যোয়েল আজল্ কধাগান
আজল্ কধাগান
পুরোণ সুদোম সময়োর্ লিগিয়্যে-ভাববাদীগুনো ভিদিরে মনে অয় যোয়েলে এলদে বেগত্তুন্ পুরোণ। তে মনে অয় যিহূদা রেজ্যর্ রাজা যোয়াশর সময়ত্তুন্ ধুরি রাজা আহসর সময় সং আগাম্ কধা কোইয়্যে। এ বোইবোর্ আজল্ কধাগান্ অলঅ “লগেপ্রভুর দিন” (১ লামার্ ১৫ পদ; ২ লামার্ ১, ১১, ৩১; ৩ লামার্ ১৪ পদ)। যোয়েল নাঙে বোইবোর্ বেগত্তুন্ রিনি চেবার্ বিষয়ান্ অলঅ পুগ্-যুগোর্ আক্রমণ (১ অধ্যায়)। ভাববাদী জিংকানির্ কনঅ এক সময়োত্ জদবদে ভস্তগুরিয়্যে পুগ্-যুগে যিহূদা দেজ্চানরে আক্রমণ গোজ্যন্। যোয়েলে সেই পুগ্-যুগ্কুনোরে যে সৈন্যদল্লো আক্রমণ গুরিবাত্তে এজের্ সিবে লগে আর লগেপ্রভুর সেই দাঙর্ আর দর্গরেপারা দিনুনো সমারে তুলনা গোজ্যে। এ বোইয়ুনো ভিদিরে অবস্থা পরিবত্তন্অ পৌইদ্যেনে লেগা আঘে ২:১৮ পদত। এ পদ্তো সং যোয়েলে ভস্ত অনা কধা কোইয়্যে, সে পরেদি তে কোইয়্যে উদ্ধোরর্ কধা। বেক্ মানুচ্চুনো উগুরে গোজেন আত্মাগান্ ঢালি দিবার যে আগাম্ কধা যোয়েল বোইবোত্ লেগা আঘে সিয়েনঅ খিয়েল্ গুরিবার ধোক্ক্যেন এক্কান বিষয়।
মূলুক্ মূলুক্ কধানি:
(ক) পুগ্-যুগো আক্রমণর্ কধা (১ অধ্যায়)
(খ) শত্রুর আক্রমণর্ কধা (২ লামার্ ১-১১ পদ সং)
(গ) মনান্ ফিরেবাত্তে যিহূদা ইধু কোজোলী (২ লামার্ ১২-১৭ পদ সং)
(ঘ) আগামিদি উদ্ধোর্ আর বর্ দিবার এগেম্ (২ লামার্ ১৮ পদত্তুন্ ধুরি ৩ লামার্ ২১ পদ সং)
Currently Selected:
যোয়েল আজল্ কধাগান: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society