যিশাইয় 11
11
যিশয়র এক্কো চারা গাজ্
1যিশয়র গড়াত্তুন্ এক্কো নূয়ো চারা নিগিলিবো;
তা শিঙোরর্ সেই চারাবোত্ গুলোগুলি ধুরিবাক্।
2তা উগুরে থেবদে
লগেপ্রভুর আত্মাগান্,
জ্ঞান আর বুঝিবার আত্মাগান্,
সল্লা আর খেমতার আত্মাগান্,
বুদ্ধি আর লগেপ্রভু উগুরে ভোক্তিবলা দর্ গরানার আত্মা।
3তে লগেপ্রভু উগুরে ভোক্তিবলা দর্লোই হুজি অবঅ।
তে চোগেদি যিয়েনি দেগিবো সিয়েনিলোই বিচের্ ন-গুরিবো,
বা কানেদি যিয়েনি শুনিবো সিয়েনিলোই মীমাংসা ন-গুরিবো;
4মাত্তর্ নাঢা মানুচ্চুনো উগুরে গম্ বিচের্ গুরিবো,
আর পিত্থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।
লুদিগো ধোক্ক্যেন্ গুরি তে মুয়ো কধালোই পিত্থিমীগানরে আঘাত্ গুরিবো,
আর পাজিগুনোরে মারে ফেলেব তা মুয়ো নিজেস্ছোই।
5সততাগান্ অবদে তার কমর্-বিজোনি
আর বিশ্বেজ্চান অবদে তার কমরত্ বানিবার্ ফিতে।
6চিদিরে বাঘে ভেড়া ছঅ লগে বজত্তি গুরিবো,
হোক্ক্যেবাগে ঘুম যেবাক্ ছাগল ছঅ লগে;
গোরু ছঅ, দামাড়া সিংহ আর পক্তামক্তা মাদামুনে এক সমারে থেবাক্,
আর চিগোন পুয়োগুনে তারারে চোড়েবাক্।
7গোরু আর ভালুগে এক সমারে চড়িবাক্,
আর তারার্ ছঅগুনে একসমারে ঘুম্ যেবাক্;
সিংহ গোরু ধোক্ক্যেন ঘাস হেবাক্।
8বিষ্বলা সাব গাদ মুয়োত্ চিগোন গুরোয় খারা কবাক্,
আর চিগোন পুয়ো-ছাগুনে বিষ্বলা সাব গাদত্ আঢ্ দিবাক্।
9মঅ পবিত্র মুড়োবোর কনঅ জাগাত্
কনজনে খেতিয়ো ন-গুরিবাক্, ভস্তয়ো ন-গুরিবাক্,
কিত্তে বড়্ সাগরানে যেধোক্ক্যেন্ পানিলোই পেলেং পেলেং থায়
সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্থিমীগান পেলে পেলে অবঅ।
10সেদিন্যে যিশয়র গড়াগান্ বেক্ জাদ্তুনোত্তে বাবতা ধোক্ক্যেন্ ওইনে থিয়্যেব; বেক জাদ্তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ। 11সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্পুনোত্তুন্ উদ্ধোর্ গুরি আনিবাত্তে দ্বিবার তা আঢ্তান বাড়েই দিবো।
12তে জাদ্তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্থিমীর চেরো কিত্তেত্তুন্ এগত্তর্ গুরিবো। 13ইফ্রয়িমর ইংসে দূর্ ওই যেবঅ আর যিহূদার্ শত্রু মনভাব্পান আর ন-থেবঅ। ইফ্রয়িমে যিহূদা উগুরে ইংসে ন-গুরিবো, যিহূদায়ো ইফ্রয়িম লগে শত্রুতা ন-গুরিবো। 14তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্। 15লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্তো নালা বানেব, যেন মান্জ্যে জদা পিনিনে পার্ ওই পারন্। 16মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।
Currently Selected:
যিশাইয় 11: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
