যাত্রা 31
31
বৎসলেল আর অহলীয়াব
1সে পরেদি লগেপ্রভু মোশিরে কলঅ, 2“চাহ্, মুই যিহূদা-গুট্টির্ ঊরির পূঅ বৎসলেলরে বেঈ লোইয়োং। ঊরি অলদে হূরোর্ পূঅ। 3মুই এই বৎসলেলরে গোজেনর্ আত্মালোই পরিপূরোণ গোজ্যং। মুই তারে জ্ঞান, বুদ্ধি, অভিজ্ঞতা আর নানান্ বাবত্যে কালিগরি কামর্ খেমতা দিইনে রাগেয়োং। 4সেক্কে তে নিজোর্ মনত্তুন্ সনা, রূবো আর পিদোল উগুরে দোল্ দোল্ নক্শা/আড়ুক্ বানেই পারিবো, 5মংগা মংগা পাত্তর্ কাবিনে আর বোজেই পারিবো আর তক্তার্ আর অন্য নানান্ বাবোত্যে আদর্ কাম্অ গুরি পারিবো। 6ইয়েনি বাদে তারে এজাল্ দিবাত্যে মুই দান-গুট্টির অহীষামকর্ পূঅ অহলীয়াবকরেয়ো বেঈ লোইয়োং। যিদুক্কুন কাবিল্ কালিগরে এই কামানি গুরিবাক্ তারারেয়ো মুই এমন্ জ্ঞান দিইনে রাগেয়োং যেনে তরে দিয়্যে মর্ উগুম্ মজিম্ তারা বেক্ জিনিস্ছানি বানেই পারিবাক্। এই জিনিস্ছানি অলঅ: 7মিলন-তাম্বুল, সাক্ষ্য-সুন্দুক আর সিবে উগুরে ঢাগনিগান, তাম্বুলর্ পযাপিরানি, 8টেবিল আর তা লগে পযাপিরানি, খাটি সনালোই চেরাগটগ আর তার্ পযাপিরানি, ধূপ-পুজো, 9-10পুজ্যে-উৎসর্বর্ পূজো আর সিবের বাজোন্-কদরা, গাবালা আর সিয়েনি বোজেবার্ আসন আর ধর্মগুরুগুনোর্ কামত্তে ধর্মগুরু হারোণত্তে বুন্যে পবিত্র পোজাক্ আর তার্ পূঅগুনোর্ পোজাক্। 11অভিষেকর্ তেল আর পবিত্র জাগানত্তেই তুম্বাজ ধূপ্অ এই জিনিস্ছানি ভিদিরে আঘে। তরে দিয়্যে মর্ উগুম্ মজিম যেনে তারা সিয়েনি বানান্।”
জিরেবার্ দিন্
12-13সে পরেদি লগেপ্রভু মোশির মাধ্যমে ইস্রায়েলীয়গুনোরে এই কধাগান্ কবাত্তে কলঅ: তুমি মর্ পত্তিবারত্ জিরেবার্ দিন্নো পালন গুরিবা। এই জিরেবার দিন্নো বংশর পর্ বংশ ধুরিনে তমার্ আর মইধু এমন্ এক্কান্ চিহ্নো ওই থেবঅ যিয়েন্দোই তুমি বুঝি পারিবাদে, মুয়ই লগেপ্রভু আর মুয়ই তমারে মর্ নাঙে ফারক্ গুরি রাগেয়োং।
14“তুমি জিরেবার্ দিন্নো পালন গুরিবা, কিত্তে এদিন্নো তমাত্তে মর্ নাঙে ফারক্ গুরি রাগা ওইয়্যে। যুনি কনজনে এদিন্নো পালন্ ন-গরন্ সালে তারে মারে ফেলা পুরিবো; যুনি কনজনে এই দিন্নোত্ কনঅ কাম্ গরন্ সালে তারে তার্ জাদ ভিদিরেত্তুন্ বাদ্ দিয়্যে পুরিবো।” 15তুমি সাপ্তায়্ ছয়দিন কাম্ গুরিবা মাত্তর্ সাত্ দিনোত্ অবদে জিরেবার্ দিন, আর লগেপ্রভুর নাঙে সিবে এক্কো ফারক্ গুরি রাগেয়্যে দিন। যুনি কনজনে এ দিন্নোত্ কাম্ গরন্ সালে তারে মারে ফেলা পুরিবো। 16এক্কান্ জিংকানিবর্ সুদোম্ ইজেবে এই জিরেবার্ দিন্নো ইস্রায়েলীয়গুনোর্ বংশর্ পর্ বংশ ধুরি পালন গরা পুরিবো। 17এই দিন্নো মর্ আর ইস্রায়েলীয়গুনো ভিদিরে উমরত্তেই এক্কান্ চিহ্নো ওই থেবঅ, কিত্তে মুই ছয় দিনো ভিদিরে দেবাবো আর পিত্থিমীগান বানেয়োং আর সাত্ দিনোত্ মুই কনঅ কাম্ ন-গরং।
18সিনাই মুড়োবো উগুরে মোশি ইদু এই বেক্ কধানি কনা থুম্ গুরিনে লগেপ্রভু তারে দ্বিবে সাক্ষ্য-ফলক্ দিলো। এ দ্বিবে পাত্তর আরুগ্ উগুরে গোজেনে নিজেই তার্ উগুমানি লেখ্যে।
Currently Selected:
যাত্রা 31: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
