যিশাইয় 4
4
1সেদিন্যে সাত্তো মিলে এক্কো মরদরে ধুরিনে কবাক্, “আমার হানা-উরোনার্ বেবস্থা আমি নিজেই গুরিবোং; বানা তঅ মোক্ বিলিনে যেন আমারে ডাগা অয় সেই অধিকারান্ দে। আমা অসর্মানান্ দূর্ গর্।”
লগেপ্রভুর্ চারাগাজ্সো
2সেদিন্যে লগেপ্রভুর চারাগাজ্সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্বো গরেপারা আর বাঈনীগরেপারা জিনিস অবঅ। 3সেদিন্যে সিয়োনত্ যিগুনে বাগি থেবাক্, অত্তাৎ যিরূশালেমত্ যিগুনে বাঁজি থেবাক্ তারারে পবিত্র বিলিনে ডাগা অবঅ। যিরূশালেমত্ বাঁজি থেবাত্তে সেই মানুচ্চুনোর্ নাঙানি লেগা আঘে। 4প্রভু তা আত্মালোই আগুন্ দিইনে দোল্ বিচের গুরিনে সিয়োন মিলেগুনোর্ কজরাগানি কাজেব আর যিরূশালেমত্তুন্ লো ঝরানার্ দাগ্কানি দূর্ গুরি দিবো। 5লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্জোল্যে আগুনো পহ্র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্। 6ইয়েন দিনো রোদ্তানত্তুন্ ছাবা পেবাত্তে এক্কান তাম্বুল্ আর ঝর্ বোইয়্যেরত্তুন্ রোক্ক্যে পেবাত্তে এক্কান আশ্রয়র্ জাগা অবঅ।
Currently Selected:
যিশাইয় 4: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
