দানিয়েল আজল্ কধাগান
আজল্ কধাগান
পুরোণি সুদোমর্ অমকদ দোল্ আর অমকদ গম্ বোইয়ুনো ভিদিরে দানিয়েল বোইবো এক্কো। ইবে ভিদিরে আঘেদে মূত্তি পূজোত্তুন্ নিজোরে সোরেই রাগেবার জোল্জোল্যে প্রমাণান্, মশীহ পৌইদ্যেনে আগাম্ কধা আর আগাম্ ঘটনাগানির্ টুকিটাকি পৌইদ্যেনে আগেবাগে গমেডালে কনা। যিদুক্কুন যিহূদী বন্দীরে ৬০৪ খ্রী: আগে বাবিলোত্ নেযা ওইয়্যে তারা ভিদিরে দানিয়েলে এলদে এক্কো বুদ্ধিবলা আর দোল্ গাবুজ্যে। তা নাঙানর্ ভেদ্তান্ অলঅ, “গোজেনে মর্ বিচেরক্”। তা খাচ্চ্যত্তান্ আর আচার-বেবহার ভিদিরেদি দেগা যেদঅ, তে সেই কধানি ইদোত্ রাগেইনে তা জিংকানিগান কাদেদ। নবূখদ্নিৎসর আর বেলশৎসরর রাজ-দরবারত্ দানিয়েলে এলদে এক্কো দাঙর্ পোজিশনর্ রাজার্ কামগুরিয়্যে। মাদীয়-পারসীক্কুনে বাবিলান গজক্ গুরি নেযানার পরেদি দারিয়াবস আর পরেদি কোরসর অধীনোত্ সেই দেজর্ তিন্নো নেতা ভিদিরে দানিয়েলে এলদে এক্কো। ভাববাদীর লেগাগুন এমন গুরিনে সাজা ওইয়্যে যিয়েনত্তে পত্তম ছবুয়ো অধ্যেয়র্ বেশ্ গুরি ভাঙি দিয়্যে আর শেজদি ছবুয়ো অধ্যেয়র্ বেশ্ গুরি আগাম্ কধা পৌইদ্যেনে। দানিয়েল ২:৪ পদত্তুন্ ধুরি ৭:২৮ পদ সং সে সময়োত্ বাবিল রেজ্যর্ কধা মজিম্ অরামীয় কধায় লেগা ওইয়্যে।
মূলুক্ মূলুক্ কধানি:
(ক) দানিয়েলর অমকদ বিশ্বেজ্ (১ অধ্যেয়)
(খ) নবূখদ্নিৎসরর দাঙর্ মূত্তিবোর্ দর্শন (২ অধ্যেয়)
(গ) নবূখদ্নিৎসরর সনার্ মূত্তি আর আগুনোর্ চুলো (৩ অধ্যেয়)
(ঘ) গাজ পৌইদ্যেনে নবূখদ্নিৎসরর স্ববন্ (৪ অধ্যেয়)
(ঙ) বেলশৎসরর হানা আর দেবালত্ লেগানা (৫ অধ্যেয়)
(চ) দারিয়াবসর উগুম আর সিংহ গাদ্ (৬ অধ্যেয়)
(ছ) চের্বো য়েমান পৌইদ্যেনে দানিয়েলর স্ববন্ (৭ অধ্যেয়)
(জ) ভেড়া আর পাদা ছাগল পৌইদ্যেনে দানিয়েলর দর্শন (৮ অধ্যেয়)
(ঝ) ৭০ সাপ্তাহ্ পৌইদ্যেনে দানিয়েলর্ দর্শন (৯ অধ্যেয়)
(ঞ) গোজেনর্ মহিমাগানর্ দর্শন (১০ অধ্যেয়)
(ট) যে আগাম্ কধানি যাদিমাদি পূরোণ অবঅ (১১ লামার্ ১-৩৫ পদ সং)
(ঠ) যে আগাম্ কধানি বোউত্ পরেদি পূরোণ অবঅ (১১ লামাত্তুন্ ধুরি ১২ লামার্ ১৩ পদ সং)
Currently Selected:
দানিয়েল আজল্ কধাগান: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society