোজ্যে উৎসর্বর্ জিনিস্ছানি উগুরে পুড়ি ফেলেব; ইবে এক্কো পাপ-উৎসর্ব। 13তে যে অন্যেয়্ গোজ্যে ধর্মগুরুবো এবাবোত্যেগুরি সিয়েন্ ঢাগি দিবার্ বেবস্থা গুরিবো আর সেক্কে তারে ক্ষেমা গরা অবঅ। এ উৎসর্বর্ জিনিজোর্ বাদ্বাগি ভাক্কানি শোজ্য-উৎসর্বর্ জিনিজো ধোক্ক্যেন ধর্মগুরুগুনোর্ পাওনা অবঅ।
দুষ্-স্বীগের্
14ইয়েন পরেদি লগেপ্রভু মোশিরে কলঅ, 15মনত্ ভান্ন্যেয়র্ আওজ্ ন-রাগেইনে যুনি কনজনে লগেপ্রভুর্ নাঙে যুদো গুরি রাগেয়ে জিনিজো পৌইদ্যেনে তার্ উগুম্ অমান্য গরন্, ছালে তার্ অন্যেয়র্ জরিমানা ইজেবে লগেপ্রভু ইদু তাত্তুন্ এক্কো থুদো নেইয়্যে পাদা ভেড়া আনা পুরিবো। ইবে এক্কো দুষ-স্বীগের পূজো। সিয়েন্ বাদে ধর্মীয় শেখেল মজিম যেত্তমান রূবো তুই ভেড়াবোর্ দামান্ ঠিগ গুরি দিবে সে পরিমাণ রূবো তাত্তুন্ ক্ষেদিপূরোণ ইজেবে দিয়্যে পুরিবো। 16সেই শুদ্ধ-সাংগ জিনিজো পৌইদ্যেনে তে অন্যেয়্ গোজ্যে বিলি তাত্তুন্ এ ক্ষেদিপূরোণ্ দিয়্যে পুরিবো। ইয়েন্বাদে ভেড়াবোর্ দাম সমারে আরঅ্ পাঁচ ভাগর্ এক ভাগ্ দাম তাত্তুন্ ধর্মগুরুবো আঢত্ দিয়্যে পুরিবো। ধর্মগুরুবো সেই ভেড়াবো নেযেইনে দুষ-স্বীগেরর্ ডালি ইজেবে সিবে ডালিপূজো গুরি তার্ অন্যেয়ান্ নাঢি দিবার্ বেবস্থা গুরিবো আর সেক্কে তারে ক্ষেমা গরা অবঅ।
17“যুনি কনজনে হবর্ ন-পেইনে লগেপ্রভুর্ মানা গোজ্যে কনঅ কিজু গুরিনে অন্যেয়্ গুরি ফেলায় ছালে তে দুষি অবঅ আর সেনত্তে তাত্তুন্ দায়ী উয়ো পুরিবো। 18সেক্কে তে তার্ দুষ্চান-স্বীগের গুরিবাত্তে তর্ ঠিগ্ গুরি দিয়্যে দামর্ এক্কো থুদো নেইয়্যে ভেড়া আনিনে ধর্মগুরুবোর্ আঢত্ দিবে। তে হবর্ ন-পেইনে যে অন্যেয়ান্ গোজ্যে সিয়েনত্যে ধর্মগুরুবো তার্ অন্যেয়ান্ ঢাগি দিবার্ বেবস্থা গুরিবো; সেক্কে তারে ক্ষেমা গরা অবঅ। 19ইবে এক্কো দুষ-স্বীগেরর্ ডালিপূজো, কিত্তে তে লগেপ্রভু ইদু দুষী।”
Currently Selected:
লেবীয় 5: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
