যিহোশূয় 19
19
শিমিয়োন-গুট্টির জাগায়ানি
1দ্বিপল্লা চাম্বা চানার পরেন্দি শিমিয়োন-গুট্টির নাঙানি উদিলো আর তার নানান্ বংশর জাগানি ঠিগ্ গুরি দিয়্যে অলঅ। তারার সোম্বোত্তিগানি যিহূদা-গুট্টির জাগায়ানি ভিদিরে পড়িলো। 2শিমিয়োন-গুট্টির সোম্বোত্তিগানি ভিদিরে পড়িলো বের্-শেবা, শেবা, মোলাদা, 3-5হৎসর-শূয়াল, বালা, এৎসম, ইল্তোলদ, বথূল, হর্মা, সিক্লগ, বৈৎ-মর্কাবোৎ, হৎসর-সুষা, 6বৈৎ-লবায়োৎ আর শারূহন নাঙে তেরগান শঅর্ আর সিগুনোর কায়-কুরে বেক্ আদামানি। 7-8ইয়েনিবাদে ঐন্, রিম্মোন, এথর আর আশন নাঙে চেরান শঅর্ আর সিগুনোর কায়-কুরে বেক্ আদামানি আর বালৎ-বের, অত্তাৎ নেগেভর রামা সং সে বেক্ শঅরানির্ চেরোকিত্তে অন্য বেক্ আদামানিয়ো তারা পেইয়োন। ইয়েনি অলঅ শিমিয়োন-গুট্টির নানান্ বংশর সোম্বোত্তি। 9সে সোম্বোত্তিগানি যিহূদা-গুট্টির্ ভাগত্তুন্ নেযা ওইয়্যে, কিত্যে যিহূদা-গুট্টির দরকারত্তুন্ বেশ্ জাগা তারার্ ভাগত্ পোজ্যে। সেনত্তেই যিহূদা-গুট্টির জাগায়ানি ভিদিরে শিমিয়োন-গুট্টিগুনে তারার সোম্বোত্তিগানি পেইয়োন।
সবূলূন-গুট্টির জাগায়ানি
10তিন পল্লা চাম্বা চানার পরেন্দি সবূলূন-গুট্টির নাঙানি উদিলো আর তার নানান্ বংশর জাগায়ানি ঠিগ্ গুরি দিয়্যে অলঅ। তারার জাগায়ানির দুযি এলঅ সারীদ সং। 11সিয়েনত্তুন দুযির চিহ্নোগান পোজিমেন্দি মারালা সং যেইনে দব্বেশৎ ওইনে যক্নিয়ামর মুজুঙোত্ গঙারত্ যেইনে পড়িলো। 12সে দুযির চিহ্নোগান সারীদত্তুন পূগেন্দি ঘুরি কিশ্লোৎ-তাবোর আদাম সং গেলঅ আর সে পরেন্দি দাবরৎ ওইনে যাফিয়তদ্ উদি গেলঅ। 13-14পরেন্দি সে দুযির্ চিহ্নোগান পূগেন্দি গাৎ-হেফর আর এৎ-কাৎসীন সং গেলঅ। সে পরেন্দি সিয়েন নেয়ের ইন্দি ঘুরিনে রিম্মোণত্ গেলঅ আর রিম্মোনর উত্তোরেন্দি ঘুরিনে হন্নাথোনত্ গেলঅ আর যিপ্তহেল-কিজিঙোত্ যেইনে থুম্ অলঅ। 15সবূলূন-গুট্টির জাগায়ানি ভিদিরে এলদে কটৎ, নহলাল, শিম্রোণ, যিদালা আর বৈৎ-লেহম আদামান্। তারা ভাগত্ পোজ্যে বারগান্ শঅর্ আর সিয়েনির কায়-কুরে আদামানি।
16এ বেক্ শঅরানি আর সিয়েনর কায়-কুরে আদামানি সবূলূন-গুট্টির নানান্ বংশর সোম্বোত্তি অলঅ।
ইষাখর-গুট্টির জাগা
17চের্ পল্লা চাম্বা চানার পরেন্দি ইষাখর-গুট্টির নাঙানি উদিলো আর তার নানান্ বংশর জাগায়ানি ঠিগ্ গুরি দিয়্যে অলঅ। 18তারার্ জাগায়ানি ভিদিরে পড়িলো যিষ্রিয়েল, কসুল্লোৎ, শূনেম, 19-21হফারয়িম, শীয়োন, অনহরত, রব্বীৎ, কিশিয়োন, এবস, রেমৎ, ঐন্-গন্নীম, ঐন্-হদ্দা আর বৈৎ-পৎসেস। 22তারার্ জাগানির দুযির্ চিহ্নগান তাবোর, শহৎসূমা আর বৈৎ-শেমশ ওইনে যর্দনত্ যেইনে থুম্ অলঅ। ষুলোগান্ শঅর্ আর সিয়েনর কায়-কুরে বেক্ আদামানি তারার্ ভাগত্ পড়িলো।
23এ বেক্ শঅরানি আর সিয়েনির কায়-কুরে আদামানি ইষাখর-গুট্টির নানান্ বংশর সোম্বোত্তি অলঅ।
আশের-গুট্টির জাগায়ানি
24পাচ্ পল্লা চাম্বা চানার্ পরেন্দি আশের-গুট্টির নাঙানি উদিলো আর তার নানান্ বংশর জাগায়ানি ঠিগ্ গুরি দিয়্যে অলঅ। 25তারার্ জাগায়ানি ভিদিরে পড়িলো হিল্কৎ, হলী, বেটন, অক্ষফ, 26-27অলম্মেলক, অমাদ আর মিশাল। পোজিমেন্দি তারার্ জাগায়ানির দুযির্ চিহ্নোগান কর্মিল মুড়োবো আর শীহোর-লিব্নৎ ওইনে পূগেন্দি ঘুরিনে বৈৎ-দাগোনর ইন্দি গেলঅ আরঅ সবূলূন-গুট্টির চাগালা আর যিপ্তহেল কিজিঙান্ ওইনে কাবূল বাঙেন্দি রাগেইনে উত্তোরেন্দি বৈৎ-এমক আর ন্যীয়েল সং গেলঅ। 28যেরেন্দি সে দুযির্ চিহ্নোগান্ এব্রোণ, রহোব, হম্মোন আর কান্না ওইনে মহাসীদোন সং গেলগোই। 29-30সে পরেন্দি সিয়েন রামার ইন্দি ঘুরিনে দেবাল-ঘিজ্যে সোর শঅরত্ গেলগোই। যেরেন্দি সিয়েন হোষার ইন্দি ঘুরিনে অক্ষীব চাগালাগান্, উস্মা, অফেক আর রহোবর ইদু ভূমধ্য সাগরত্ যেইনে পড়িলো। আশের-গুট্টির ভাগত্ বাইশ্চান শঅর্ আর সিয়েনির কায়-কুরে আদামানি পড়িলো।
31এ বেক্ শঅরানি আর সিয়েনির কায়-কুরে আদামানি আশের-গুট্টির নানান্ বংশর সোম্বোত্তি অলঅ।
নপ্তালি-গুট্টির জাগায়ানি
32ছয় পল্লা চাম্বা চানার পরেন্দি নপ্তালি-গুট্টির নাঙানি উদিলো আর তার নানান্ বংশর জাগায়ানি ঠিগ্ গুরি দিয়্যে অলঅ। 33তারার্ জাগায়ানির দুযির্ চিহ্নোগান হেলফ আর সানন্নীমর এলোন গাজত্তুন্ আরাম্ভ ওইনে অদামী-নেকব আর যব্নিয়েল ওইনে লক্কুম্ সং গেলঅ আর যর্দন গাঙত্ যেইনে থুম্ অলঅ। 34সে পরেন্দি দুযির্ চিহ্নোগান্ পোজিমেন্দি যেইনে অস্নোৎ-তাবোরর ভিদিরেন্দি হুক্কোকত্ নিগিলি এলঅ। দোগিণে সবূলূন-গুট্টির দুযি সং, পোজিমে আশের-গুট্টির দুযি সং আর পূগেন্দি যর্দনর ইদু যিহূদা সং এলঅ নপ্তালি-গুট্টির দুযিগান্। 35তারার্ জাগায়ানি ভিদিরে এ দেবাল্-ঘিজ্যে আদামানি এলঅ: সিদ্দীম, সের, হম্মৎ, রক্কৎ, কিন্নেরৎ, 36অদামা, রামা, হাৎসোর, 37কেদশ, ইদ্রিয়ী, ঐন্-হাৎসোর, 38যিরোণ, মিগ্দল-এল, হোরেম, বৈৎ-অনাৎ আর বৈৎ-শেমশ। উনেশ্চান শঅর্ আর সিয়েনর কায়-কুরে আদামানি তারার্ ভাগত্ পড়িলো।
39এ বেক্ শঅরানি আর সিয়েনির কায়-কুরে আদামানি নপ্তালি-গুট্টির নানান্ বংশর সোম্বোত্তি অলঅ।
দান-গুট্টির জাগায়ানি
40সাত পল্লা চাম্বা চানার পরেন্দি দান-গুট্টির নাঙানি উদিলো আর তার্ নানান্ বংশর জাগায়ানি ঠিগ্ গুরি দিয়্যে অলঅ। 41তারার্ সোম্বোত্তিগানি ভিদিরে পড়িলো: সরা, ইষ্টায়োল, ঈর্-শেমশ, 42-44শালবীন, অয়ালোন, যিৎলা, এলোন, তিম্না, ইক্রোণ, ইল্তকী, গিব্বথোন, বালৎ, 45যিহূদ, বনে-বরক, গাৎ-রিম্মোণ, 46মেয়র্কোণ, রক্কোন আর যাফোর মুজুঙোন্দি চাগালাগান্। 47দান-গুট্টি তারার্ ভাগঅ জাগায়ানি বেক্কানি গজগত্ ন-নেযান্ বিলিনে তারার্ পক্ষেদি জাগায়ানি চিগোন্ ওইয়্যে। সেনত্তেই তারা লেশম শঅরান্ আক্রমণ গুরিনে সে জাগার্ মানুচ্চুনোরে ওদেই দিলো আর বেক্কুনোরে মারে ফেলেইনে সিয়েন গজক্ গুরিলাক্। তারা লেশমত্ বজত্তি গরা ধুরিলাক্ আর তারার্ পূরোণি মানুচ্চুনোর নাঙানি অনুসারে সে জাগায়ানর নাঙান্ রাগেলাক্ “দান।” 48এ বেক্ শঅরানি আর সিয়েনির কায়-কুরে আদামানি দান-গুট্টির নানান্ বংশর সোম্বোত্তি অলঅ।
যিহোশূয়র জাগায়ানি
49-50দেজ্চান ভাগ গুরি দেনা শেজ্ অলে পরেন্দি ইস্রায়েলীয়গুনে লগেপ্রভুর্ উগুম মজিম নূনর পূঅ যিহোশূয়রে দেজঅ ভিদিরে এক্কান সোম্বোত্তি দিলো। তারা তারে ইফ্রয়িম-গুট্টির জাগায়ানি ভিদিরে মুড়ো-মুড়ি চাগালার তিম্নৎ-সেরহ আদামান দিলাক্। তে সেই আদামান চেইয়্যে। সিয়েন নূয়ো গুরি বানেইনে যিহোশূয় সিয়েনত্ বজত্তি গরা ধুরিলো। 51ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর নানান্ গুট্টির বংশ-মুরুব্বীগুনে শীলোত মিলন-তাম্বুর দোরান ইদু লগেপ্রভুর মুজুঙোত্ চাম্বা চেইনে এ বেক্ জাগায়ানি ঠিগ্ গুরি দিলো। এধোক্ক্যেনগুরি তারা দেজ্চান ভাগ গরানার কামানি থুম্ গুরিলাক্।
Copyright © 2021 Bangladesh Bible Society