যিশাইয় 2
2
লগেপ্রভুর্ মুড়ো
1যিহূদা আর যিরূশালেম পৌইদ্যেনে আমোসর পুয়ো যিশাইয় যিয়েনি দেখ্যে সিয়েনি অলঅ:
2শেজ্কালত্ বেক মুড়োমুড়িগুনো ভিদিরেত্তুন্
সেই মুড়োবোরে বেগত্তুন্ অজলত্ তুলো অবঅ
যিয়েনত্ লগেপ্রভুর্ ঘর্ আঘে।
চিগোন চিগোন মুড়োগুনোত্তুন্
সিবেরে অজলত্ তুলো অবঅ,
আর বেক্ জাদ্তুনে পানি গঙার ধোক্ক্যেন তান্দি যেবাক্।
3ভালোক্ জাদর মানুচ্ এইনে কবাক্,
“আঢঅ, আমি লগেপ্রভুর্ মুড়োবোত্ উদিয়োই,
আঢঅ, যাকোবর্ গোজেন ঘরত্ যেই।
তে আমারে তা পথ্তানি পৌইদ্যেনে শিক্ষ্যে দিবো
আর আমি তা পধেদি চলিবোং।”
তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ
আর যিরূশালেমত্তুন্ ফগদাং অবঅ লগেপ্রভুর কধানি।
4তে জাদ্তুুনো ভিদিরে বিচের্ গুরি দিবো;
ভালোক্ দেজর মানুচ্চুনো ভিদিরে মিলেমিলি অবাক্।
তারা তারার্ তলোয়ারানি ভাঙিনে নাঙ্গল ফাল্ বানেবাক্
আর যাদিগুন্ ভাঙিনে ঢাল ছাজিবার ছুরি বানেবাক্।
এক জাদে অন্য জাদর্ বিরুদ্ধে আর লাম্বাছুরি ন-তুলিবো;
তারা আর যুদ্ধো গুরিবাত্তে ন-শিগিবাক্।
5ও যাকোবর বংশধরুন্, এজঅ;
আঢঅ, আমি লগেপ্রভুর পহ্রে আঢাউদো গুরিই।
লগেপ্রভুর দিন
6তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন। 7তারা দেজ্ছান সোনা আর রূবোলোই ভরা, তারার ধন-সম্পদর শেজ্ নেই। তারা দেজ্ছান ঘোড়ালোই সয়সাগর আর তারার্ রথ্অ ভালোক্কানি। 8ইয়েনি বাদেয়ো তারা দেজ্ছান মুত্তিলোই ভরা। তারা আঢ্তোই বানেয়্যে জিনিজো ইদু তারা জু জু গরন্, তারা যিয়েনি আঙুল্লোই বানেয়োন সিয়েনি ইদু মাঢাবো নিগিরোন্। 9সেনত্তে মানুচ্চুনোরে লঙা অবঅ আর তারারে বেক্কুনোরে তলে গরা অবঅ। তারারে তুই ক্ষেমা ন-গুরিচ্।
10লগেপ্রভুর দর্বুগ্কান আর তার মহিমার জ্বলেত্যে আঢত্তুন্ রোক্ষ্যে পেবাত্তে তুমি দাঙর্ দাঙর্ শিলো ভিদিরে চমগোই, মাঢি ভিদিরে লুগি থাগঅ। 11বাড়্বো গোজ্যে মান্জ্যর রিনি চানাগান্ তলে গরা অবঅ আর বার্বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।
12বেগত্তুন্ খেমতাবলা লগেপ্রভু অহংকারী আহ্ বাড়্বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ। 13লেবাননর্ বেক লাম্বা আর অজল্ এরস গাজ্ছুন আহ্ বাশনর্ বেক এলোন গাজ্ছুন তলে লামা অবঅ; 14ইগুন বাদেয়ো বেক দাঙর্ দাঙর্ মুড়ো-মুড়িগুন্, 15পত্তি অজল্ চুগিদার-ঘর, পত্তি দরমর দেবাল্, 16বেক্ তর্শিশ-জাহাজ আর পত্তি সয়-সাগোজ্যে জাহাজ্চানি তলে গরা অবঅ। 17মান্জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ, 18আর মুত্তিগুন্ এক্কুবারে ভস্ত ওই যেবাক্।
19লগেপ্রভু যেক্কে পিত্থিমীর মানুচ্চুনোরে দর্বুক্ দেগেবাত্তে এবঅ সেক্কে তার্ দর্গরেপারা আর মহিমার্ জোল্জোল্যেগান আঢত্তুন্ রোক্ষ্যে পেবাত্তে মান্জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্। 20সেদিন্যে মান্জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।
21লগেপ্রভু যেক্কে পিত্থিমীর মানুচ্চুনোরে দর্ জিনিস্ছান দেগেবাত্তে এবঅ সেক্কে তার দর্গরেপারা আর তার মহিমার্ জোল্জোল্যেগান আঢত্তুন্ রোক্ষ্যে পেবাত্তে মান্জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।
22তুমি মান্জ্য উগুরে নির্ভর্ গরানা ছাড়ি দুয়ো। মান্জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।
Currently Selected:
যিশাইয় 2: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
