যিহিষ্কেল 15
15
আংগুর গাজর্ উদাহরন
1পরেদি লগেপ্রভু মরে কলঅ, 2ও মান্জ্যর্ পুয়োবো, আংগুর গাজর্ ডেলাগুন্ কি ঝারর্ অন্য যে কনঅ গাজ ডেলাত্তুন্ গম্? 3দরকারী কনঅ কিজু বানেবাত্তে কি সিগুনোত্তুন্ তক্তা নেযা অয়? পযাপিরা ঠাঙেই রাগেবাত্তে মান্জ্যে কি সিয়েনিলোই দুড়ি বানান্? 4জ্বালেবার তক্তা ইজেবে সিয়েন আগুনোত্ ফেলানার পরেদি যেক্কে তক্তাগানর দ্বিকিত্তেদি পড়ি যায় আর সংমোধ্যেগান কালা ওই যায় সেক্কে কি সিয়েন কনঅ কামত্ লাগে? 5আগুনোত্ ফেলেবার আগেদি যুনি সিয়েন কন কিজুত্তে কামত্ ন-লাগি থায় সালে আগুনোত্ পুড়িনে কালা ওই গেলে কি সিয়েনদোই কনঅ দরকারী কিজু বানা যায়?
6“সেনত্তে মুই প্রভু লগেপ্রভু কঙত্তে, ঝার গাজ্চুনো ভিদিরে আংগুর গাজর্ ডেলাগুন মুই যেবাবোত্যে দার্বো ইজেবে আগুনোত্ দুয়োং, সেবাবোত্যে যিরূশালেমত্ বজত্তি গুরিয়্যে মানুচ্চুনোরেয়ো আগুনোত্ দিম। 7মুই তারা বিরুদ্ধে যেম্। আগুনোত্তুন্ তারা নিগিলি এলেয়ো আগুনানে তারারে পুড়ি ফেলেব। মুই যেক্কে তারা বিরুদ্ধে যেম্ সেক্কে তুমি হবর্ পেবা যে, মুয়ই লগেপ্রভু। 8দেজ্চান মুই মানুচ্ নেইয়্যে গুরিম, কিত্তে তারা অবিশ্বেজি ওইয়োন্। মুই প্রভু লগেপ্রভু এ কধাগান কঙর্।”
Currently Selected:
যিহিষ্কেল 15: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
