যাত্রা 37
37
সাক্ষ্য-সুন্দুক
1বৎসলেলে বাব্লা তক্তালোই সাক্ষ্য-সুন্দুক্কো বানেল। সিবে আড়ি আত্ লাম্বা, দেড় আত্ পাদাজ্জ্যে আর দেড় আত্ উজু গুরি বানা অলঅ। 2সিবে ভিদিরে আর বারেদি খাটি সনালোই বেড়েই দিয়্যে অলঅ আর তার্ চের্ কাজান্দি ধুরি থেলদে সনার্ আড়ুক্কোই। 3ছাজি ফেলেইনে চের্বো সনার্ হেবা বানেইনে সিবের্ চের্বো পায়্যেত্ লাগা অলঅ-একডাগেন্দি দ্বিবে, আরেক্ ডাগেন্দি দ্বিবে। 4সে পরেদি বাব্লা তক্তালোই দ্বিবে লুদিক্ বানেইনে সিবে সনালোই বেড়েই দিয়্যে অলঅ। 5সুন্দুক্কো বুয়োই নিবাত্তে সিবের্ দ্বিডাগেদি হেবাগুনোর ভিদিরেন্দি সেই দ্বিবে লুদিক্ ভোরেই দিয়্যে অলঅ।
6সে পরেদি বৎসলেলে খাটি সনালোই সিন্দুগোর্ ঢাগনিগান্ বানেল। সিবে লাম্বান্দি অলদে আড়ি আত্ আর পাদাজ্জ্যেদি দেড়্ আত্। 7ঢাগনিগানর্ কাজাকুরে সনা পিদেইনে দ্বিবে করূব বানেই দিয়্যে অলঅ। 8করূব দ্বিবে সুন্দুগোর্ দ্বিকাজাকুরেন্দি থেলাক্। সেই করূব দ্বিবে ঢাগনিত্তুন্ এমন্ গুরি বানা অলঅ যেনে বেক্কানে মিলিনেই বানা এক্কান জিনিস অয়। 9তারার্ ডুয়োগানি উগুরেন্দি মিলি দিয়্যে অলঅ আর সেই ডুয়োনির্ ছাবাত্ তলে এলঅ সুন্দুগোর্ ঢাগনিগান। করূব্পুনে মুজুঙো-মুজুঙি গুরি ঠিয়্যেই থেলাক্ আর তারার্ চোক্কুন ঢাগনিগানন্দি।
থেবার-তাম্বুলর্ টেবিলান
10বৎসলেলে বাব্লা তক্তালোই দ্বিআত্ লাম্বা, এক আত্ পাদাজ্জ্যে আর দেড় আত্ উজু গুরি এক্কান্ টেবিল বানেল। 11তে সিয়েন্ খাটি সনালোই বেড়েই নিলো আর তার্ চের্ কাজাকুরেন্দি ধুরি থেলঅ সনার্ আড়ুক্কোই। 12টেবিলানর্ চেরোকিত্তে কাজাত্ চের্ আঙুল্ উজু গুরি এক্কান্ বেড়া বানা অলঅ। সেই বেড়াগান উগুরে সনালোই আড়ুগোর্ কাম্ গরা অলঅ। 13ছাজি ফেলেয়্যে চের্বো সনার্ হেবা বানেইনে টেবিলোর্ চের্ কোণাত্ চের্বো পায়্যে উগুরে লাগেই দিয়্যে অলঅ। 14সেই হেবাগুন্ টেবিলোর্ কাজাকুরেদি সেই উজু বেড়াগান কায়-কুরে লাগা অলঅ যেনে টেবিলান্ বুয়োই নিবাত্তে হেবাবোর্ ভিদিরেন্দি লুদিক্কুন্ ভরা যায়। 15টেবিলান্ বুয়োই নিবার্ লুদিক্কুন্ বাব্লা তক্তালোই বানেইনে সনালোই বেড়েই দিয়্যে অলঅ। 16টেবিলানর্ পযাপিরানি খাটি সনালোই বানা অলঅ। সিগুন অলদে দাঙর্ আর চিগোন্ বাজোনুন্ আর ঢালন-উৎসর্বর্ বেক্ কুম্ আর কদরাগুন্।
চেরাগ বদং
17খাটি সনালোই বৎসলেলে এক্কো চেরাগবদঙ্ বানেল। সিবের্ তলেন্দি কট্টাগান্ আর সিয়োত্তুন্ উদি যেইয়্যে ডাদিগান্ সনা পিদেইনে বানা অলঅ। সিবে ফুল ধোক্ক্যেন কদরাগুন, কুড়িগুন্ আর ফুলুন্ চেরাগ বদঙত্তুন্ নিগিলি এলঅ আর বেক্কুনে মিলিনেই বানা এক্কো জিনিসই অলঅ। 18চেরাগবদঙর্ দ্বিকিত্তেন্দি তিন্নো তিন্নো গুরি বেক্কুনে ছোবুয়ো ডেলা বানেই দিয়্যে অলঅ। 19পত্তম ডেলাবোর্ মোধ্যে মোধ্যে ফুল আর কুঁড়ি সহ বাদাম ফুলো ধোক্ক্যেন চাদে তিন্নো চেরাগ বানা অলঅ। সে পরেন্দি ডেলাবোদ্অ সেধোক্ক্যেন গরা অলঅ। চেরাগ বদঙত্তুন্ নিগিলি এচ্চ্যে ছোবুয়ো ডেলা এক বাবোত্যে অলাক্। 20চেরাগ বদঙর্ ডাদিগানর্ মোধ্যে মোধ্যেয়ো ফুল আর কুঁড়ি সহ বাদাম ফুলো ধোক্ক্যেন চাদে চের্বো চেরাগ্ বানা অলঅ। 21চেরাগ বদঙত্তুন্ নিগিলি এচ্চ্যে বেক্কুনে ছোবুয়ো ডেলা ভিদিরে পত্তম দ্বিবে যিয়েনত্ মিজেয়োন সিগুনোর্ তলে এক্কো কুড়ি থেলঅ, দ্বিলম্বর দ্বিবের্ তলেন্দি আরঅ এক্কো কুড়ি আর তিন লম্বর্ দ্বিবের্ তলেন্দিয়ো আরঅ এক্কো কুড়ি। 22কুড়ি আর ডেলা বেক্কুন্ চেরাগ বদঙত্তুন্ নিগিলি এলাক্ আর বেক্কানিয়ে মিজেনেই এক্কান জিনিস অলঅ। বেক্কান্ খাটি সনা পিদেইনে বানা অলঅ। 23খাটি সনালোই সাত্তো চেরাগ্, চেরাগ বুদ্ধিগানি কাজেবার্ চিম্টি আর চেরাগ বুদ্ধির পুড়ি যেইয়্যে কট্টাগানি রাগেবাত্তেই কয়েক্কো পিলে বানা অলঅ। 24ত্রিশ কেজি খাটি সনালোই এই চেরাগ বদঙো আর তার্ বেক্ পযাপিরানি বানা অলঅ।
ধূপ-পূজো
25বৎসলেলে বাব্লা তক্তালোই এক্কো চের্কুন্যে ধূপ-পূজো বানেল। এক আত্ লাম্বা, এক আত্ পাদাজ্জ্যে আর দ্বিআত্ উজু গুরি পূজোবো বানা অলঅ। শিং সহ বেক্ পূজোবো বানা এক্কান জিনিজই অলঅ। 26পূজোবোর্ উগুরেগান্, তার্ চেরোকিত্তে আর শিঙুন্ খাটি সনালোই বেড়েই দিয়্যে অলঅ। পূজোবোর্ চের্ কাজান্দি ধোজ্যে এলঅ সনার্ আড়ুক্কোই। 27পূজোবোর্ দ্বিডাগেদি আড়ুগোর্ তলেদি দ্বিবে গুরি সনার্ হেবা লাগা অলঅ যেনে সিগুনোর্ ভিদিরেন্দি লুদিক্ ভোরেইনে সিবে বুয়োই নেযা যায়। 28সেই লুদিক্কুন্ বাব্লা তক্তালোই বানেইনে সনালোই বেড়েই নেযা অলঅ। 29ইয়েন্বাদে তুম্বাস্ জিনিস্ বানাইদে ধোক্ক্যেন গুরি খাটি তুম্বাস্ ধূপ আর পবিত্র অভিষেক-তেল্অ বানা অলঅ।
Currently Selected:
যাত্রা 37: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
